Published : Jan 30, 2024, 11:57 AM IST
ହାଇଦ୍ରାବାଦ: ଶେଷ ହୋଇଛି ଭାରତ-ଇଂଲଣ୍ଡ ପ୍ରଥମ ଟେଷ୍ଟ ମ୍ୟାଚ । 28 ରନରେ ଭ୍ରମଣକାରୀ ଦଳ ଠାରୁ ପରାଜିତ ହୋଇଛି ଟିମ୍ ଇଣ୍ଡିଆ । ପ୍ରଥମ ଇନିଂସରେ ଦମଦାର ପ୍ରଦର୍ଶନ କରିଥିଲେ ମଧ୍ୟ ଦ୍ବିତୀୟ ପାଳିରେ ଭାରତ ବିଜୟ ରନ ହାସଲ କରିବାରେ ବିଫଳ ହୋଇଥିଲା । ପ୍ରଥମ ଟେଷ୍ଟ ମ୍ୟାଚର ତଚୁର୍ଥ ଦିନରେ ଭାରତୀୟ ପେସ ବୋଲର ଯଶପ୍ରୀତ ବୁମରା ଆଇସିସି ଆଚରଣ ସଂହିତା ଉଲ୍ଲଂଘନ କରିଥିବା ନେଇ ଆଇସିସି ପକ୍ଷରୁ ତାଙ୍କୁ ତାଗିଦ୍ କରାଯାଇଛି ।
ଏହା ମଧ୍ୟ ପଢନ୍ତୁ-2ୟ ଟେଷ୍ଟରୁ ବାଦ ପଡ଼ିଲେ ରାହୁଲ-ଜାଡେଜା; ସର୍ଫରାଜଙ୍କୁ ପ୍ରଥମ ଡକରା
ଇଂଲଣ୍ଡର ଦ୍ୱିତୀୟ ଇନିଂସର 81ତମ ଓଭରରେ ଆଇସିସି ଆଚରଣ ସଂହିତା ଉଲ୍ଲଂଘନ କରିଥିଲେ ବୁମରା । ଯେତେବେଳେ ଓଲି ପୋପ ରନ ନେବାକୁ ଦୌଡୁଥିଲେ ସେହି ସମୟରେ ବୁମରା ଜାଣିଶୁଣି ତାଙ୍କ ଆଗକୁ ଚାଲି ଆସିଥିଲେ । ଏହି ସମୟରେ ସେ ପୋପଙ୍କ ସହ ଧକ୍କା ହୋଇଯାଇଥିଲେ । ଏହା ଆଇସିସି ଆଚରଣ ସଂହିତା ଉଲ୍ଲଂଘନ ବୋଲି ଆଇସିସି କହିଛି । ଏଥିପାଇଁ ଆଇସିସି ଯଶପ୍ରୀତ ବୁମରାଙ୍କୁ ତାଗିତ କରିଛି । ଭାରତ-ଇଂଲଣ୍ଡ ପ୍ରଥମ ଟେଷ୍ଟ ମ୍ୟାଚର ଦ୍ବିତୀୟ ଇଂନିସରେ ଭ୍ରମଣକାରୀ ଦଳ ଦମଦାର ପ୍ରଦର୍ଶନ କରିଥିଲା । ଓଲି ପୋପ ବିସ୍ଫୋରକ ବ୍ୟାଟିଂ କରିଥିଲେ । ତାଙ୍କୁ ଅଟକାଇବା ଭାରତୀୟ ବୋଲରଙ୍କ ନିକଟରେ ସହଜ ହୋଇପାରିନଥିଲା । 196 ରନ କରିବା ପରେ ସେ ବୁମରାଙ୍କ ବଲରେ ଆଉଟ ହୋଇ ପାଭିଲିୟନକୁ ଫେରିଥିଲେ ।
ଏହା ମଧ୍ୟ ପଢନ୍ତୁ-ଇଂଲଣ୍ଡ ବିପକ୍ଷ ପରାଜୟ ପରେ ବାଂଲାଦେଶ ତଳକୁ ଖସିଲା ଭାରତ
ଜାନୁଆରୀ 25 ତାରିଖରେ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଆରମ୍ଭ ହୋଇଥିଲା ଭାରତ ଓ ଇଂଲଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ । ଯାହା 28 ତାରିଖରେ ଶେଷ ହୋଇଛି । ଏହି ମ୍ୟାଚ୍ର ପ୍ରଥମ ପାଳିରେ ଇଂଲଣ୍ଡ 246 ରନରେ ସମସ୍ତ ୱିକେଟ ହରାଇଥିଲା । ଜବାବରେ 436 ରନ କରି ଭାରତ ପ୍ରଥମ ପାଳି ଶେଷ କରି 190ର ଲିଡ୍ ନେଇଥିଲା । ଜବାବରେ ଇଂଲଣ୍ଡ ଦ୍ବିତୀୟ ପାଳିରେ 230 ରନର ଲିଡ୍ କରି ବିଜୟ ପାଇଁ 231 ରନର ଲକ୍ଷ୍ୟ ଦେଇଥିଲା ଭାରତକୁ । ଯାହାକୁ ଭେଦ କରିବାରେ ଟିମ ଇଣ୍ଡିଆ ବ୍ୟାଟର ଫେଲ ମାରିଥିଲେ । ଶେଷରେ 28 ରନ ପଛରେ ରହି ପ୍ରଥମ ଟେଷ୍ଟ ମ୍ୟାଚ୍ ହାରିଥିଲା ଭାରତ ।