ହାଇଦ୍ରାବାଦ: ଓଡ଼ିଆଙ୍କ ପ୍ରିୟ ଖାଦ୍ୟ ପଖାଳ । ତା' ସାଙ୍ଗକୁ ଶୁଖୁଆ ଭଜା ଟିକିଏ ହେଲେ ପଖାଳ ଖିଆର ମଜା ଦ୍ବିଗୁଣିତ ହୋଇଯାଏ । ଶୁଖୁଆ ସହ ଛାଆଁ ଛାଆଁ ଉଠିଯାଏ ବେଲାଏ ପଖାଳ । ଯିଏ ଶୁଖୁଆ ଖାଇଛି ସେ ତାର ସ୍ବାଦ ଜାଣିଛି । ତେବେ ଅନେକ ଲୋକ ଶୁଖୁଆ ଖାଇବାକୁ ପସନ୍ଦ କରୁଥିବା ବେଳେ କିଛି ଲୋକ ନାଁ ଶୁଣୁଶୁଣୁ ନାକ ଟେକନ୍ତି । ଏପରି ସ୍ଥିତିରେ, ପ୍ରଶ୍ନ ଉଠେ ଯେ, ଶୁଖୁଆ ଖାଇବା ସ୍ବାସ୍ଥ୍ୟ ପାଇଁ ଲାଭଦାୟକ କି ? ତେବେ ଏନେଇ ସ୍ବାସ୍ଥ୍ୟ ବିଶେଷଜ୍ଞମାନେ କ'ଣ କହୁଛନ୍ତି, ଜଣନ୍ତୁ..
- ଶୁଖୁଆରେ ଅଛି ଏହି ସବୁ ପୋଷକତତ୍ତ୍ବ
ଡାକ୍ତରମାନଙ୍କ କହିବା ଅନୁସାରେ, ଶୁଖୁଆରେ ପ୍ରୋଟିନ୍, ଭିଟାମିନ୍ B-12, ଆଣ୍ଟିଅକ୍ସିଡାଣ୍ଟ, ପୋଟାସିୟମ୍, ଫସଫରସ୍, ସେଲେନିୟମ୍, ସାଚୁରେଟେଡ୍ ଫ୍ୟାଟି ଏସିଡ୍ ଏବଂ ସୋଡିୟମ୍ ରହିଥାଏ । ଶୁଖୁଆ ଖାଇବା ଦ୍ବାରା ସ୍ବାସ୍ଥ୍ୟକୁ ଅନେକ ଲାଭ ମିଳିଥାଏ । କିନ୍ତୁ ଶୁଖୁଆ ଖାଇବା ସମସ୍ତଙ୍କ ପାଇଁ ଲାଭଦାୟକ ନୁହେଁ । ଡାକ୍ତରଙ୍କ କହିବା ଅନୁସାରେ, କିଛି ସ୍ୱାସ୍ଥ୍ୟ ସମସ୍ୟାରେ ପୀଡିତ ଲୋକମାନେ ଶୁଖୁଆ ଖାଇବାଠାରୁ ଦୂରେଇ ରହିବା ଉଚିତ ।
କେଉଁ ଲୋକମାନେ ଶୁଖୁଆ ଖାଇବା ଉଚିତ୍ ନୁହେଁ:
- ଉଚ୍ଚ ରକ୍ତଚାପରେ ପୀଡିତ ଲୋକଙ୍କୁ ଶୁଖୁଆ ଖାଇବା ଅନୁଚିତ । ଶୁଖୁଆରେ ସୋଡିୟମର ପରିମାଣ ଅଧିକ ଥାଏ । ଏଥିରେ ଥିବା ସୋଡିୟମ୍ ରକ୍ତଚାପ ବୃଦ୍ଧି କରିବାରେ ସାହାଯ୍ୟ କରିପାରେ । ଏହା ହାର୍ଟ ଉପରେ ମଧ୍ୟ ପ୍ରଭାବ ପକାଇପାରେ । ବୃକକର ନିର୍ମାଣ କ୍ଷମତା (Building Capacity) ଉପରେ ଖରାପ ପ୍ରଭାବ ପକାଇଥାଏ । ତେଣୁ, ଏହି ସମସ୍ୟାରେ ପୀଡିତ ଲୋକମାନେ ଶୁଖୁଆ ଖାଇବା ଉଚିତ୍ ନୁହେଁ ।
- ମଧୁମେହ (Diabetes) ପୀଡିତ ଲୋକଙ୍କ ପାଇଁ ଶୁଖୁଆ ଖାଇବା ମଧ୍ୟ କ୍ଷତିକାରକ ହୋଇପାରେ । ଏହାକୁ ଖାଇବା ଦ୍ବାରା ମଧୁମେହ ରୋଗୀଙ୍କ ରକ୍ତରେ ଶର୍କରା ସ୍ତର ବୃଦ୍ଧି ପାଇପାରେ । ବିଶେଷଜ୍ଞଙ୍କ ମତରେ ହୃଦ୍ରୋଗରେ ପୀଡିତ ଲୋକଙ୍କ ପାଇଁ ଶୁଖୁଆ ଖାଇବାରୁ ଦୂରେଇ ରହିବା ଭଲ । ଏଥିରେ ଥିବା ଚର୍ବି, ସମସ୍ୟାକୁ ଆହୁରି ବଢ଼ାଇପାରେ ।
- କମ୍ ରୋଗ ପ୍ରତିରୋଧକ ଶକ୍ତି ଥିବା ଲୋକମାନେ ଏବଂ ଯେଉଁମାନେ ପ୍ରାୟତଃ କାଶ ଏବଂ ଥଣ୍ଡା ଭଳି ସମସ୍ୟାରେ ପୀଡିତ, ସେମାନଙ୍କୁ ଶୁଖୁଆ ଖାଇବା ଅନୁଚିତ । ଶୁଖୁଆ ଖାଇବା ଫଳରେ, ସମସ୍ୟା ଆହୁରି ବଢ଼ିବାର ଆଶଙ୍କା ରହିଥାଏ । କିଛି ଲୋକଙ୍କୁ ଶୁଖୁଆ ପ୍ରତି ଆଲର୍ଜି ହୋଇଥାଏ । ସେଥିପାଇଁ ଯେଉଁ ଲୋକମାନଙ୍କର ପ୍ରାୟତଃ ଯାଦୁ, କୁଣ୍ଡିଆ ଭଳି ଚର୍ମ ସମସ୍ୟା ରହିଛି, ସେମାନେ ଶୁଖୁଆ ଖାଇବାରୁ ଦୂରେଇ ରହିବା ଭଲ ।
- ବିଶେଷଜ୍ଞଙ୍କ ମତରେ ସାଇନୋସାଇଟିସ୍ (Sinusitis) ଏବଂ ଆଜ୍ମା ଭଳି ଶ୍ବାସକ୍ରିୟା ଜନିତ ସମସ୍ୟା ଥିବା ଲୋକମାନେ ଶୁଖୁଆ ଖାଇବା ଉଚିତ୍ ନୁହେଁ । ଶୁଖୁଆ ଖାଇବା ଦ୍ୱାରା ସମସ୍ୟା ଆହୁରି ବଢ଼ିପାରେ । ଛୋଟ ପିଲାମାନଙ୍କ ପାଇଁ ଶୁଖୁଆ ଖାଇବା ଭଲ ନୁହେଁ । ଏହା ସେମାନଙ୍କଠାରେ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ସୃଷ୍ଟି କରିପାରେ । ସେଥିପାଇଁ ଶୁଖୁଆକୁ ସେମାନଙ୍କଠାରୁ ଦୂରରେ ରଖିବା ଭଲ ।
- ଶୁଖୁଆର ବସ୍ନା ଟିକେ ଅଜବ ହେଲେ ମଧ୍ୟ ଏହା ପୁଷ୍ଟିକର ସାରରେ ଭରପୂର ବୋଲି କୁହାଯାଏ । ଡାକ୍ତରମାନଙ୍କ କହିବା ଅନୁସାରେ, ଶୁଖୁଆରେ ପ୍ରୋଟିନ୍, ଭିଟାମିନ୍ B-12, ଆଣ୍ଟିଅକ୍ସିଡାଣ୍ଟ, ପୋଟାସିୟମ୍, ଫସଫରସ୍, ସେଲେନିୟମ୍, ସାଚୁରେଟେଡ୍ ଫ୍ୟାଟି ଏସିଡ୍ ଏବଂ ସୋଡିୟମ୍ ରହିଥାଏ । ଯାହା ଖାଇବା ଦ୍ୱାରା ଅନେକ ଲାଭ ମିଳିଥାଏ ।
- ବିଶେଷଜ୍ଞଙ୍କ ମତରେ, ଶୁଖୁଆରେ ଥିବା ପୋଟାସିୟମ କେବଳ ସ୍ନାୟୁ ପ୍ରଣାଳୀ (Nervous System)କୁ ଉନ୍ନତ କରେ ନାହିଁ ବରଂ ହାର୍ଟର କାର୍ଯ୍ୟ ପ୍ରଣାଳୀକୁ (Functioning of Heart)କୁ ମଧ୍ୟ ଉନ୍ନତ କରେ । ଏଥିରେ ଥିବା ଓମେଗା ଫ୍ୟାଟି ଏସିଡ୍ (Omega Fatty Acid) ଶରୀରରେ ଖରାପ କୋଲେଷ୍ଟ୍ରଲକୁ ହ୍ରାସ କରେ ଏବଂ ଭଲ କୋଲେଷ୍ଟ୍ରଲକୁ ବୃଦ୍ଧି କରେ । ଶୁଖୁଆରେ ପ୍ରଚୁର ପରିମାଣର କ୍ୟାଲସିୟମ ଏବଂ ଫସଫରସ୍ ଥାଏ, ଯାହା ଶରୀରର ହାଡ଼କୁ ପୋଷଣ ଯୋଗାଇଥାଏ ।
- ଶୁଖୁଆରେ ଭିଟାମିନ-Aର ପରିମାଣ ଭରପୁର ମାତ୍ରାରେ ଭରି ରହିଥାଏ । ଏହା ମାଂସପେଶୀ ଓ ସ୍ନାୟୁ ସମ୍ବନ୍ଧୀୟ ସମସ୍ୟାକୁ ନିୟନ୍ତ୍ରଣ କରେ ଏବଂ ଆଖିଜନିତ ସମସ୍ୟାକୁ ଦୂର କରେ । ଏଥିରେ ଥିବା ପୋଷକ ତତ୍ତ୍ବ ଶରୀରକୁ ଶୁଖିଯିବାରୁ ରକ୍ଷା କରେ । ଶୁଖୁଆ ସ୍ନାୟୁଗତ ସମସ୍ୟାକୁ ରୋକିବା ଏବଂ ମାଂସପେଶୀ ଗଠନ କରିବାରେ ସାହାଯ୍ୟ କରେ ।
- ଶୁଖୁଆ ରୋଗ ପ୍ରତିରୋଧକ ଶକ୍ତି ବୃଦ୍ଧି କରେ । ବିଶେଷଜ୍ଞଙ୍କ ମତରେ, ଶୁଖୁଆରେ ମିଳୁଥିବା ଭିଟାମିନ୍ B-12 ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରେ । ଏହାକୁ ଖାଇବା ଦ୍ବାରା ଦାନ୍ତ ସୁସ୍ଥ ରହିବା ସହ ମଜବୁତ ହୋଇଥାଏ ।