ହାଇଦ୍ରାବାଦ:ଜଣାଶୁଣା ପରାମର୍ଶଦାତା ସଂସ୍ଥା ଓରମାକ୍ସ ମିଡିଆ ଏହାର ଲୋକପ୍ରିୟ ତାରକାମାନଙ୍କର ତାଲିକା ପ୍ରକାଶ କରିଛି । ଓରମେକ୍ସ ମିଡିଆ ରିପୋର୍ଟ ଅନୁଯାୟୀ ସାଉଥ ସୁପରଷ୍ଟାର ପ୍ରଭାସ 2024 ବର୍ଷର ସବୁଠାରୁ ଲୋକପ୍ରିୟ ଚଳଚ୍ଚିତ୍ର ଅଭିନେତା ଭାବରେ ମନୋନୀତ ହୋଇଛନ୍ତି। ପ୍ରଭାସ ତାଙ୍କର ନିକଟରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'କଲ୍କି 2898 AD' ସାରା ବିଶ୍ୱରେ ପ୍ରସିଦ୍ଧ ହୋଇଥିଲେ ଏବଂ ଏହି ଚଳଚ୍ଚିତ୍ରରୁ 1100 କୋଟିରୁ ଅଧିକ ବ୍ୟବସାୟ କରିଛି । ଏପରି ସମୟରେ ବର୍ତ୍ତମାନ ପ୍ରଭାସ ଲୋକପ୍ରିୟ ତାରକା ତାଲିକାରେ ଶୀର୍ଷରେ ରହିଥିବା ବେଳେ ବଲିଉଡର ସୁପରଷ୍ଟାର ଶାହାରୁଖ ଖାନ ଏବଂ ସଲମାନ ଖାନଙ୍କୁ ପଛରେ ପକାଇଛନ୍ତି। ସେପଟେ ଆଲିଆ ଭଟ୍ଟ ଟପ୍ ଲୋକପ୍ରିୟ ଅଭିନେତ୍ରୀ ଭାବେ ବିବେଚିତ ହୋଇଛନ୍ତି ।
ଭାରତର ଟପ୍ ୧୦ ସବୁଠାରୁ ଅଧିକ ଲୋକପ୍ରିୟ ଅଭିନେତା
ଲୋକପ୍ରିୟ ତାରକା ତାଲିକାରେ ଚଳିତ ଥର ବଲିଉଡ ଷ୍ଟାରଙ୍କୁ ପଛରେ ପକାଇଛନ୍ତି ସାଉଥ ଷ୍ଟାର। ଏହି ତାଲିକାରେ ପ୍ରଭାସ, ଥାଲାପତି ବିଜୟ, ଅଲ୍ଲୁ ଅର୍ଜନଙ୍କ ଠାରୁ ଆରମ୍ଭ କରି ଅଜିତ ଏବଂ ବଲିଉଡର ଶାହାରୁଖ, ସଲମାନ ଖାନଙ୍କ ଠାରୁ ଆରମ୍ଭ କରି ଅକ୍ଷୟ କୁମାରଙ୍କ ନାଁ ସାମିଲ । ଟପ୍ ରେ ପ୍ରଭାସ ରହିଥିବା ବେଳେ ଦ୍ୱିତୀୟରେ ଥାଲାପତି ବିଜୟ ଏବଂ 3ୟ ସ୍ଥାନରେ ରହିଛନ୍ତି କିଙ୍ଗ ଖାନ । ତେବେ ଏହି ତାଲିକାରେ ଆଉ କେଉଁ ତାରକା ସାମିଲ ଏବଂ କେତେ ନମ୍ୱରରେ ରହିଛନ୍ତି । ଜାଣନ୍ତୁ,
- ପ୍ରଭାସ
- ଥାଲାପତି ବିଜୟ
- ଶାହାରୁଖ ଖାନ
- ମହେଶ ବାବୁ
- ଜୁନିଅର ଏନଟିଆର
- ଅକ୍ଷୟ କୁମାର
- ଅଲ୍ଲୁ ଅର୍ଜୁନ
- ସଲମାନ ଖାନ
- ରାମ ଚରଣ
- ଅଜିତ