ହାଇଦ୍ରାବାଦ: ଏ ଆର ରେହମାନ ଏବଂ ତାଙ୍କ ଟିମ ସଦସ୍ୟା ମୋହିନୀ ଦେ ଦୁହେଁ ଏକା ସମୟରେ ଛାଡପତ୍ର ଘୋଷଣା କରିଥିଲେ। ବିବାହର 29 ବର୍ଷ ପରେ ଏ ଆର୍ ରେହମାନ ପତ୍ନୀ ସାଇରା ବାନୋଙ୍କଠାରୁ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। ଏହି ଘୋଷଣା ର କିଛି ଘଣ୍ଟା ପରେ ମୋହିନୀ ଦେ ମଧ୍ୟ ତାଙ୍କ ସ୍ୱାମୀଙ୍କଠାରୁ ଅଲଗା ହେବାକୁ ନିଷ୍ପତ୍ତି ନେଇଥିବା କହିଥିଲେ । ସୋସିଆଲ ମିଡିଆରେ ଏହି ଖବର ଆସିବା ମାତ୍ରେ ନେଟେନିଜେନମାନେ ଉଭୟଙ୍କ ଛାଡପତ୍ରକୁ ଲିଙ୍କ କରିବା ଆରମ୍ଭ କରିଥିଲେ। ଯାହା ପରେ ବର୍ତ୍ତମାନ ମୋହିନୀ ଏହି ଚର୍ଚ୍ଚା ନେଇ ମୁହଁ ଖୋଲିଛନ୍ତି ।
ମୋହିନୀ ଦେଙ୍କ ପ୍ରତିକ୍ରିୟା
ମୋହିନୀ ଦେ ତାଙ୍କ ଇନଷ୍ଟା ଷ୍ଟୋରୀରେ ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ ସେ ଲିଙ୍କଅପ୍ ଖବର ଉପରେ ଆଲୋଚନା କରିଛନ୍ତି ଏବଂ ଏହି ଖବରକୁ ଅସ୍ୱୀକାର କରିଛନ୍ତି । ମୋହିନୀ ଦେ ସେ ଲେଖିଛନ୍ତି, 'ମୁଁ ସାକ୍ଷାତକାର ପାଇଁ ବହୁ ସଂଖ୍ୟକ ଅନୁରୋଧ ପାଇଛି । ଏହା କାହିଁକି ଘଟୁଛି ମୁଁ ସମ୍ପୂର୍ଣ୍ଣ ଭାବେ ବୁଝିପାରୁଛି, କିନ୍ତୁ ମୁଁ ଏହି ନିର୍ବୋଧ ଖବର ପାଇଁ ଆଗ୍ରହୀ ନୁହେଁ । ମୁଁ ସମ୍ମାନର ସହ ସମସ୍ତ ଅନୁରୋଧକୁ ପ୍ରତ୍ୟାଖ୍ୟାନ କରିଛି । ମୁଁ ଗୁଜବ ଉପରେ ମୋର ଶକ୍ତି ନଷ୍ଟ କରିବାକୁ ଚାହେଁ ନାହିଁ, ଦୟାକରି ମୋର ଗୋପନୀୟତାକୁ ସମ୍ମାନ ଦିଅନ୍ତୁ ।
ଏ ଆର ରେହମାନଙ୍କ ପୁଅଙ୍କ ପ୍ରତିକ୍ରିୟା
ମୋହିନୀ ଦେଙ୍କ ପୂର୍ବରୁ ଏ ଆର ରେହମାନଙ୍କ ପୁଅ ଏ ଆର୍ ଆମିନ ଏହି ଚର୍ଚ୍ଚିତ ଖବର ଉପରେ ପ୍ରତିକ୍ରିୟା ରଖିଥିଲେ । ସେ ତାଙ୍କ ପିତାଙ୍କୁ ସମର୍ଥନ କରି ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଥିଲେ । ଏହି ପୋଷ୍ଟର କ୍ୟାପସନରେ ସେ ଲେଖିଥିଲେ, 'ମୋ ବାପା କେବଳ ତାଙ୍କର ଅଦ୍ଭୁତ ଅବଦାନ ପାଇଁ ନୁହେଁ, ବରଂ ବହୁ ବର୍ଷ ଧରି ପରିଶ୍ରମ କରି ଅର୍ଜନ କରିଥିବା ମୂଲ୍ୟବୋଧ, ସମ୍ମାନ ଏବଂ ପ୍ରେମ ପାଇଁ ମଧ୍ୟ କିମ୍ବଦନ୍ତୀ । ମିଥ୍ୟା ଏବଂ ଭିତ୍ତିହୀନ ଗୁଜବ ପ୍ରଚାର ଦୁଃଖ ଦେଉଛି । କାହାର ଜୀବନ ଏବଂ ଉତ୍ତରାଧିକାରୀ ବିଷୟରେ ଆଲୋଚନା କରିବା ସମୟରେ ଆମେ ସମସ୍ତେ ସତ୍ୟ ଏବଂ ସମ୍ମାନର ମହତ୍ତ୍ୱ ମନେ ରଖିବା ଉଚିତ୍ । ଦୟାକରି ଏହିପରି ଭୁଲ ତଥ୍ୟରେ ଅଂଶଗ୍ରହଣ କିମ୍ବା ବିସ୍ତାରରୁ ଦୂରେଇ ରୁହନ୍ତୁ । ତାଙ୍କ ସମ୍ମାନ କରନ୍ତୁ ଏବଂ ସେ ଆମ ସମସ୍ତଙ୍କ ଉପରେ କରିଥିବା ଅବିଶ୍ୱସନୀୟ ପ୍ରଭାବକୁ ବଜାୟ ରଖନ୍ତୁ ।'
ଏହା ମଧ୍ୟ ପଢନ୍ତୁ: ଛାଡ଼ପତ୍ର ପରେ ଚର୍ଚ୍ଚାରେ AR ରେହମାନ-ମୋହିନୀ, ସଂପର୍କ ନେଇ ଖୁଲାସା କଲେ ଓକିଲ
କହିରଖୁଛୁ କି, ଏ ଆର ରେହମାନ ଏବଂ ସାଇରା ବାନୋ 1995 ରେ ବିବାହ କରିଥିଲେ । ଏହି ଦମ୍ପତିଙ୍କର ଦୁଇଟି ଝିଅ ଏବଂ ଜଣେ ପୁଅ ଅଛନ୍ତି, ଯାହାଙ୍କ ନାମ ଖତିଜା, ରହିମା ଏବଂ ଆମେନ ରେହମାନ । ଗତ ମଙ୍ଗଳବାର ଦିନ ଏହି ଦମ୍ପତି ସେମାନଙ୍କ ଅଲଗା ହେବା ନିଶ୍ଚିତ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
