ହାଇଦ୍ରାବାଦ:ସାଉଥ ସୁପରଷ୍ଟାର ନାଗା ଚୈତନ୍ୟ ଏବଂ ଶୋଭିତା ଧୂଲିପାଲା ଖୁବଶୀଘ୍ର ସାତଜନ୍ମର ସାଥୀ ହେବାକୁ ଯାଉଛନ୍ତି । ଏହି କପଲ ଦୀର୍ଘ ସମୟ ଧରି ପରସ୍ପରକୁ ଡେଟ୍ କରିଆସୁଥିବା ବେଳେ ଆଜି ଉଭୟଙ୍କ ନିର୍ବନ୍ଧ ହୋଇଛି । ପରିବାର ଏବଂ ସମ୍ପର୍କୀୟଙ୍କ ଉପସ୍ଥିତିରେ ନାଗା ଏବଂ ଶୋଭିତାଙ୍କ ନିର୍ବନ୍ଧ ହୋଇଛି । ଏନେଇ ସୋସିଆଲ ମିଡିଆରେ ଉଭୟଙ୍କ ଫଟୋ ସେୟାର କରି ସୂଚନା ଦେଇଛନ୍ତି ବାପା ନାଗାର୍ଜୁନ ।
ଆଜି ସରିଲା ନାଗା-ଶୋଭିତାଙ୍କ ନିର୍ବନ୍ଧ
ନାଗାର୍ଜୁନ ନାଗା ଏବଂ ଶୋଭିତାଙ୍କ ଦୁଇଟିି ଫଟୋ ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲ ଏକ୍ସରେ ସେୟାର କରିଛନ୍ତି । ପ୍ରଥମ ଫଟୋରେ ଏହି କପଲ ନିଜ ପିତା ନାଗାର୍ଜୁନଙ୍କ ସହ ପୋଜ୍ କରୁଥିବା ନଜର ଆସିଛନ୍ତି ଏବଂ ଦ୍ୱିତୀୟ ଫଟୋରେ ନାଗା ଏବଂ ଶୋଭିତାଙ୍କ ସହ ସେ ନଜର ଆସିଛନ୍ତି । ଏହି ଫଟୋ ସେୟାର କରି ସେ ଲେଖିଛନ୍ତି, "ଆଜି ସକାଳେ 9:42ରେ ଶୋଭିତା ଧୂଲିପାଲାଙ୍କ ସହ ଆମ ପୁଅ ନାଗା ଚୈତନ୍ୟଙ୍କ ନିର୍ବନ୍ଧ ହୋଇଛି ଏବଂ ଏହା ଘୋଷଣା କରି ଆମେ ଆନନ୍ଦିତ । ଆମ ପରିବାରରେ ତାଙ୍କୁ ସ୍ୱାଗତ କରି ଆମେ ଅତ୍ୟନ୍ତ ଆନନ୍ଦିତ । କପଲଙ୍କୁ ଅଭିନନ୍ଦନ । ସେମାନଙ୍କ ଆଜୀବନ ପ୍ରେମ ଏବଂ ସୁଖ କାମନା କରୁଛି । ଭଗବାନ ଆଶୀର୍ବାଦ କରନ୍ତୁ । 8.8.8 "
ଛାଡ଼ପତ୍ର ୩ବର୍ଷ ପରେ ବିବାହ କରିବା ନାଗା