ହାଇଦ୍ରାବାଦ: 'ସ୍ତ୍ରୀ 2' ପରେ ପୁଣି ପରଦାରେ ଧମାକା କରିବାକୁ ପ୍ରସ୍ତୁତ ରାଜକୁମାର ରାଓ । ଅଭିନେତା 'ବିକି ବିଦ୍ୟା କା ୱୋ ୱାଲା ଭିଡିଓ' ଫିଲ୍ମ ସହ ଫେରୁଥିବା ବେଳେ ଆଜି ଫିଲ୍ମର ଟ୍ରେଲର ରିଲିଜ ହୋଇଛି । ଏଥିରେ ତାଙ୍କ ସହ ଅଭିନେତ୍ରୀ ତ୍ରିପ୍ତୀ ଡିମ୍ରି ନଜର ଆସିଛନ୍ତି । ତେବେ ଟ୍ରେଲରରେ ଫିଲ୍ମଟି କମେଡି ସହ ରୋମାନ୍ସରେ ପରିପୂର୍ଣ୍ଣ ଥିବା ଦେଖିବାକୁ ମିଳିଛି । ଯାହାକୁ ଦେଖି ଫ୍ୟାନ୍ସ ଉତ୍ସାହର ସହ ଫିଲ୍ମ ରିଲିଜକୁ ଅପେକ୍ଷା କରିଛନ୍ତି ।
ଟ୍ରେଲରଟି କମେଡିରେ ପରିପୂର୍ଣ୍ଣ
ଟ୍ରେଲର ଅନୁଯାୟୀ, କାହାଣୀଟି ଏକ ସିଡି ପାଇଁ କିପରି ସଂଘର୍ଷ ହେଉଛି । ତାହା ଦେଖିବାକୁ ମିଳିଛି । ଏହି ସିଡିରେ ଏକ ବିବାହିତ ଦମ୍ପତିଙ୍କର ଇଣ୍ଟିମେଟ ସିନ ଭିଡିଓ ରହିଛି । କିନ୍ତୁ ପରଦିନ ଏହି ପ୍ଲେୟାରଟି ସିଡି ସହିତ କୌଣସି ସ୍ଥାନରେ ଚୋରି ହୋଇଯାଏ, ଯାହା ପରେ ସହରରେ ଉତ୍ତେଜନା ଦେଖାଦେଇଥାଏ । ଟ୍ରେଲର ଆରମ୍ଭରେ, ବିକି ଏବଂ ବିଦ୍ୟା ନିଜେ ଏକ ଇଣ୍ଟିମେଟ ସିନ ଭିଡିଓ ପ୍ରସ୍ତୁତ କରନ୍ତି ଏବଂ ଏହାକୁ ରେକର୍ଡ କରନ୍ତି । କିନ୍ତୁ ଏହାର ସିଡି ପ୍ଲେୟାର କିଏ ଚୋରି କରିକରିଦିଏ । ଏହାକୁ ପାଇବା ପାଇଁ ସଂଗ୍ରାମରେ ନିର୍ମାତାମାନେ କମେଡିର ଏକ ଚମତ୍କାର ସ୍ପର୍ଶ ଯୋଡିଛନ୍ତି ଯେଉଁଥିରେ ବିଜୟ ରାଜ୍ ମଲ୍ଲିକା ଶେରାୱତଙ୍କ ପ୍ରେମରେ ପଡିଥିବା ପୋଲିସ୍ ଅଧିକାରୀ ଭୂମିକାରେ ଅଭିନୟ କରିଛନ୍ତି । ତେବେ ଦର୍ଶକ ଏହି ଟିଜରକୁ ବହୁତ ପସନ୍ଦ କରିଛନ୍ତି । ଫିଲ୍ମ ପାଇଁ ଅପେକ୍ଷା କରିଛନ୍ତି ।
ଏହା ମଧ୍ୟ ପଢନ୍ତୁ:କମାଲ କରୁଛି 'ସ୍ତ୍ରୀ 2', 18 ଦିନରେ 500 କୋଟି କ୍ଲବରେ ମାରିଲା ଏଣ୍ଟ୍ରି