ହାଇଦ୍ରାବାଦ:ଆଉ ମାତ୍ର ଗୋଟିଏ ଦିନର ଅପେକ୍ଷା । ଆସୁଛି ନୂଆ ବର୍ଷ 2025 । ଯାହାକୁ ସମସ୍ତେ ଉତ୍ସାହର ସହ ଅପେକ୍ଷା କରିଛନ୍ତି । ନୂଆ ବର୍ଷରେ ଅନେକ ସୁପରଷ୍ଟାରଙ୍କ ଫିଲ୍ମ ମଧ୍ୟ ଆସିବାକୁ ଯାଉଛି । ଏହାରି ମଧ୍ୟରେ ରହିଛି ସାଉଥ ସୁପରଷ୍ଟାର ରାମ ଚରଣଙ୍କ ଫିଲ୍ମ 'ଗେମ ଚେଞ୍ଜର' । ଜାନୁଆରୀ 10ରେ ଫିଲ୍ମ ରିଲିଜ ହେବାକୁ ଥିବା ବେଳେ ଏହା ପୂର୍ବରୁ ନିର୍ମାତା ଫିଲ୍ମର ଟ୍ରେଲର ରିଲିଜ କରିବେ । ଯାହା ପାଇଁ ଦର୍ଶକମାନେ ବହୁତ ଉତ୍ସାହିତ ଅଛନ୍ତି । ବର୍ତ୍ତମାନ ଏହାର ତାରିଖ ମଧ୍ୟ ପ୍ରକାଶ ପାଇଛି । ତେବେ ଏହି ସମୟରେ ଫିଲ୍ମ ବିଷୟରେ ଲୋକଙ୍କ ମଧ୍ୟରେ ଏତେ କ୍ରେଜ ଅଛି ଯେ ଆନ୍ଧ୍ରପ୍ରଦେଶରେ ସୁପରଷ୍ଟାରର ଏକ ବଡ କଟଆଉଟ୍ ସ୍ଥାପନ କରାଯାଇଛି ଯାହା ସୋସିଆଲ ମିଡିଆରେ ଭାଇରାଲ ହେଉଛି।
ଟ୍ରେଲର କେବେ ରିଲିଜ ହେବ ?
ରାମ ଚରଣଙ୍କ 'ଗେମ୍ ଚେଞ୍ଜର'ର ଟ୍ରେଲର ନୂଆ ବର୍ଷରେ ଅର୍ଥାତ୍ ଜାନୁଆରୀ 1 ରେ ମୁକ୍ତିଲାଭ କରିବାକୁ ଯାଉଛି । ପ୍ରଥମ ଥର ପାଇଁ ପରଦାକୁ ସେୟାର କରିବାକୁ ଯାଉଥିବା ରାମ ଚରମ ଏବଂ କିଆରା ଆଡଭାନୀଙ୍କ ଫିଲ୍ମ ବିଷୟରେ ଦର୍ଶକଙ୍କ ମଧ୍ୟରେ ବହୁତ ଉତ୍ସାହ ରହିଛି । ନିକଟରେ ଏକ ଇଭେଣ୍ଟରେ ଫିଲ୍ମର ନିର୍ମାତା ଦିଲ୍ ରାଜୁ ଫିଲ୍ମ ବିଷୟରେ ରୋମାଞ୍ଚକର ଅପଡେଟ୍ ସେୟାର କରି 'ଗେମ୍ ଚେଞ୍ଜର'ର ଟ୍ରେଲର ନୂଆ ବର୍ଷର ଉପହାର ଭାବରେ ମୁକ୍ତିଲାଭ କରିବ ବୋଲି କହିଛନ୍ତି। ଦିଲ ରାଜୁ କହିଛନ୍ତି, 'ଟ୍ରେଲର ପ୍ରସ୍ତୁତ, କିନ୍ତୁ ଏହାକୁ ଆପଣଙ୍କ ସାମ୍ନାରେ ଛାଡିବା ପୂର୍ବରୁ ଆଉ କିଛି କାମ କରିବାକୁ ପଡିବ। ଟ୍ରେଲର ଏକ ଫିଲ୍ମର ପରିସର ସ୍ଥିର କରେ । ଆମେ ଆପଣଙ୍କୁ ସେହି ଅଭିଜ୍ଞତା ଦେବାକୁ ପ୍ରସ୍ତୁତ । ନୂଆ ବର୍ଷ ଅବସରରେ ଜାନୁଆରୀ 1 ରେ ଟ୍ରେଲର ରିଲିଜ ହେବ।
ପ୍ରି-ରିଲିଜ୍ ଇଭେଣ୍ଟରେ ସାମିଲ ହେବେ ପୱନ କଲ୍ୟାଣ