ଭୁବନେଶ୍ୱର: ଓଲିଉଡରେ ବାଜିବ ସାହାନାଇ । ହାତକୁ ଦି'ହାତ ହେବେ ଓଡ଼ିଆ ଅଭିନେତ୍ରୀ କୁକିଜ ସ୍ୱାଇଁ ଓ ଅଭିନେତା ଜୟଦେବ । ଦୀର୍ଘ ଦିନର ଡେଟିଂ ପରେ ଏବେ ବିବାହ ବନ୍ଧନରେ ବାନ୍ଧି ହେବେ ଦୁଇ ପ୍ରେମ ପକ୍ଷୀ । ବର୍ତ୍ତମାନ ଉଭୟଙ୍କ ସିରିଛି ନିର୍ବନ୍ଧ । ଗତ ସୋମବାର ଦିନ(ଜାନୁଆରୀ 27)ରେ ଧୁମଧାମରେ ଉଭୟଙ୍କ ନିର୍ବନ୍ଧ ସରିଥିବା ବେଳେ ସୋସିଆଲ ମିଡିଆରେ ଉଭୟ ନିର୍ବନ୍ଧର ଫଟୋ ସେୟାର କରି ଏହି ଗୁଡନ୍ୟୁଜ ଫ୍ୟାନ୍ସଙ୍କୁ ଦେଇଛନ୍ତି । ତେବେ ଚଳିତ ବର୍ଷ ହିଁ ବିବାହ କରିବେ ।
Cookiess Swain Joydev Roul Engagement (ETV Bharat Odisha) ଏହି ଦିନ ପଡ଼ିବ କୁକିଜ-ଜୟଦେବଙ୍କ ହାତଗଣ୍ଠି
ସୋମବାର ଦିନ ଚୁଲବୁଲି ଅଭିନେତ୍ରୀ କୁକିଜ ଓ ଅଭିନେତା ଜୟଦେବ କଟକରେ ପରିବାର ଓ ସମ୍ପର୍କୀୟ, ସାଙ୍ଗସାଥୀଙ୍କ ଉପସ୍ଥିତିରେ ନିର୍ବନ୍ଧ କରିଛନ୍ତି । ରିପୋର୍ଟ ଅନୁସାରେ, କୁକିଜଙ୍କୁ 7 ମାସ ଧରି ଡେଟିଂ କରିଆସୁଥିଲେ ଜୟଦେବ । ଉଭୟଙ୍କ ପ୍ରେମ ସମ୍ପର୍କ ନେଇ ବେଶ ଚର୍ଚ୍ଚାରେ ମଧ୍ୟ ରହିଆସିଥିଲେ । ଉଭୟ ପରସ୍ପର ସହ ଅନେକ ମ୍ୟୁଜିକ ଗୀତ କରିଥିବା ବେଳେ ପରସ୍ପରର ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଆସିଛନ୍ତି । ଉଭୟ ପରିବାରର ସ୍ୱୀକୃତି କ୍ରମେ ବିବାହ କରିବାକୁ ଯାଉଛନ୍ତି ଏହି ଚର୍ଚ୍ଚିତ ଯୋଡି । ଉଭୟଙ୍କ ନିର୍ବନ୍ଧ ସରିଥିବା ବେଳେ ଚଳିତ ଫେବୃଆରୀ ୨୩ ତାରିଖରେ ବିବାହ କରିବାକୁ ଯାଉଛନ୍ତି । ନିର୍ବନ୍ଧର ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସ ସମେତ ସେଲିବ୍ରିଟି ଉଭୟଙ୍କୁ ଶୁଭକାମନା ଜଣାଇଛନ୍ତି ।
7 ମାସର ସମ୍ପର୍କରେ ଲଗାଇଲେ ମୋହର
କୁକିଜ ସ୍ୱାଇଁ ଓ ଜୟଦେବ ଉଭୟ ମ୍ୟୁଜିକ ଆଲବମରୁ ବେଶ ଲୋକପ୍ରିୟତା ହାସଲ କରିଛନ୍ତି । ଉଭୟଙ୍କ ଯୋଡିକୁ ପରଦାରେ ମଧ୍ୟ ଲୋକେ ବେଶ ପସନ୍ଦ କରୁଥିଲେ । ତେବେ ଉଭୟ ରିଲ ନୁହଁ ରିଅଲରେ ମଧ୍ୟ ପରସ୍ପରର ସାଥୀ ହେବାକୁ ଯାଉଛନ୍ତି । ରିପୋର୍ଟ ଅନୁସାରେ, 'କୁଞ୍ଚମରା ଶାଢ଼ୀ' ମ୍ୟୁଜିକ ଭିଡିଓରୁ ଏମାନଙ୍କ ପ୍ରେମ ଆରମ୍ଭ ହୋଇଥିଲା । ଏହି ଗୀତରେ ଦୁଇଜଣଙ୍କୁ ସାଥିରେ କାମ କରିବାର ସୁଯୋଗ ମିଳିଥିଲା । ସାଥିରେ କାମ କରିବା ସହ ଉଭୟଙ୍କ ମଧ୍ୟରେ ଗଢି ଉଠିଥିଲା ପ୍ରେମ ସମ୍ପର୍କ । ପ୍ରଥମେ ପ୍ରେମ ନିବେଦନ ପରେ ତାପରେ ଡେଟିଂ । ଏହା ପରେ ଘର ଲୋକଙ୍କ ମଞ୍ଜୁରୀ ପରେ ଏବେ ବିବାହ ବନ୍ଧନରେ ବାନ୍ଧି ହେବେ ଏହି ଯୋଡ଼ି ।
ଏହା ମଧ୍ୟ ପଢନ୍ତୁ:ଛଲିଉଡରେ ଏଣ୍ଟ୍ରି ମାରିଲେ ଓଲିଉଡ ଅଭିନେତ୍ରୀ କୁକିସ ସ୍ୱାଇଁ, ଏହି ଫିଲ୍ମରେ ଆସିଲେ ନଜର
କୁକିଜ ସ୍ୱାଇଁ ଓ ଜୟଦେବଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ,ଅଭିନେତ୍ରୀ କୁକିଜ ଅନେକ ଓଡ଼ିଆ ଫିଲ୍ମ ଏବଂ ସିରିଏଲରେ କାମ କରିଛନ୍ତି । ଏଥିସହ ସେ ଅନେକ ମ୍ୟୁଜିକ ଆଲବମରେ ମଧ୍ୟ କାମ କରି ବେଶ ଲୋକପ୍ରିୟତା ହାସଲ କରିଛନ୍ତି । 'ରାଜା ବାବୁ', 'ସାୱଲି ମୁଖଡା', 'ତୋ ହୃଦୟ ତଳେ ମୁଁ କିଣିଛି ଜମି', 'ପୁଷ୍ପାବତୀ', 'ଭଲ ତତେ ମୁଁ ପାଉଛି' ଭଳି ଗୀତ ଦର୍ଶକଙ୍କୁ ଭେଟି ଦେଇଥିବା ବେଳେ 'ଗୁଲା ଦର୍ପନ', 'ଅଂଶୁଘାତ କରିଦେଉଛ', 'ପକେଇଦେ ହୁଳହୁଳି', 'ତୋ ମଥାରେ ଟିକିଲି 2.0' ଭଳୀ ଗୀତରେ ଏକାଠି ଅଭିନୟ କରିଛନ୍ତି କୁକିଜ ଓ ଜୟଦେବ ।ଜୟଦେବ ଅନେକ ମ୍ୟୁଜିକ ଆଲବଂରେ କାମ କରି ଲୋକଙ୍କ ମନ ଜିତିଛନ୍ତି ।
ଇଟିଭି ଭାରତ, ଭୁବନେଶ୍ୱର
