ହାଇଦ୍ରାବାଦ:ଲୋକପ୍ରିୟ ଅଭିନେତା ରଣଭୀର ସିଂ ବଲିଉଡ ପରେ ଏବେ ସାଉଥରେ ଜଲୱା ଦେଖାଇବାକୁ ଯାଉଛନ୍ତି । ସାଉଥ ସିନେମାର ସୁପରହିଟ୍ ଫିଲ୍ମ 'ହନୁମାନ' ନିର୍ଦ୍ଦେଶକ ପ୍ରଶାନ୍ତ ବର୍ମାଙ୍କ ସହ ରଣଭୀର ସିଂ ଏକାଠି ଏକ ଫିଲ୍ମ କରିବାକୁ ଯାଉଛନ୍ତି । ଦୀର୍ଘ ଦିନ ଧରି ଏହି ଚଳଚ୍ଚିତ୍ର ବିଷୟରେ ଆଲୋଚନା ହୋଇଆସୁଛି । ଏହି ସମୟରେ ରଣଭୀର ଏବଂ ପ୍ରଶାନ୍ତଙ୍କ ଫିଲ୍ମର ଟାଇଟଲ୍ ପ୍ରକାଶ ପାଇଛି । ଫିଲ୍ମ 'ରାକ୍ଷସ'ରେ ନଜର ଆସିବାକୁ ଥିବା ବେଳେ ଏହି ଫିଲ୍ମର ସୁଟିଂ ଖୁବ ଶୀଘ୍ର ଆରମ୍ଭ ହେବାକୁ ଯାଉଥିବା ଜଣାପଡିଛି ।
ମିଡିଆ ରିପୋର୍ଟ ଅନୁଯାୟୀ, ରଣଭୀର ସିଂ ଖୁବଶୀଘ୍ର ସାଉଥରେ ଡେବ୍ୟୁ କରିବାକୁ ଯାଉଛନ୍ତି । ଏଥିପାଇଁ ରଣଭୀର ଗତ ବର୍ଷ ମୁକ୍ତିଲାଭ କରିଥିବା ଫିଲ୍ମ 'ହନୁମାନ'ର ନିର୍ଦ୍ଦେଶକ ପ୍ରଶାନ୍ତ ଭର୍ମାଙ୍କ ସହ ହାତ ମିଳାଇଛନ୍ତି । ତାଙ୍କ ଫିଲ୍ମ ଏକ ସୁପରହିଟ୍ ହୋଇଥିଲା । ପ୍ରଶାନ୍ତ ବର୍ମାଙ୍କ ଫିଲ୍ମ 'ରାକ୍ଷସ'ରେ ରଣଭୀର ନଜର ଆସିବେ । କୁହାଯାଉଛି କି, ରଣଭୀର ଏବଂ ପ୍ରଶାନ୍ତ କ୍ରମାଗତ ଭାବରେ ସାକ୍ଷାତ କରୁଥିଲେ । ସାକ୍ଷାତ ସମୟରେ ପ୍ରଶାନ୍ତ ଫିଲ୍ମର କାହାଣୀ ରଣଭୀରଙ୍କୁ ବର୍ଣ୍ଣନା କରିଥିଲେ ଏବଂ ସେ ଏହାକୁ ବହୁତ ପସନ୍ଦ କରିଥିଲେ । ରଣଭୀର ପ୍ରଶାନ୍ତଙ୍କ ସହିତ ଚୁକ୍ତି ଶେଷ କରିଛନ୍ତି ।