ଭୁବନେଶ୍ୱର:ଆଜି ମାର୍ଚ୍ଚ ୮, ସମଗ୍ର ବିଶ୍ୱରେ ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଉଛି । ଏନେଇ ସବୁଠି ସେଲିବ୍ରେସନର ମାହୋଲ ଦେଖିବାକୁ ମିଳିଛି । ଏହି ଅବସରରେ ଓଡ଼ିଆ ସିନେ ପ୍ରେମୀକୁ ଉପହାର ମିଳିଛି । ଆଜିର ଦିନରେ ରିଲିଜ ହୋଇଛି ଦୁଇଟି ନାରୀ କେନ୍ଦ୍ରିକ ଓଡ଼ିଆ ଫିଲ୍ମ 'ବସ୍' ଓ 'ତ୍ରିକନ୍ୟା' । 'ତ୍ରିକନ୍ୟା'ରେ ୩ଜଣ ନାରୀଙ୍କ ସଂଘର୍ଷର କାହାଣୀ ଦେଖିବାକୁ ମିଳିଥିବା ବେଳେ 'ବସ୍'ରେ ମହିଳା ସଶକ୍ତି କରଣର ବାର୍ତ୍ତା ପ୍ରଦାନ କରିଛି । ତେବେ ପ୍ରଥମ ଦିନରେ ଏହି ଉଭୟ ଫିଲ୍ମ ଦର୍ଶକଙ୍କ ମନ ଜିତିବାରେ ସଫଳ ହୋଇଛି । ଆଜି ବିଶ୍ୱ ମହିଳା ଦିବସରେ ଉଭୟ ଫିଲ୍ମ ରିଲିଜ ହୋଇଥିବା ବେଳେ ଏହି ଫିଲ୍ମ ସମାଜକୁ ନାରୀ ଶକ୍ତିର ଭୂମିକା ପ୍ରତିପାଦିତ କରିଥିବା ବେଳେ ଶିକ୍ଷା ମଧ୍ୟ ପ୍ରଦାନ କରିଛି ।
ମହିଳା ସଶକ୍ତି କରଣର ବାର୍ତ୍ତା ଦେଇଛି ଫିଲ୍ମ 'ବସ୍':ଭୁବନେଶ୍ୱରର ଏସପ୍ଲାନେଡର ସିନେପୋଲରେ ଏହି ସିନେମାର ପ୍ରିମିୟର ହୋଇଯାଇଛି । ତେବେ ବିଶ୍ୱ ମହିଳା ଦିବସ ଅବସରରେ ଫିଲ୍ମଟି ରିଲିଜ ହୋଇଥିବା ବେଳେ ମହିଳା ସଶକ୍ତି କରଣର ବାର୍ତ୍ତା ଦିଆଯାଇଛି । 'ବସ୍' ଫିଲ୍ମରେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ମୁଖ୍ୟ ଭୂମିକାରେ ଅର୍ଥାତ ବସ୍ ଭୂମିକାରେ ଅଭିନୟ କରିଛନ୍ତି । ତେବେ ପ୍ରଥମ ଦିନରେ ବର୍ଷା ପ୍ରିୟଦର୍ଶିନୀଙ୍କୁ ବସ ଚରିତ୍ରରେ ଦେଖିବା ପାଇଁ ତାଙ୍କ ଅଭିନୀତ ସିନେମା ଦେଖିବା ପାଇଁ ବେଶ ଭିଡ ରହିଥିଲା । ସିନେମାକୁ ଦର୍ଶକଙ୍କ ଭଲପାଇବା ସହ ବେଶ ପ୍ରଶଂସା ମିଳିଛି ।
'ବସ୍' ଫିଲ୍ମର କାହାଣୀ:କିଭଳି ଜଣେ ମହିଳା ନିଜର ଦୃଢ ଇଚ୍ଛା ଶକ୍ତି ବଳରେ ସବୁକିଛି ଜିତିପାରେ, ଆଉ ସମାଜରେ ପୁରୁଷର ସମାସ୍କନ୍ଦ ହୋଇ ସବୁ ବାଜି ନିଜ ହାତକୁ ନେଇପାରେ ବାଜିଗର ସାଜେ ତାହା ଏଥିରେ ଦର୍ଶାଯାଇଛି ।ଏଥିରେ ନାରୀ ଓ ପୁରୁଷର ସମାନତାର କଥା ମଧ୍ୟ ଦର୍ଶାଯାଇଛି ଯେ ସେ ପୁରୁଷ ହେଉ ଏବଂ ନାରୀ ସାତପଥରେ ଯାଇ ପରିଶ୍ରମ କଲେ ସମସ୍ତେ ସଫଳତା ପାଇପାରିବେ ଆଉ ସାରା ଦୁନିଆରେ ସେହି ରାଜ କରିବେ ବା ବସ ହୋଇରହିବେ । ଯାହା ଏହି ସିନେମାରେ ଦର୍ଶାଯାଇଛି । ଦୁଇ ବ୍ୟବସାୟୀ ପ୍ରତିଦ୍ୱନ୍ଦ୍ୱିଙ୍କୁ କାହାଣୀ ସହ ପରିବାରର କାହାଣୀକୁ ସ୍ଥାନିତ କରାଯାଇଛି ।
'ବସ୍' ଫିଲ୍ମକୁ ନେଇ ଅଭିନେତ୍ରୀ ଏବଂ ପ୍ରଯୋଜକଙ୍କ ପ୍ରତିକ୍ରିୟା:ଏହି ସିନେମାଟି ଆର ଆର ଇଭେଣ୍ଟ ଆଣ୍ଡ ସିନେ ପ୍ରଡକ୍ସନ ବ୍ୟାନରରେ ପ୍ରସ୍ତୁତ ହୋଇଛି । ପ୍ରଯୋଜକ ରମେଶ ବାରିକ ପ୍ରଯୋଜନାରେ ନିର୍ମିତ ହୋଇଥିବା ବେଳେ ଏଥିରେ ନିର୍ଦ୍ଦେଶନା ଦେଇଛନ୍ତି ତ୍ରିପତି ସାହୁ । ବର୍ଷାଙ୍କ ବ୍ୟତୀତ ଏହି ଫିଲ୍ମରେ ଅଭିନେତା ରାଜ ରାଜେଶ ଅଭିନୟ କରିଛନ୍ତି । ତେବେ ସିନେମାକୁ ନେଇ ବର୍ଷା କହିଛନ୍ତି, ''କାହାଣୀ ବେଶ ବଳିଷ୍ଠ ଥିବା ବେଳେ ପୁରା ଟିମ ବେଶ ପରିଶ୍ରମ କରିଛନ୍ତି, ଯାହା ସିନେମା ପ୍ରତି ଦର୍ଶକଙ୍କୁ ଆକର୍ଷିତ କରିଛି ।'' ସେହିପରି ପ୍ରଯୋଜକ କହିଛନ୍ତି, ''ନାରୀ କେନ୍ଦ୍ରିକ ଏହି ସିନେମାକୁ ଆମେ ଭିନ୍ନ କରିବାକୁ ଚେଷ୍ଟା କରିଛୁ ଯେଉଁଥିପାଇଁ ଚାଟାର୍ଡ ଫ୍ଲାଇଟକୁ ଆମେ ଏଥିରେ ସାମିଲ କରି ସୁଟିଂ କରିଛୁ । ଭଲ ବଜେଟକୁ ନେଇ ଚଳଚିତ୍ର ହୋଇଥିବା ବେଳେ ଦର୍ଶକ ମନଙ୍କୁ ନିଶ୍ଚୟ ଛୁଇଁବ ବୋଲି ପ୍ରତିକ୍ରିୟା ରଖିଛନ୍ତି ।''
ଏହା ମଧ୍ୟ ପଢନ୍ତୁ:ମୋଶନ ପୋଷ୍ଟର ଆଉଟ୍, ଲେଡି ବସ୍ ଲୁକରେ ବର୍ଷା ପ୍ରିୟଦର୍ଶିନୀ