ହାଇଦ୍ରାବାଦ: ପୁଣି କମାଲ କରିଛନ୍ତି ଭାରତୀୟ ବୋଲର । ରବିବାର ଖେଳାଯାଇଥିବା ଦ୍ବିତୀୟ ଟି-20ରେ ଚମତ୍କାର ପ୍ରଦର୍ଶନ କରି ଘରୋଇ ଦଳ ଶ୍ରୀଲଙ୍କାକୁ 7 ଓ୍ବିକେଟରେ ମାତ ଦେଇଛି ଟିମ୍ ଇଣ୍ଡିଆ । ବର୍ଷା ବାଧାପ୍ରାପ୍ତ ମ୍ୟାଚକୁ ଜିତି ସିରିଜରେ 2-0 ଲିଡ୍ ନେବା ସହିତ ସିରିଜ୍କୁ ଆଗୁଆ କବ୍ଜା କରିନେଇଛି ଟିମ୍ ଇଣ୍ଡିଆ । ଦର୍ଶନୀୟ ବୋଲିଂ ପ୍ରଦର୍ଶନ ପାଇଁ ରବି ବିଷ୍ଣୋଇ ମ୍ୟାନ ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି ।
ମ୍ୟାଚରେ ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଟିମ୍ ଇଣ୍ଡିଆ । ଶ୍ରୀଲଙ୍କା ବ୍ୟାଟିଂ କରି 20 ଓଭରରେ 9 ଓ୍ବିକେଟ ହରାଇ 161 ରନ ସ୍କୋର କରିଥିଲା । ଦଳ ପକ୍ଷରୁ କେବଳ କୁଶାଲ ପେରେରା ଅର୍ଦ୍ଧଶତକ ହାସଲ କରିଥିବାବେଳେ ପାଥୁମ୍ ନିଶଙ୍କା ଏବଂ କାମିଣ୍ଡୁ ମେଣ୍ଡିସ୍ ହେଲ୍ପଫୁଲ୍ ଇନିଂସ ଖେଳିଥିଲେ । ନିଶଙ୍କା 32 ରନ୍, ମେଣ୍ଡିସ 10, ପେରେରା 53, କାମିଣ୍ଡୁ ମେଣ୍ଡିସ୍ 26, ଆଶଲଙ୍କା 14 ରନ ସ୍କୋର କରିଥିଲେ ।
ତେବେ ବୋଲିଂରେ ଅଧିନାୟକ ସୂର୍ଯ୍ୟକୁମାର 6 ଜଣ ବୋଲରଙ୍କୁ ବଲ ଧରାଇଥିଲେ । ସବୁଠୁ ସଫଳ ରହିଥିଲେ ରବି ବିଶ୍ନୋଇ । ସେ 4 ଓଭର ବୋଲିଂ କରି ମାତ୍ର 26 ରନ ଦେଇ 3ଟି ଓ୍ବିକେଟ ନେଇଥିଲେ । ସେହିପରେ ଅର୍ଶଦୀପ ସିଂ, 3 ଓଭର ବୋଲିଂ କରି 24 ରନ ଦେଇ 2ଟି ଓ୍ବିକେଟ, ଅକ୍ସର ପଟେଲ 4 ଓଭର ବୋଲିଂ କରି 30 ରନ ଦେଇ 2ଟି ଓ୍ବିକେଟ, ହାର୍ଦ୍ଦିକ ପାଣ୍ଡ୍ୟା 23 ରନ ଦେଇ 2ଟି ଓ୍ବିକେଟ ନେଇଥିଲେ ।