ହାଇଦ୍ରାବାଦ:ପରଦାରେ ରିଲିଜ ହେଲା୨୦୨୪ର ବହୁ ପ୍ରତିକ୍ଷୀତ ଫିଲ୍ମ 'କଲ୍କି 2898AD' । ଏହି ଫିଲ୍ମରେ ପ୍ରଭାସଙ୍କ ସମେତ ଅନେକ ବଲିଉଡ ଏବଂ ସାଉଥର ମଲ୍ଟି ସୁପରଷ୍ଟାର ଅଭିନୟ କରିଥିବା ବେଳେ ଏହି ଫିଲ୍ମର ଘୋଷଣା ଦିନଠାରୁ ଫ୍ୟାନ୍ସ ଏହାର ରିଲିଜକୁ ଉତ୍ସାହର ସହ ଅପେକ୍ଷା କରିଥିଲେ । ତେବେ ଏହି ଫିଲ୍ମକୁ ନେଇ ଦେଶ ବିଦେଶରେ ଫ୍ୟାନ୍ସଙ୍କ ମଧ୍ୟ ବେଶ କ୍ରେଜ ରହିଥିବା ବେଳେ ବର୍ତ୍ତମାନ ସେହି ଅପେକ୍ଷାର ଅନ୍ତ ହୋଇଛି ଏବଂ ଆଜି ରିଲିଜ ହୋଇଛି ଫିଲ୍ମ । ଏହି ଅବସରରେ କେବଳ ଦେଶ ନୁହେଁ ଦେଶ ବାହାରେ ମଧ୍ୟ ଫିଲ୍ମ ରିଲିଜ ଉତ୍ସବ ଧୁମଧାମରେ ପାଳିଛନ୍ତି ଫ୍ୟାନ୍ସ । ଯାହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏଥିସହ ବାହୁବଳୀ ତାରକାଙ୍କ ପ୍ରଥମ ଦିନର ସୋ' ପାଇଁ ସିନେମା ଭିଡ଼ ଜମିଥିବା ଦେଖିବାକୁ ମିଳିଛି ।
ହାଇଦ୍ରାବାଦରେ ସେଲିବ୍ରେସନ
ସାଉଥରେ ପ୍ରଭାସଙ୍କ ପାଇଁ ଫ୍ୟାନ୍ସଙ୍କ କ୍ରେଜ ରହିଛି । ଏହି ଅବସରରେ ପ୍ରଭାସଙ୍କ ଫିଲ୍ମ ରିଲିଜ ହେବା ସେମନଙ୍କ ପାଇଁ କୌଣସି ସେଲିବ୍ରେସନଠାରୁ କମ ନୁହେଁ । ତେବେ ଆଜି 'କଲ୍କି ୨୮୯୮AD' ରିଲିଜ ହୋଇଥିବା ନେଇ ହାଇଦ୍ରାବାଦର ସତ୍ୟ ଥିଏଟର ବାହାରେ ପ୍ରଭାସଙ୍କ ଫ୍ୟାନ୍ସ ଧୁମଧାମରେ ସେଲିବ୍ରେସନ କରିଛନ୍ତି । ଏହି ସମୟରେ ଫ୍ୟାନ୍ସ ପ୍ରଭାସଙ୍କ ବଡ କଟଆଉଟରେ ପୁଷ୍ପମାଳ ଚଢାଇ ଡ୍ରମ ବଜାଇ, ବାଣ ଫୁଟାଇ ନାଚଗୀତ ସହ ଧୁମଧାମରେ ସେଲିବ୍ରେଟ କରିଛନ୍ତି । ଯାହାର ଭିଡିଓ ସୋସିଆଲ ମିଡିଆ ଏକ୍ସରେ ଖୁବ ଭାଇରାଲ ହେଉଛି ।
ବ୍ରିଟେନରେ ସେଲିବ୍ରେସନ