ହାଇଦ୍ରାବାଦ:ସାଉଥ୍ 'ସିଙ୍ଘମ' ସୂରିୟା ଏବଂ ବଲିଉଡ ଅଭିନେତା ବବି ଦେଓଲ୍ ଅଭିନୀତ ଚଳଚ୍ଚିତ୍ର 'କଙ୍ଗୁୱା' ଆଜି 14 ନଭେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିଛି । ପ୍ରଥମ ଦିନର ଶୋ' ଦେଖିବାକୁ ପ୍ରେକ୍ଷାଳୟରେ ଦର୍ଶକଙ୍କ ଭିଡ଼ ଜମିଛି । ଗୋଟିଏ ପଟେ ପ୍ରଶଂସକମାନେ ଫିଲ୍ମରେ ସୂରିୟାଙ୍କ ଅଭିନୟକୁ ନେଇ ଉତ୍ସାହିତ ଥିବାବେଳେ ଅନ୍ୟପଟେ ସୂରିୟାଙ୍କ ଭାଇ କାର୍ତ୍ତିଙ୍କ କ୍ୟାମିଓ ଦେଖି ଆଶ୍ଚର୍ଯ୍ୟ ହୋଇଛନ୍ତି । ବର୍ତ୍ତମାନ ସୋସିଆଲ ମିଡିଆରେ 'କଙ୍ଗୁୱା'କୁ ନେଇ ଝଡ଼ ଦେଖିବାକୁ ମିଳିଛି । ଦର୍ଶକ ଏହି ଫିଲ୍ମ ବିଷୟରେ ନିଜର ମତାମତ ଦେଉଛନ୍ତି ।
ପରଦାକୁ ଆସିଲା 'କଙ୍ଗୁୱା'
ଶିବାଙ୍କ ନିର୍ଦ୍ଦେଶିତ ଫିଲ୍ମ 'କଙ୍ଗୁୱା' ଆନ୍ଧ୍ରପ୍ରଦେଶ ଏବଂ କେରଳରେ ସକାଳ ଶୋ’ରେ ପ୍ରଦର୍ଶିତ ହୋଇଥିଲା । ଯାହା ପରେ ଏହାର ରିଭ୍ୟୁ ସୋସିଆଲ ମିଡିଆରେ ପ୍ରକାଶ ପାଇଛି । ସୋସିଆଲ ମିଡିଆରେ ସୂରିୟା ଏବଂ ତାଙ୍କ ଭାଇ କାର୍ତ୍ତିଙ୍କ ଫଟୋ ଭାଇରାଲ ହେଉଛି। ଜଣେ ୟୁଜର ଲେଖିଛନ୍ତି, କାର୍ତ୍ତି ଠିକ ବାହୁବଳୀର କାଳକେୟ ପରି ଦେଖାଯାଉଛନ୍ତି । ସେହିପରି ଆଉ ଜଣେ ଲେଖିଛନ୍ତି, କଙ୍ଗୁୱା ଟିମ୍ ୱାର୍କ.. ସୂରିୟାଙ୍କ ଉଦ୍ୟମ ଏବଂ ଅଭିନୟ ଫାୟାର । ଶିବଙ୍କ ନିର୍ଦ୍ଦେଶନା ଏବଂ ସ୍କ୍ରିନ୍ ସ୍କ୍ରିପ୍, ବଡ ବଜେଟ୍ ଚଳଚ୍ଚିତ୍ର, ମାଷ୍ଟର ୱାର୍କ । ଟିମକୁ ଅଭିନନ୍ଦନ ।
'କଙ୍ଗୁୱା' ଏକ୍ସ ରିଭ୍ୟୁ