Aparajita Sarangi Reacts During JP Nadda's Road Show (ETV Bharat Odisha) ଭୁବନେଶ୍ବର: ରାଜଧାନୀରେ ବିଜେପି ଭରିଛି ରଣହୁଙ୍କାର । ଜାତୀୟ ସଭାପତି ଜେପି ନଡ୍ଡାଙ୍କ ରୋଡ଼ ସୋ କମ୍ପିଛି ଏକାମ୍ର କ୍ଷେତ୍ର । ମାଉସୀମା ଛକରୁ ଲିଙ୍ଗରାଜ ମନ୍ଦିର ପର୍ଯ୍ୟନ୍ତ ବିଶାଳ ରୋଡ ସୋ କରି ପ୍ରଚାର କରିଛନ୍ତି ନଡ୍ଡା । ଏକାମ୍ର ନିର୍ବାଚନ ମଣ୍ଡଳୀରେ ପ୍ରଚାର ପରେ ପ୍ରଭୁ ଶ୍ରୀ ଲିଙ୍ଗରାଜଙ୍କ ଦର୍ଶନ କରିଛନ୍ତି ନଡ୍ଡା । ରୋଡ଼ ସୋ ରେ ଭୁବନେଶ୍ବର ସାଂସଦ ଅପରାଜିତା ଷଢଙ୍ଗୀ ଓ ଏକାମ୍ର ନିର୍ବାଚନମଣ୍ଡଳୀର ବିଜେପି ପ୍ରାର୍ଥୀ ବାବୁ ସିଂଙ୍କ ପାଇଁ ଭୋଟ ମାଗିଛନ୍ତି ଜେପି ନଡ୍ଡା । ଅପରାଜିତା ଷଡଙ୍ଗୀ, ବାବୁ ସିଂ ଓ ଅନ୍ୟ ବିଜେପି ସମର୍ଥକ, ନେତା ଓ କର୍ମୀଙ୍କ ସହ ରୋଡ଼ ସୋ କରିଛନ୍ତି ନଡ୍ଡା ।
ଭୁବନେଶ୍ବର ସାଂସଦ ଓ ବିଧାୟକ ପ୍ରାର୍ଥୀଙ୍କ ସହ ଓଡ଼ିଶାର ସମସ୍ତ ପ୍ରାର୍ଥୀଙ୍କ ପାଇଁ ଆଶୀର୍ବାଦ ମାଗିଛନ୍ତି ନଡ୍ଡା । ରାଜ୍ୟରେ ବିଜେପି ସରକାର କରିବାର ଦୃଢ଼ୋକ୍ତିକୁ ନେଇ କେନ୍ଦ୍ରର ଶୀର୍ଷ ନେତୃବୃନ୍ଦ ଓଡିଶାରେ ମାରାଥନ ପ୍ରଚାର କରୁଥିବା ବେଳେ ଏହି ପ୍ରଚାରରେ ସାମିଲ ହୋଇଛନ୍ତି ନଡ୍ଡା । ସେ ମଧ୍ୟ ରୋଡ ସୋରେ ବିଜେଡ଼ିକୁ ଟାର୍ଗେଟ କରିଥିବା ବେଳେ ଏଥର ବାବୁରାଜ ହଟିବ ଓ ଲୋକଙ୍କ ସରକାର ଆସିବା ବୋଲି କହିଛନ୍ତି । ବିଜେପି ସରକାରରେ ଆସିଲେ ହିଁ ରାଜ୍ୟରେ ଲୋକଙ୍କ ସରକାର ହେବ ବୋଲି କହିଛନ୍ତି ନଡ୍ଡା ।
ଏହା ମଧ୍ୟ ପଢନ୍ତୁ ....ପୁରୁଣା ଭୁବନେଶ୍ବରରେ ପାଣ୍ଡିଆନଙ୍କ ପ୍ରଚାର, ଧର୍ମେନ୍ଦ୍ର ଓ ଅପରାଜିତାଙ୍କୁ ଟାର୍ଗେଟ - Vk Pandian Campaign
ପ୍ରଚାରରେ ସାମିଲ ହୋଇଥିବା ଅପରାଜିତା ଷଡଙ୍ଗୀ କହିଛନ୍ତି,"ପୂର୍ବରୁ ପ୍ରଧାନମନ୍ତ୍ରୀ ମୋଦି ମଧ୍ୟ ନିର୍ବାଚନ ମଣ୍ଡଳୀରେ ରୋଡ଼ ସୋ କରିଥିବା ବେଳେ ଆଜି ଏକାମ୍ରରେ ରାଷ୍ଟୀୟ ଅଧ୍ୟକ୍ଷ ଜେପି ନଡ୍ଡା ଶୋଭାଯାତ୍ରା କରିଛନ୍ତି । ଦୁଇଟି ଯାକ ଶୋଭାଯାତ୍ରାରେ ବିଜେପିକୁ ଲୋକମାନଙ୍କର ପ୍ରବଳ ଜନ ସମର୍ଥନ ମିଳିଛି । ଭୁବନେଶ୍ବର ଜନସାଧାରଣ ଉଭୟ ପାର୍ଶ୍ବରେ ହଜାର ହଜାର ସଂଖ୍ୟାରେ ଉପସ୍ଥିତ ରହି ଉଭୟଙ୍କର ଅଭିଵାଦନକୁ ଗ୍ରହଣ ଯେଭଳି ଭାବେ ଗ୍ରହଣ କରିଛନ୍ତି ତାହା ହିଁ ସ୍ପଷ୍ଟ କରୁଛି ଯେ କେନ୍ଦ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର ତୃତୀୟ ଥର ଆସୁଛନ୍ତି । ଆଉ ଓଡ଼ିଶାରେ ଏଥର ବିଜେପିର ସରକାର ଆସୁଛି । ଏଥିରେ କୌଣସି ପ୍ରକାର ସନ୍ଦେହ ନାହିଁ । ଏହି ସ୍ପଷ୍ଟତାକୁ ନେଇ ବିଜେଡି ଶିବିରରେ ବର୍ତ୍ତମାନ ଭୟ, ଡର ରହିଛି ଓ ନୈରାଶ୍ୟ ଭାବ ମଧ୍ୟ ଅଛି । ରାଜ୍ୟରେ ବିଜେପି ସରକାରର ଦୃଢ଼ୋକ୍ତିକୁ ନେଇ କେନ୍ଦ୍ରୀୟ ଶୀର୍ଷ ନେତୃବୃନ୍ଦ, ସାଂସଦ ଓ ବିଧାୟକ ପ୍ରାର୍ଥୀ ଆମେ ସମସ୍ତେ ମିଳିତ ଭାବେ ଉଦ୍ୟମ କରୁଛୁ । ସବୁଆଡେ ବର୍ତ୍ତମାନ ପରିବର୍ତ୍ତନର ପରିବେଶ ଦେଖିବାକୁ ମିଳିଛି ।"
ଅନ୍ୟପଟେ ବିଜେଡ଼ିକୁ କଟାକ୍ଷ କରି କହିଛନ୍ତି, "ଯଦି ଆପଣମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭୋଟ ଦେଉଛନ୍ତି ତାହାଲେ ନବୀନ ବାବୁ ନୁହନ୍ତି ପାଣ୍ଡୁଜୀ ମୁଖ୍ୟମନ୍ତ୍ରୀ ହେବେ । ଏହା ଆପଣମାନଙ୍କୁ ସ୍ବୀକାର ଅଛି କି ନାହିଁ ଆପଣମାନେ ଚିନ୍ତା କରିବେ । ଏହି ଦଳ ଏବେ ବିଜୁ ଜନତା ଦଳ ନୁହେଁ ଏହା ପାଣ୍ଡୁ ଜନତା ଦଳ । ଏକଥା ମୁଁ ନୁହେଁ ସାଧାରଣ ଲୋକେ କହୁଛନ୍ତି । ଗତକାଲିର ଏକ ବୈଠକର ହିଁ ମୁଁ ଏ ଶବ୍ଦକୁ ମୁଁ ଆପଣଙ୍କ ସମ୍ମୁଖରେ ଉପସ୍ଥାପନା କଲି । ତେଣୁ ଆମକୁ ଏକ ସ୍ଵଚ୍ଛ ଶାସନ ଦରକାର, ପାରଦର୍ଶୀ ଶାସନ ଦରକାର । ଯେଉଁ ସରକାର କି ମୁଖ୍ୟମନ୍ତ୍ରୀଙ୍କ ହାତରେ ଥିବ, ଆମ ଭାଷାରେ ଆମକୁ ସମ୍ବାଦ ପରିବେଷଣ କରିପାରୁଥିବା ଦରକାର, ଆମକୁ ସୁସ୍ଥ ଓ ଯୁବକ ମୁଖ୍ୟମନ୍ତ୍ରୀ ଦରକାର ବୋଲି କହିଛନ୍ତି ଅପରାଜିତା ।
ସେପଟେ ଏହି ରୋଡ଼ ସୋ ପରେ ବିଜେପି ଏକାମ୍ର ପ୍ରାର୍ଥୀ ବାବୁ ସିଂ କହିଛନ୍ତି," ଯେତେବେଳ ସାଧାରଣ ଲୋକେ ସ୍ଥିର କରନ୍ତି ସେତେବେଳେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ବି ପରାସ୍ତ ହୋଇଛନ୍ତି ଏକଥା ଇତିହାସରେ ବି ସାକ୍ଷୀ ଅଛି । ଲୋକମାନେ ହେଉଛନ୍ତି ଆମ ମାଲିକ । ସେମାନେ ସ୍ଥିର କରିଛନ୍ତି ଏଥର ବିଜେପିକୁ ଭୋଟ ଦେବେ । ଆଉ 24 ବର୍ଷର କଳଙ୍କିତ ଶାସନ, ଭ୍ରଷ୍ଟାଚାର ଓ ମହିଳା ବିରୋଧୀ ଶାସନକୁ ହଟାଇବେ । ନୂଆ ସକାଳ ଓ ନୂଆ ସ୍ବପ୍ନ ଦେଖାଇବେ । କାରଣ ଆଜି ଆମ ଦଳର ସଭାପତି ବା ବିଜେପି ରାଷ୍ଟୀୟ ଅଧ୍ୟକ୍ଷଙ୍କ ରୋଡ଼ ସୋ ଏବଂ ପୂର୍ବରୁ ହୋଇଯାଇଥିବା ପ୍ରଧାନମନ୍ତ୍ରୀଙ୍କ ରୋଡ଼ ସୋ ଭୁବନେଶ୍ବରବାସୀଙ୍କ ଉତ୍ସାହ ବଢ଼ାଇଛି ସାଧାରଣ ଲୋକଙ୍କ ନିଷ୍ପତ୍ତି ଆହୁରି ଅଧିକ ଶାଣିତ କରିଛି ।" ମୋର ଆଶା ଓ ବିଶ୍ବାସ ମେ ୨୫ ରେ ଭୁବନେଶ୍ବରରେ ବିଜେପିର ଜିତ ହେବ ଓ ଡବଲ ଇଞ୍ଜିନରେ ସରକାର ଚାଲିବ ବୋଲି କହିଛନ୍ତି ବାବୁ ସିଂ ।
ଇଟିଭି ଭାରତ, ଭୁବନେଶ୍ବର
