ହାଇଦ୍ରାବାଦ:'ପୁଷ୍ପା ୨' ବକ୍ସ ଅଫିସରେ ଧମାକା କରୁଛି । ଫିଲ୍ମ ରିଲିଜର 26ଦିନରେ ପହଞ୍ଚିଲାଣି । ଏପରି ସମୟରେ ଫିଲ୍ମର ଆୟରେ ଧୀରେ ଧୀରେ ହ୍ରାସ ଘଟିଥିଲେ ହେଁ ଫିଲ୍ମ ବକ୍ସ ଅଫିସରେ ନୂଆ ରେକର୍ଡ କରିବାରେ ସଫଳ ହୋଇଛି । ଚତୁର୍ଥ ସୋମବାରରେ ଫିଲ୍ମରେ ରୋଜଗାରରେ ବହୁତ ହ୍ରାସ ଘଟିଛି । ଯାହା ଆଜି ପର୍ଯ୍ୟନ୍ତର ସର୍ବନିମ୍ନ ଆୟ ଅଟେ । କିନ୍ତୁ ନୂଆ ବର୍ଷରେ ପୁନର୍ବାର ରୋଜଗାରରେ ବୃଦ୍ଧି ଘଟିପାରେ ବୋଲି ଆଶା କରାଯାଉଛି । 'ପୁଷ୍ପା 2' 25 ଦିନ ମଧ୍ୟରେ ସାରା ବିଶ୍ୱରେ 1750 କୋଟି ଟଙ୍କା ପାର୍ କରିଛି । ଆକଳନ ଅନୁଯାୟୀ ଏହି ଚଳଚ୍ଚିତ୍ର ସାରା ବିଶ୍ୱରେ ସହଜରେ 1,800 କୋଟି ଟଙ୍କା ରୋଜଗାର କରିପାରେ ।
'ପୁଷ୍ପା 2' ବକ୍ସ ଅଫିସ କଲେକ୍ସନ
ବକ୍ସ ଅଫିସରେ 'ପୁଷ୍ପା ୨'ର ଗତି ବର୍ତ୍ତମାନ ମନ୍ଥର ଗତିରେ ଚାଲିଛି । ସାକନିକଙ୍କ ପ୍ରାରମ୍ଭିକ ଆକଳନ ଅନୁଯାୟୀ, 'ପୁଷ୍ପା 2' ପ୍ରଥମ ସପ୍ତାହରେ 725.8 କୋଟି, ଦ୍ୱିତୀୟ ସପ୍ତାହରେ 264.8 କୋଟି ଏବଂ ତୃତୀୟ ସପ୍ତାହରେ 129.5 କୋଟି ଟଙ୍କା ଆୟ କରିଛି । ସୁକୁମାରଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଚତୁର୍ଥ ଶୁକ୍ରବାରରେ 8.75 କୋଟି, ଚତୁର୍ଥ ଶନିବାରରେ 12.5 କୋଟି ଏବଂ ଚତୁର୍ଥ ରବିବାରରେ 15.65 କୋଟି ଟଙ୍କା ଆୟ କରିଛି । 26 ଦିନରେ, ଚଳଚ୍ଚିତ୍ରଟି ସମସ୍ତ ଭାଷାରେ ପ୍ରାୟ 6.65 କୋଟି ଟଙ୍କା ବ୍ୟବସାୟ କରିଛି । ଆଜି ପର୍ଯ୍ୟନ୍ତ ଫିଲ୍ମର ଏହା ସର୍ବନିମ୍ନ ରୋଜଗାର ଅଟେ । ଏହା ସହ ଅଲ୍ଲୁ ଅର୍ଜୁନଙ୍କ ଫିଲ୍ମ 26 ତମ ଦିନ ପର୍ଯ୍ୟନ୍ତ ଭାରତୀୟ ବକ୍ସ ଅଫିସରେ ମୋଟ 1163.65 କୋଟି ଟଙ୍କା ଆୟ କରିଛି ।
'ପୁଷ୍ପା 2' ହିନ୍ଦୀ ଭାଷାରେ କଲେକ୍ସନ