Alcohol impact on women: ଆଜିକାଲିର ଖରାପ ଜୀବନଶୈଳୀ ଓ ଖାଦ୍ୟପେୟ କାରଣରୁ ମଣିଷକୁ ବିଭିନ୍ନ ପ୍ରକାର ରୋଗ ଗ୍ରାସ କରୁଛି । ହୃଦରୋଗ, ଯକୃତ ରୋଗ, ମୋଟାପଣ ପ୍ରଭୃତି ଗମ୍ଭୀର ସମସ୍ୟା ଭାବେ ଉଭା ହୋଇଛି । ଯାହାର ପ୍ରମୁଖ କାରଣ ହେଲା ମଦ୍ୟପାନ । ଆପଣ ଜାଣନ୍ତି କି, ମଦ୍ୟପାନ ପୁରୁଷଙ୍କ ଅପେକ୍ଷା ମହିଳାଙ୍କ ପାଇଁ ଅଧିକ କ୍ଷତିକାରକ । ଏହା ଲିଭର (ଯକୃତ) ଖରାପ କରିବା ସହିତ ସ୍ତନ କର୍କଟ, ହୃଦରୋଗ, ହେପାଟାଇଟିସ୍, ବ୍ରେନ ଡ୍ୟାମେଜ, ଷ୍ଟ୍ରୋକ ଆଶଙ୍କା ବଢାଇଥାଏ । ଅତ୍ୟଧିକ ମଦ ପିଉଥିବା ମହିଳାଙ୍କର ପ୍ରଜନନ କ୍ଷମତା ମଧ୍ୟ ପ୍ରଭାବିତ ହୋଇଥାଏ ।
ଜେନେରାଲ ଫିଜିସିଆନ ଡଃ ଆଶିଷ ଚଟ୍ଟୋପାଧ୍ୟାୟଙ୍କ କହିବା କଥା, ମଦ୍ୟପାନ କରିବା ପୁରୁଷଙ୍କ ତୁଳନାରେ ମହିଳାଙ୍କ ପାଇଁ ଅଧିକ ହାନିକାରକ ଅଟେ । ଏହା ମହିଳାଙ୍କ ଲିଭର ଉପରେ ଗୁରୁତର ପ୍ରଭାବ ପକାଏ । ଯଦ୍ବାରା ଲିଭର ନଷ୍ଟ ହେବାର ଆଶଙ୍କା ରହିଥାଏ । ସେଥିପାଇଁ ମହିଳାମାନେ ସୀମିତ ମଦପାନ କରିବାକୁ ପରାମର୍ଶ ଦିଆଯାଏ ।
Pulmonologist ଡଃ ଅମିତ ଗାୱଣ୍ଡେ କହିଛନ୍ତି, ମଦ ପିଇବା ଯୋଗୁଁ ମହିଳାଙ୍କ ପ୍ରଜନନ ସମ୍ବନ୍ଧୀୟ ସମସ୍ୟା ଦେଖାଯାଇପାରେ । ଏଥିସହ ପୁରୁଷଙ୍କ ତୁଳନାରେ ସେମାନଙ୍କ ଲିଭର ଖରାପ ହେବାର ସମ୍ଭାବନା ଅଧିକ ଥାଏ । ସେଥିପାଇଁ ମହିଳାମାନେ ମଦ ପିଇବାରୁ ନିବୃତ୍ତ ରହିବା ଆବଶ୍ୟକ ।
ମଦ ଲିଭର ସହିତ ଶରୀରର ଅନ୍ୟ ଅଙ୍ଗପ୍ରତ୍ୟଙ୍ଗକୁ ମଧ୍ୟ ପ୍ରଭାବିତ କରେ ଓ ଜଟିଳ ସ୍ବାସ୍ଥ୍ୟ ସମସ୍ୟା ସୃଷ୍ଟି କରିଥାଏ । ବିଶେଷଜ୍ଞ ଅନୁସାରେ, ଅତ୍ୟଧିକ ଓ ଦୀର୍ଘ ଦିନ ଧରି ମଦ୍ୟପାନ କରୁଥିବା ବ୍ୟକ୍ତିଙ୍କୁ ମାରାତ୍ମକ ଲିଭର ରୋଗ ହୋଇପାରେ । ବିଶ୍ବ ସ୍ବାସ୍ଥ୍ୟ ସଂଗଠନ (WHO) ଅନୁସାରେ, ବିଶ୍ବରେ ପାଖାପାଖି 70 ପ୍ରତିଶତ ଲୋକ ଲିଭର ସମସ୍ୟାରେ ପୀଡିତ । ଡାକ୍ତରଙ୍କ କହିବା କଥା, ପୁରୁଷଙ୍କ ତୁଳନାରେ ମହିଳାଙ୍କ ମଧ୍ୟରେ ସିରୋସିସ୍ ଓ ମଦ ସହ ଜଡିତ ଅନ୍ୟ ଯକୃତ ରୋଗର ବିପଦ ଅଧିକ ଥାଏ । NIH ଅଧ୍ୟୟନ ଅନୁସାରେ, ପୁରୁଷଙ୍କ ଅପେକ୍ଷା ମହିଳାଙ୍କ ପାଇଁ ଅଧିକ ବିପଦ ସୃଷ୍ଟି କରିଥାଏ ମଦ । ଏହା ମୋଟାପଣର ମଧ୍ୟ କାରଣ ହୋଇଥାଏ ।
ଭାରତରେ ଅନେକ ଲୋକ ମୋଟାପଣ ଯୋଗୁଁ ବିଭିନ୍ନ ସ୍ବାସ୍ଥ୍ୟ ସମସ୍ୟା ଭୋଗୁଛନ୍ତି । ମଦ ଲିଭର ଉପରେ ଗୁରୁତର ପ୍ରଭାବ ପକାଏ, ଯେଉଁ କାରଣରୁ ଫ୍ୟାଟି ଲିଭର, ହେପାଟାଇଟିସ୍ ଓ ସିରୋସିସ୍ ଭଳି ସମସ୍ୟା ଦେଖାଯାଏ । ମଦକୁ ଡାଇରେକ୍ଟ ହେପାଟୋଟକ୍ସିନ ମନେକରାଯାଏ । ହେଲେ ସମସ୍ତଙ୍କୁ ଆଲକୋହଲିକ ଲିଭର ରୋଗ (ମଦ ସହ ଜଡିତ ଯକୃତ ରୋଗ) ହୁଏ ନାହିଁ । ଅତ୍ୟଧିକ ମଦ ପିଇବା ଦ୍ବାରା ଲିଭର୍ ସମସ୍ୟା ସହିତ ମସ୍ତିଷ୍କ ସ୍ବାସ୍ଥ୍ୟ ପ୍ରଭାବିତ ହୋଇଥାଏ, ହୃଦରୋଗ ଆଶଙ୍କା ବୃଦ୍ଧି ପାଏ, ବ୍ରେଷ୍ଟ ଏବଂ ଅନ୍ୟ କ୍ୟାନ୍ସର, ଉଚ୍ଚ ରକ୍ତଚାପ, ଷ୍ଟ୍ରୋକ ବିପଦ ବଢିଥାଏ । ପାଚନ ସମସ୍ୟା ମଧ୍ୟ ଦେଖାଯାଏ ।
କେମିତି ମହିଳାଙ୍କୁ ପ୍ରଭାବିତ କରେ ମଦ:
ବିଶେଷଜ୍ଞଙ୍କ ଅନୁସାରେ, ମଦ୍ୟପାନ ପୁରୁଷଙ୍କ ତୁଳନାରେ ମହିଳାଙ୍କ ଉପରେ ଗୁରୁତର ପ୍ରଭାବ ପକାଏ । ମହିଳାଙ୍କର ଲିଭର ଖରାପ ହେବାର ସମ୍ଭାବନା ଅଧିକ ରହିଥାଏ । ତେବେ କମ୍ ମଦ ପିଇଲେ ବି ଆଲକୋହଲିକ ରୋଗ ହୋଇପାରେ । ମୋଟାପଣ ସମସ୍ୟା ମଧ୍ୟ ଦେଖାଯାଏ ।
ଲିଭର ଖରାପ କରେ: ନିୟମିତ ମଦ ପିଉଥିବା ମହିଳାଙ୍କୁ ହେପାଟାଇଟିସ୍ ହେବାର ସମ୍ଭାବନା ଅଧିକ, ଯାହାକି ମଦ ସହ ଜଡିତ ଏକ ଘାତକ ଯକୃତ ରୋଗ ଅଟେ । ଏହା ଲିଭର ସିରୋସିସ୍ର କାରଣ ମଧ୍ୟ ହୋଇଥାଏ ।