ହାଇଦ୍ରାବାଦ: ବିବାଦ ଘେରରେ ଛନ୍ଦି ହୋଇଛି ଅଗଷ୍ଟ 29ରେ ନେଟଫ୍ଲିକ୍ସରେ ରିଲିଜ ହୋଇଥିବା ୱେବସିରିଜ୍ 'IC 814: ଦ କନ୍ଧାର ହାଇଜ୍ୟାକ' । ସିରିଜ ରିଲିଜ ପରେ ଲୋକେ ଏହାକୁ ନେଇ ଭଡକିଥିବା ବେଳେ ଏହାର ବୟକଟ୍ ନେଇ ଦାବି ଉଠାଇଥିଲେ । ବର୍ତ୍ତମାନ ଏହି ପ୍ରସଙ୍ଗରେ ଆକ୍ସନ ମୋଡରେ ସରକାର । ଗୃହ ମନ୍ତ୍ରଣାଳୟ ନେଟଫ୍ଲିକ୍ସ କଣ୍ଟେଣ୍ଟ ହେଡ୍(ମୁଖ୍ୟ)ଙ୍କୁ ସମନ ଜାରି କରି ସ୍ପଷ୍ଟୀକରଣ ମାଗିଛନ୍ତି ।
ନେଟଫ୍ଲିକ୍ସ କଣ୍ଟେଣ୍ଟ ହେଡଙ୍କୁ ସମନ ଜାରି
କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ଏହି ସମନ ଶହ ଶହ ସୋସିଆଲ ମିଡିଆ ୟୁଜର୍ସ ୱେବ ସିରିଜ୍ ନିର୍ମାତାମାନଙ୍କୁ ଜାଣିଶୁଣି ଆତଙ୍କବାଦୀଙ୍କ ନାମକୁ "ଭୋଲା" ଏବଂ "ଶଙ୍କର" ପରିବର୍ତ୍ତନ କରିଥିବା ଅଭିଯୋଗ ପରେ ଆସିଛି । ନେଟଫ୍ଲିକ୍ସ ଇଣ୍ଡିଆର ବିଷୟବସ୍ତୁ ମୁଖ୍ୟଙ୍କୁ ୱେବ୍ ସିରିଜର ବିବାଦୀୟ ଦିଗ ଉପରେ ସ୍ପଷ୍ଟୀକରଣ ଦେବାକୁ ମଙ୍ଗଳବାର ଦିନ ସେମାନଙ୍କ ସମ୍ମୁଖରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି ।
'IC 814: ଦ କନ୍ଧାର ହାଇଜ୍ୟାକ' ରେ ଆତଙ୍କବାଦୀଙ୍କ ନାଁ ହିନ୍ଦୁ ନାମକରଣ ରଖିବା ନେଇ ବିରୋଧ
ଏହି ସିରିଜରେ ଆତଙ୍କବାଦୀଙ୍କ ନାମ ବଦଳାଇଥିବାରୁ ଅନୁଭା ସିହ୍ନାଙ୍କ ଉପରେ ବର୍ଷିଛନ୍ତି ୟୁଜର୍ସ । ପ୍ରକୃତରେ ଆତଙ୍କବାଦୀଙ୍କ ନାମ ଇବ୍ରାହିମ ଅଥାର, ସହିଦ ଅଖତର ସଇଦ, ସନ୍ନି, ଅହମ୍ମଦ କାଜୀ, ଜାହୋର ମିଷ୍ଟ୍ରି ଏବଂ ଶାକିର ବୋଲି କୁହାଯାଉଛି । କିନ୍ତୁ ଏହି ସିରିଜରେ ଆତଙ୍କବାଦୀଙ୍କ ନାମ ଭୋଲା, ଶଙ୍କର, ଡାକ୍ତର, ବରଗଡ ଏବଂ ମୁଖ୍ୟ ଭାବରେ ରଖାଯାଇଛି । ଏହି ଧାରାବାହିକରେ ଆତଙ୍କବାଦୀଙ୍କ ପାଇଁ କୋଡନାମ ବ୍ୟବହାର କରାଯାଇଥିବା ଜଣାପଡିଛି, ଯେଉଁଥି ପାଇଁ ନେଟେନିଜେନ୍ସମାନେ ଅସନ୍ତୋଷ ବ୍ୟକ୍ତ କରିଛନ୍ତି ।
ଏହା ମଧ୍ୟ ପଢନ୍ତୁ:ରିଲିଜ ପରେ ବିବାଦରେ 'IC 814: ଦ କନ୍ଧାର ହାଇଜ୍ୟାକ'; ଭଡକିଲେ ଦର୍ଶକ, ଉଠିଲା ବୟକଟ୍ ଦାବି
ସିରିଜରେ ନଜର ଆସିଛନ୍ତି ଏହି କଳାକାର
'IC 814: ଦ କନ୍ଧାର ହାଇଜ୍ୟାକ'ରେ ଅଭିନେତା ବିଜୟ ବର୍ମାଙ୍କ ବ୍ୟତୀତ ନାସିରୁଦ୍ଦିନ ଶାହା, ପଙ୍କଜ କପୁର, ଦିଆ ମିର୍ଜା, ଅରବିନ୍ଦ ସ୍ୱାମୀଙ୍କ ଭଳି ଅଭିନେତାମାନେ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରୁଛନ୍ତି । ଏହି ସିରିଜ ଅଗଷ୍ଟ 29 ରେ ମୁକ୍ତିଲାଭ କରିଥିଲା ଏବଂ ନେଟଫ୍ଲିକ୍ସରେ ଷ୍ଟ୍ରିମିଂ ହେଉଛି । ଏହି ସିରିଜର କାହାଣୀ ଏକ ପ୍ରକୃତ ଘଟଣା ଉପରେ ଆଧାରିତ, ଯାହା 1999 ମସିହାରେ ଘଟିଥିଲା । ଯେଉଁଠାରେ ଇଣ୍ଡିଆନ ଏୟାରଲାଇନ୍ସର ବିମାନକୁ କିଛି ଆତଙ୍କବାଦୀଙ୍କ ଦ୍ୱାରା ଅପହରଣ କରାଯାଇଥିବାର ଘଟଣା ଦର୍ଶାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
