ହାଇଦ୍ରାବାଦ: ଅପେକ୍ଷାର ହେଲା ଅନ୍ତ । ଆସୁଛି 'ବର୍ଡର' ସିକ୍ୱେଲ 'ବର୍ଡର 2' । ୧୯୯୭ରେ ମୁକ୍ତିଲାଭ କରିଥିବା ସନ୍ନି ଦେଓଲଙ୍କ ଫିଲ୍ମ 'ବର୍ଡର' ଦର୍ଶକଙ୍କ ମନକୁ ଛୁଇଁଥିବା ବେଳେ ଏହାର ସିକ୍ୱେଲକୁ ଦର୍ଶକ ଉତ୍ସାହର ସହ ଅପେକ୍ଷା କରିଥିଲେ । ବର୍ତ୍ତମାନ ସେହି ଅପେକ୍ଷାର ଅନ୍ତ ହୋଇଛି । ନିର୍ମାତା 'ବର୍ଡର ୨' ଆସୁଥିବା ନେଇ ଆଜି ଘୋଷଣା କରିଛନ୍ତି । ଏହି ଫିଲ୍ମର ସିକ୍ୱେଲ ସହ ସନ୍ନି ଦେଓଲ ପୁଣିଥରେ କମବ୍ୟାକ କରୁଛନ୍ତି ।
'ବର୍ଡର ୨' ଘୋଷଣା
'ବର୍ଡର'ର ୨୭ ବର୍ଷ ପୂର୍ତ୍ତି ଅବସରରେ ସନ୍ନି ଦେଓଲ ନିଜ ସୋସିଆଲ ମିଡିଆ ହ୍ୟାଣ୍ଡେଲ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି 'ବର୍ଡର ୨' ଘୋଷଣା କରିଛନ୍ତି । ଏହି ଭିଡିଓରେ, ଅଭିନେତାଙ୍କ ସ୍ୱର ପୃଷ୍ଠଭୂମିରେ ଶୁଣାଯାଉଛି, ଯେଉଁଥିରେ ସେ ଶୁଣିବାକୁ ପାଇଛନ୍ତି ଯେ ୨୭ବର୍ଷ ପୂର୍ବେ ଜଣେ ସୈନିକ ପ୍ରତିଶୃତି ଦେଇଥିଲେ ଯେ ସେ ଫେରି ଆସିବେ । ସମାନ ପ୍ରତିଶ୍ରୁତି ପୂରଣ କରିବାକୁ ପୁଣିଥରେ ଭାରତମାତାଙ୍କୁ ସଲାମ କରିବାକୁ ଆସୁଛନ୍ତି ।
୨୭ ବର୍ଷ ପରେ ଆସୁଛି 'ବର୍ଡର ୨'
ସୂଚନା ଥାଉ କି, ଫିଲ୍ମ ବର୍ଡର ୧୩ ଜୁନ ୧୯୯୭ରେ ମୁକ୍ତିଲାଭ କରିଥିଲା ଏବଂ ୨୭ ବର୍ଷ ପରେ, ୧୩ ଜୁନ ୨୦୨୪ରେ ଅର୍ଥାତ ସମାନ ତାରିଖରେ 'ବର୍ଡର ୨' ଘୋଷଣା କରାଯାଇଛି । 'ବର୍ଡର' ବକ୍ସ ଅଫିସର ଧମାଲ କରିଥିଲା । ଏହି ଫିଲ୍ମରେ ସନ୍ନି ଦେଓଲ ଭାରତୀୟ ସେନା ବାହିନୀର ଜଣେ ଉଚ୍ଚ ପଦସ୍ଥ ଅଧିକାରୀ ଭାବେ ଖୁବ ସୁନ୍ଦର ଅଭିନୟ କରିଥିଲେ । ଫିଲ୍ମରେ ସନ୍ନିଙ୍କ ସହିତ ସୁନୀଲ ସେଟ୍ଟୀ ଓ ଜ୍ୟାକି ଶ୍ରଫ, ପୁନୀତ ଇସର ଓ ଅକ୍ଷୟ ଖନ୍ନାଙ୍କ ସମେତ ବହୁ ନାମିଦାମି ଷ୍ଟାର ଅଭିନୟ କରିଥିଲେ । ଏହି ହିନ୍ଦୀ ଭାଷୀ ଫିଲ୍ମଟି ବଲିଉଡ ଜଗତରେ ଏକ ଐତିହାସିକ ଫିଲ୍ମ ହୋଇ ରହିଛି । ଦର୍ଶକ ଏହି କାହାଣୀ ଓ ଫିଲ୍ମରେ ଦର୍ଶାଯାଇଥିବା ଭାରତୀୟ ସେନାଙ୍କ ସଂଘର୍ଷର କାହାଣୀ ଦେଖିଥିଲେ । ତେବେ ପୁଣି ଦର୍ଶକ ବାରତୀୟ ସେନାଙ୍କ କାହାଣୀ ଦେଖିବାକୁ ପ୍ରସ୍ତୁତ ।