ଶୀତୁଆ ସନ୍ଧ୍ୟାରେ ଚୁଟ୍‌କିରେ ଘରେ ବନାନ୍ତୁ ଭେଜ୍ ସୁପ୍

ଶୀତ ଦିନେ ସନ୍ଧ୍ୟାରେ କିଛି ହେଲ୍‌ଦି ଓ ଟେଷ୍ଟି ଖାଇବାକୁ ମନ ହେଉଛି ? ତାହେଲେ ଘରେ ବନାନ୍ତୁ ଟେଷ୍ଟି ଭେଜିଟେବୁଲ ସୁପ୍ । ଜାଣନ୍ତୁ ରେସିପି

ଶୀତ ଦିନେ ସକାଳେ ସନ୍ଧ୍ୟାରେ ଗରମ ଗରମ ଖାଦ୍ୟ ଖାଇବାକୁ ସମସ୍ତଙ୍କୁ ଭଲ ଲାଗେ । ଖାସ୍ କରି ସନ୍ଧ୍ୟାବେଳେ ସମସ୍ତେ କିଛି ହେଲ୍‌ଦି ଓ ଟେଷ୍ଟି ଖାଇବାକୁ ମନ ବଳାଇଥାନ୍ତି । ସେଥିପାଇଁ ଆଜି ଆମେ ଆପଣଙ୍କ ପାଇଁ ନେଇଆସୁଛୁ ଭେଜ୍ ସୁପ୍ ରେସିପି । ଏହା ପାଟିକୁ ଯେମିତି ସୁଆଦିଆ ଦେହ ପାଇଁ ବି ସେମିତି ହିତକର । ଆପଣ ଘରେ ପୁରା ରେସ୍ତୋରାଁ ଷ୍ଟାଇଲରେ ଏହି ଭେଜିଟେବୁଲ ସୁପ୍ ପ୍ରସ୍ତୁତ କରି ନିଜ ପରିବାର ଲୋକଙ୍କୁ ପରଷି ପାରିବେ । ଚାଲନ୍ତୁ ଜାଣିବା କିପରି ପ୍ରସ୍ତୁତ କରିବେ

ଆବଶ୍ୟକୀୟ ସାମଗ୍ରୀ:

• ବଟର
• କଟା ଅଦା, ରସୁଣ
• ମକା
• ଗ୍ରୀନ ମଟର
• ବିନ୍ସ
• ଗାଜର
• ସ୍ପ୍ରିଙ୍ଗ ଓନିଅନ
• କ୍ୟାପ୍ସିକମ
• କଟା ପତ୍ରକୋବି
• ବ୍ରୋକଲି (ଚାହିଁଲେ)
• କନଫ୍ଲୋର
• ଭିନେଗାର
• ଗୋଲମରିଚ ଗୁଣ୍ଡ
• ସ୍ବାଦ ଅନୁସାରେ ଲୁଣ
• ଟମାଟୋ ସସ୍, ଚିଲି ସସ୍

ସବୁ ପରିବାକୁ ଟିକିଟିକି କରି କାଟି ରଖନ୍ତୁ ।

ପ୍ରସ୍ତୁତି ପ୍ରଣାଳୀ

1. ପ୍ରଥମେ ଗ୍ୟାସରେ କଡେଇ ବସାଇ ଦୁଇ ଚାମଚ ବଟର ପକାନ୍ତୁ । ଏଥିରେ କଟା ଅଦା ଓ ରସୁଣ ପକାଇ ଭାଜନ୍ତୁ ।
2. ଅଦା ରସୁଣ ବାଦାମୀ ରଙ୍ଗ ଦେଖାଗଲେ ସ୍ପ୍ରିଙ୍ଗ ଓନିଅନ ପକାଇ କିଛି ସେକେଣ୍ଡ ଭାଜନ୍ତୁ ।
3. ଏବେ ସବୁ ପରିବା- ମକା, ଗାଜର, ବିନ୍ସ, କୋବି, ଗ୍ରୀନ ମଟର, ବ୍ରୋକଲି ପକାଇ କିଛି ସମୟ ଫ୍ରାଏ କରନ୍ତୁ । ଭଲ ଭାବେ ଫ୍ରାଏ ହେଲା ପରେ ଆପଣ ନିଜ ଆବଶ୍ୟକତା ଅନୁସାରେ ପାଣି କମ୍ ବେଶୀ ଦେଇପାରିବେ ।
4. ଏହା ଫୁଟିଲା ପରେ ଅଳ୍ପ ଗୋଲମରିଚ ଗୁଣ୍ଡ ପକାନ୍ତୁ । ସ୍ବାଦ ଅନୁସାରେ ଲୁଣ ଓ ଅଧା ଚାମଚ ଭିନେଗାର ପକାଇ ଘୋଡାଇ ଦିଅନ୍ତୁ । ଭିନେଗାର ପକାଇଲେ ସ୍ବାଦ ଭଲ ଆସେ ।
5. ଏହି ସୁପ୍‌କୁ 5ରୁ 6 ମିନିଟ୍ ଫୁଟିବାକୁ ଛାଡନ୍ତୁ । ଏହାପରେ ଦେଢ ଚାମଚ କନଫ୍ଲୋରକୁ ପାଣିରେ ଭଲ ଭାବେ ଗୋଳାଇ ସୁପରେ ଦିଅନ୍ତୁ । ଏଥିରେ ସୁପ୍ ବହଳିଆ ହୁଏ ।
6. ଏବେ ପୁଣି କିଛି ମିନିଟ୍ ଫୁଟିବାକୁ ଦିଅନ୍ତୁ । ଏହାପରେ ପୁଣି ଅଳ୍ପ ଗୋଲମରିଚ ଗୁଣ୍ଡ ପକାନ୍ତୁ । ଶେଷ ବେଳକୁ ଦୁଇ ଚାମଚ ଟମାଟୋ ସସ୍ ଓ ଗୋଟିଏ ଚାମଚ ଚିଲି ସସ୍ ଗୋଳାଇ ସୁପରେ ଦିଅନ୍ତୁ । ଗୋଟିଏରୁ ଦୁଇ ମିନିଟ୍ ଫୁଟିବା ପରେ ଗ୍ୟାସ୍ ବନ୍ଦ କରିଦିଅନ୍ତୁ ।
7. ଏବେ ପ୍ରସ୍ତୁତ ହୋଇଗଲା ଆପଣଙ୍କ ଭେଜିଟେବୁଲ ସୁପ୍ । ସନ୍ଧ୍ୟାରେ ପୁରା ପରିବାର ସହ ମିଶି ଗରମ ଗରମ ସୁପ୍‌ର ମଜା ନିଅନ୍ତୁ ।

ଏହା ମଧ୍ୟ ପଢନ୍ତୁ: ବିବାହ ପୂର୍ବରୁ ଅଣଦେଖା କରନ୍ତୁନି ଏସବୁ କଥା, ନହେଲେ ହଇରାଣ ହେବେ ଏହା ମଧ୍ୟ ପଢନ୍ତୁ: ହାର୍ଟ ଫେଲିୟର ହେଲେ ଦେଖାଯାଏ ଏସବୁ ଲକ୍ଷଣ ଏହା ମଧ୍ୟ ପଢନ୍ତୁ:ଏହି ଦେଶରେ କେବଳ ମୋଟା ଝିଅଙ୍କୁ ବାହା ହୁଅନ୍ତି ପୁଅ, ବାହାଘର ପୂର୍ବରୁ ଯାଆନ୍ତି ଫ୍ୟାଟ୍ କ୍ୟାମ୍ପ