ହାଇଦ୍ରାବାଦ:ଦର୍ଶକଙ୍କ ମନ ଜିତୁଛି ୟାମି ଗୌତମଙ୍କ ଚଳଚ୍ଚିତ୍ର 'ଆର୍ଟିକିଲ ୩୭୦' । ଏହିପରି ବକ୍ସ ଅଫିସରେ ଏହି ଫିଲ୍ମ ଭଲ ପ୍ରଦର୍ଶନ କରିବା ସହ ବମ୍ପର କଲେକ୍ସନ ମଧ୍ୟ କରୁଛି । ଫିଲ୍ମ ଫେବୃଆରୀ ୨୩ରେ ପରଦାକୁ ଆସିଥିବା ଏହି ଫିଲ୍ମ ରିଲିଜକୁ ସପ୍ତାହେ ହୋଇସାରିଛି । ତେବେ ସପ୍ତାହକ ମଧ୍ୟରେ ଫିଲ୍ମ ୩୫ କୋଟି ଆୟ କରି ସଫଳତା ହାସଲ କରିଛି । ସେହିପରି ବିଦ୍ୟୁତ ଜାମୱାଲଙ୍କ ଫିଲ୍ମ 'କ୍ରାକ' ମଧ୍ୟ ଏହି ଦିନ ରିଲିଜ ହୋଇଥିବା ବେଳେ ଦର୍ଶକଙ୍କୁ ଆକୃଷ୍ଟ କରିବାରେ ବିଫଳ ହେଉଛି । ଏହି ଫିଲ୍ମ ସାତ ଦିନ ମଧ୍ୟରେ ମୋଟ ୧୨ କୋଟି ଆୟ କରିଛି ।
'ଆର୍ଟିକିଲ ୩୭୦' ବକ୍ସ ଅଫିସ କଲେକ୍ସନ:
ସାକନିକଙ୍କ ରିପୋର୍ଟ ଅନୁସାରେ, 'ଆର୍ଟିକିଲ ୩୭୦' ୭ମ ଦିନର ରୋଜଗାର ସହ ମୋଟ ୩୦ କୋଚିରୁ ଅଧିକ ଆୟ କରିବାରେ ସକ୍ଷମ ହୋଇଛି । ଏହି ଫିଲ୍ମ (ଫେବୃଆରୀ ୨୩) ପ୍ରଥମ ଦିନ ୫.୯ କୋଟି ସହ ଓପନିଂ କରିଥିଲା । ସେହିପରି ଦ୍ୱିତୀୟ ଦିନ (ଫେବୃଆରୀ ୨୪)ରେ ଫିଲ୍ମ ୭.୪ କୋଟି ଆୟ କରିଥିଲା । ଅନ୍ୟପଟେ ତୃତୀୟ ଦିନ (ଫେବୃଆରୀ ୨୫)ରେ ୯.୫୦ କୋଟି ଆୟ କରିଥିବା ବେଳେ ୪ର୍ଥ ଦିନ(ଫେବୃଆରୀ ୨୬)ରେ ଫିଲ୍ମ ୩.୨୫ କୋଟି ଆୟ କରିଥିଲା । ୫ମ ଦିନ (ଫେବୃଆରୀ ୨୭)ରେ ଫିଲ୍ମ ୩.୩ କୋଟି ଏବଂ ଷଷ୍ଠ ଦିନରେ (ଫେବୃଆରୀ ୨୮) ଫିଲ୍ମ ୩.୧୫ କୋଟି ଆୟ କରିଥିଲା । ୭ମ ଦିନରେ (ଫେବୃଆରୀ ୨୯)ରେ ଫିଲ୍ମ ୨.୮୫ କୋଟି ଆୟ ସହ ଫିଲ୍ମ ମୋଟ ୩୫.୪୫ କୋଟି ଆୟ କରିଛି ।