ହାଇଦ୍ରାବାଦ: ମହାଭାରତ ସିରିଏଲରେ 'ଶ୍ରୀକୃଷ୍ଣ' ଭୂମିକାରେ ଅଭିନୟ କରିଥିବା ଅଭିନେତା ନୀତିଶ ଭରଦ୍ୱାଜ ମାନସିକ ନିର୍ଯାତନାର ଶିକାର ହୋଇଛନ୍ତି । ନୀତିଶ ଏନେଇ ବୁଧବାର ଥାନାର ଦ୍ୱାରସ୍ଥ ହୋଇଛନ୍ତି । ପତ୍ନୀ ଆଇଏଏସ୍ ଅଧିକାରୀ ସ୍ମିତା ଭରଦ୍ୱାଜ ତାଙ୍କୁ ମାନସିକ ନିର୍ଯାତନା ଦେଇଥିବା ଅଭିଯୋଗ କରି ନୀତିଶ ଭୋପାଳ ପୋଲିସ କମିଶନରଙ୍କ ଦ୍ୱାରସ୍ଥ ହୋଇଛନ୍ତି । ଭୋପାଳ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଏହି ମାମଲାର ତଦନ୍ତ ଅତିରିକ୍ତ ଡିସିପି ଶାଲିନୀ ଦୀକ୍ଷିତଙ୍କୁ ଦିଆଯାଇଥିବା ଜଣାପଡିଛି ।
ଫେବୃଆରୀ ୧୪, ବୁଧବାର ଦିନ ନୀତିଶ ଭରଦ୍ୱାଜ ପତ୍ନୀଙ୍କ ନାଁରେ ଅଭିଯୋଗ ନେଇ ଭୋପାଳ କମିଶନର ହରିନାରାୟଣଚରୀ ମିଶ୍ରଙ୍କୁ ଭେଟିଥିଲେ । ଆଇଏଏସ ପତ୍ନୀ ସ୍ମିତା ତାଙ୍କୁ ମାନସିକ ନିର୍ଯାତନା ଦେଉଥିବା ସେ ଅଭିଯୋଗ କରିଥିଲେ । ସେ କହିଛନ୍ତି, ସ୍ମିତା ତାଙ୍କ ଝିଅମାନଙ୍କୁ ତାଙ୍କ ସହ ଭେଟିବାକୁ ଦେଉନାହାନ୍ତି, ଯେତେବେଳେ କି ଏ ବାବଦରେ କୋର୍ଟଙ୍କ ନିର୍ଦ୍ଦେଶ ମଧ୍ୟ ରହିଛି । ସେ ଆହୁରି କହିଛନ୍ତି, ମୋର ଦୁଇ ଝିଅ କେଉଁଠାରେ ଅଛନ୍ତି ଏବଂ ସେମାନେ କେଉଁ ଅବସ୍ଥାରେ ଅଛନ୍ତି, ମୁଁ ଏ ବିଷୟରେ କିଛି ଜାଣେ ନାହିଁ ବାରମ୍ବାର ନିଜ ପତ୍ନୀଙ୍କୁ ପଚାରିଲେ ବି ସେ କୌଣସି ଉତ୍ତର ଦେଉନାହାନ୍ତି । ଓଲଟି ସେ ନିଷ୍ଠୁର ବ୍ୟବାହାର କରୁଛନ୍ତି । ଯାହା ମୋତେ ମାନସିକ ଭାବେ ପ୍ରଭାବିତ କରିଥିବା ଅଭିନେତା କହିଛନ୍ତି ।