ହାଇଦ୍ରାବାଦ:ସଲମାନ ଖାନ ଏବଂ ଜବାନ ନିର୍ଦ୍ଦେଶକ ଅଟଲିଙ୍କ ମେଗା ଆକ୍ସନ ଫିଲ୍ମ ଦୀର୍ଘ ଦିନ ଧରି ଖବରରେ ରହିଆସିଛି । ଏହା ଏକ ମେଗା-ବଜେଟ୍ ପ୍ୟାନ୍ ଇଣ୍ଡିଆ ଚଳଚ୍ଚିତ୍ର, ଦୁଇଟି ହିରୋ ଫିଲ୍ମ ବୋଲି ଚର୍ଚ୍ଚା ଜୋର ଧରିଥିଲା । ଏହାରି ମଧ୍ୟରେ ବର୍ତ୍ତମାନ ଉଭୟ ଫିଳ୍ମ ଉପରେ ମୋହର ବାଜିଥିବା ଜଣାପଡିଛି । ସଲମାନ ଖାନ ଅଟଲିଙ୍କ କାମ କରିବାକୁ ପ୍ରସ୍ତୁତ ଥିବା ବେଳେ ଖୁବଶୀଘ୍ର ଫିଲ୍ମର ସୁଟିଂ ଆରମ୍ଭ ହେବ ବୋଲି ଜଣାପଡିଛି ।
ପ୍ରଥମ ଥର ପାଇଁ ଏକାଠି କାମ କରିବେ ସଲମାନ-ଅଟଲି
ଏହି ଫିଲ୍ମ ସହ ସଲମାନ ଏବଂ ଅଟଲି ପ୍ରଥମ ଥର ପାଇଁ ଏକାଠି କାମ କରିବାକୁ ଯାଉଛନ୍ତି । ମିଡିଆ ରିପୋର୍ଟ ଅନୁସାରେ, ଗତ ବର୍ଷ ସଲମାନ ଏବଂ ଅଟଲି ଏହି ଚଳଚ୍ଚିତ୍ର ବିଷୟରେ ଆଲୋଚନା କରିଥିଲେ । ଏଥି ସହିତ ଯେତେବେଳେ ଅଟଲି ଏହି ଚଳଚ୍ଚିତ୍ର ବିଷୟରେ ସଲମାନ ଖାନଙ୍କୁ କହିଥିଲେ ସେତେବେଳେ ସଲମାନ ଏହି କାହାଣୀକୁ ପସନ୍ଦ କରିଥିଲେ ଏବଂ ତାଙ୍କୁ ଫିଲ୍ମର ସମ୍ପୂର୍ଣ୍ଣ ସ୍କ୍ରିପ୍ଟ ପ୍ରସ୍ତୁତ କରିବାକୁ କହିଥିଲେ । ବର୍ତ୍ତମାନ, କିଛି ସପ୍ତାହ ପୂର୍ବରୁ ଅଟଲି ସଲମାନଙ୍କୁ ସ୍କ୍ରିପ୍ଟ ବର୍ଣ୍ଣନା କରିଥିବା ଜଣାପଡିଛି । ସ୍କ୍ରିପ୍ଟ ଶୁଣିବା ପରେ ସଲମାନ ତୁରନ୍ତ ଫିଲ୍ମରେ କାମ କରିବାକୁ ରାଜି ହୋଇଛନ୍ତି ।
ଏହି ସାଉଥ ତାରକା ବି ଆସିବେ ନଜର
ଏଥିରେ ସଲମାନଙ୍କ ସହ ସାଉଥ ଅଭିନେତା କମଲ ହାସନଙ୍କୁ ମଧ୍ୟ ଦେଖିବାକୁ ମିଳିବ । ସଲମାନ ଖାନ ନିଜେ କମଲ ହାସନଙ୍କୁ ଅଟଲିଙ୍କ ଫିଲ୍ମରେ କାମ କରିବାକୁ ମନାଉଥିବା କୁହାଯାଉଛି । କମଲ ହଁ କହିବା ମାତ୍ରେ ଫିଲ୍ମର ସ୍କ୍ରିପ୍ଟ ଉଭୟଙ୍କୁ ଏକାଠି ବର୍ଣ୍ଣନା କରାଯିବ । ଯଦି କମଲ ହାସନ ଫିଲ୍ମକୁ ହଁ କୁହନ୍ତି, ତେବେ ଏହା ସାମ୍ପ୍ରତିକ ସମୟର ସବୁଠାରୁ ବଡ ସହଯୋଗ ହୋଇପାରେ । ବଡ ପରଦାରେ ସାଉଥ ଏବଂ ବଲିଉଡର ଦୁଇ ସୁପରଷ୍ଟାରଙ୍କୁ ଏକାଠି ଦେଖିବା ପ୍ରଶଂସକଙ୍କ ପାଇଁ ଏକ କମ୍ ହେବ ନାହିଁ ଏବଂ ଏହା ପ୍ରଥମ ଥର ହେବ ଯେ ସଲମାନ ଖାନ ଏବଂ କମଲ ହାସନ ଏକାଠି କାମ କରିବେ।