ହାଇଦ୍ରାବାଦ:ହାଉସଫୁଲ ଫ୍ରାଞ୍ଚାଇଜର ବହୁ ପ୍ରତୀକ୍ଷିତ ପଞ୍ଚମ ଚଳଚ୍ଚିତ୍ରକୁ ନେଇ ଫ୍ୟାନ୍ସ ବେଶ ଉତ୍ସାହିତ ରହିଛନ୍ତି । କେଉଁ ତାରକା ନଜର ଆସିବେ ତାକୁ ନେଇ ଫ୍ୟାନ୍ସ ଅପେକ୍ଷା କରିଥିବା ବେଳେ ବର୍ତ୍ତମାନ ନିର୍ମାତା ଏହା ଉପରୁ ପରଦା ଉଠାଇଛନ୍ତି । ନିର୍ମାତା ସୋସିଆଲ ମିଡିଆରେ ଫଟୋ ପେଷ୍ଟ କରି ଫ୍ୟାନ୍ସଙ୍କୁ ଫିଲ୍ମର ଷ୍ଟାରକାଷ୍ଟଙ୍କ ଝଲକ ଦେଖାଇଛନ୍ତି । ଫ୍ରାଞ୍ଚାଇଜ୍ ସୁଟିଂ ଏହାର ଶେଷ କାର୍ଯ୍ୟସୂଚୀରେ ପହଞ୍ଚିଥିବା ବେଳେ ପୁରା ଟିମ ଏହାକୁ ସେଲିବ୍ରେଟ କରିଛନ୍ତି । ଯାହାର ଫଟୋ ସୋସିଆଲ୍ ମିଡିଆରେ ସେୟାର କରାଯାଇଛି । ଯେଉଁଥିରେ ଅକ୍ଷୟ କୁମାର, ଜ୍ୟାକଲିନ୍ ଫର୍ଣ୍ଣାଡିଜ୍, ଅଭିଷେକ ବଚ୍ଚନ ନଜର ଆସିଛନ୍ତି ।
'ହାଉସଫୁଲ 5' ଷ୍ଟାରକାଷ୍ଟ
ନଭେମ୍ବର 27 ରେ ଇନଷ୍ଟାଗ୍ରାମରେ ନିର୍ମାତା ନାଦିଆଡୱାଲାଙ୍କ ନାତି ସେମାନଙ୍କ ଅନ୍-ସ୍କ୍ରିନ୍ ଅବତାରରେ ପୁରା ହାଉସ୍ଫୁଲ୍ 5 କାଷ୍ଟର ଏକ ଫଟୋ ସେୟାର କରିଥିଲେ । ଅକ୍ଷୟ କୁମାରଙ୍କୁ କାର୍ଗୋ ପ୍ୟାଣ୍ଟ ସହ ହ୍ୱାଇଟ ପୋଷାକରେ ଦେଖିବାକୁ ମିଳିଥିବା ବେଳେ ସଂଜୟ ଦତ୍ତ, ଜ୍ୟାକି ଶ୍ରଫ, ରିତେଶ ଦେଶମୁଖ, ଅଭିଷେକ ବଚ୍ଚନ, ଫାରଦେନ ଖାନ, ସୋନମ ବାଜୱା, ନର୍ଗିସ୍ ଫାଖ୍ରି, ଚିତ୍ରାଙ୍ଗଡା ସିଂ, ନାନା ପାଟେକର, ଚଙ୍କି ପାଣ୍ଡେ, ଡିନୋ ମୋରେ, ଜନି ଲିଭର, ଶ୍ରେୟସ୍ ତଲପଡେ ଏବଂ ଅନ୍ୟମାନେ ଗୋଟିଏ ଫ୍ରେମରେ ନଜର ଆସିଛନ୍ତି । ଫଟୋ ସେୟାର କରି ନିର୍ମାତା କ୍ୟାପସନ୍ ଲେଖିଛନ୍ତି, 'ଶେଷ କାର୍ଯ୍ୟସୂଚୀରେ ଆମର ସିନେମା ଯାତ୍ରା।'