ଲକ୍ଷ୍ନୌ: ଆଉ କିଛି ସମୟର ଅପେକ୍ଷା, ଭବ୍ୟ ରାମମନ୍ଦିରର ହେବ ପ୍ରାଣ ପ୍ରତିଷ୍ଠା । ଉତ୍ସବମୁଖର ପୁରା ଦେଶ । ରାମ ନାମରେ ପ୍ରକମ୍ପିତ ହେଉଛି ଗଗନ ପବନ । ଏହି ପବିତ୍ର ସମାରୋହ ଅବସରରେ ରାମ ମନ୍ଦିରକୁ ରଙ୍ଗୀନ ଫୁଲରେ ସାଜସଜ୍ଜା କରାଯାଇଛି । ଅନ୍ୟପଟେ ଅନେକ ସ୍ଥାନରେ ବିଭିନ୍ନ ଢ଼ଙ୍ଗରେ ରାମ ମନ୍ଦିର ପ୍ରତିଷ୍ଠା ପାଇଁ ଉତ୍ସବର ଆୟୋଜନ କରାଯାଇଛି । ସେନେଇ ଉତ୍ସବ ମୁଖର ସମଗ୍ର ଭାରତବର୍ଷ । ତେବେ ଆମନ୍ତ୍ରିତ ଅତିଥିମାନେ ଅଯୋଧ୍ୟା ଅଭିମୁଖେ ଯାତ୍ରା ଆରମ୍ଭ କରିଥିବା ବେଳେ ତାରକାଙ୍କ ଭିଡ ଦେଖିବାକୁ ମିଳିଲାଣି ।
ଚଳଚ୍ଚିତ୍ର ଇଣ୍ଡଷ୍ଟ୍ରି ତାରକାମାନେ ରାମ ମନ୍ଦିରର 'ପ୍ରାଣ ପ୍ରତିଷ୍ଠା' ସମାରୋହରେ ଭାଗ ନେବାକୁ ଅଯୋଧ୍ୟା ଅଭିମୁଖେ ଯାଉଛନ୍ତି । ଏହି ସମୟରେ ବଲିଉଡ ଅଭିନେତା ଆମୀର ଖାନ ମୁମ୍ବାଇର ଘରୋଇ ବିମାନବନ୍ଦରରେ ନଜର ଆସିଛନ୍ତି । ଏହାପୂର୍ବରୁ ଅନୁପମ ଖେର ଏବଂ ବିବେକ ଓବରାଇଙ୍କୁ ମଧ୍ୟ ବିମାନବନ୍ଦରରେ ଦେଖିବାକୁ ମିଳିଥିଲା । ପାପରାଜି, ସୁପରଷ୍ଟାର ଆମୀର ଖାନଙ୍କ ଭିଡିଓ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ସେୟାର କରିଛନ୍ତି । ଭିଡିଓରେ ଆମୀର ଖାନ କାରରୁ ଓହ୍ଲାଇଥିବାର ନଜର ଆସିଛି । ସେ ନୀଳ ଜିନ୍ସ ଉପରେ ଏକ କଳା ଟି-ସାର୍ଟ ପିନ୍ଧିଥିଲେ, ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଥିଲେ । ବିମାନବନ୍ଦର ଭିତରକୁ ଯିବା ପୂର୍ବରୁ ସୁପରଷ୍ଟାର ପ୍ୟାପ୍ ପାଇଁ ପୋଜ ଦେଇଥିଲେ । ଏଥି ସହିତ, ଅଭିନେତା ସେଠାରେ ଉପସ୍ଥିତ ଥିବା ଏକ ପରିବାର ସହ ସେ ଫଟୋ ମଧ୍ୟ ଉଠାଇଥିଲେ । ତେବେ ସୁପରଷ୍ଟାରଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।