ଲକ୍ଷ୍ନୌ: ଗାଜିଆବାଦରେ ଲଜ୍ଜା । ବାପା-ଝିଅ ସମ୍ପର୍କରେ ଲାଗିଲା କଳଙ୍କର ଛିଟା । ଝିଅକୁ ଦୁଷ୍କର୍ମ କଲା ସାବତ ବାପା । ଜନ୍ମ କଲା ଝିଅକୁ ସୁରକ୍ଷା ଦେବା ପରିବର୍ତ୍ତେ ଘଟଣା ବିଷୟରେ କାହାକୁ ନକହିବାକୁ ଝିଅକୁ ନିର୍ଯାତନା ଦେଉଥିଲା ମାଆ । ଯନ୍ତ୍ରଣା ଅସହ୍ୟ ହେବାରୁ ଶେଷରେ ଘର ଛାଡି ଦିଲ୍ଲୀ ପଳାଇଲେ ପୀଡିତା ନାବଳିକା । ଏଭଳି ଘଟଣା ଘଟିଛି ଉତ୍ତରପ୍ରଦେଶର ଗାଜିଆବାଦରେ । ନାବାଳିକାକୁ ଦିଲ୍ଲୀ ପୋଲିସ ଉଦ୍ଧାର କରିବା ପରେ ଘଟଣା ସମ୍ପର୍କରେ ଜାଣିବାକୁ ପାଇଥିଲା । ଏହାପରେ ଅଭିଯୁକ୍ତ ସାବତ ବାପା ଓ ମାଆକୁ ପୋଲିସ ଗିରଫ କରିଛି ।
ପୋଲିସର ସୂଚନାନୁସାରେ, ଝିଅର ବାପା କିଛି ବର୍ଷ ପୂର୍ବେ ମୃତ୍ୟୁବରଣ କରିଥିଲେ, ପରେ ପୀଡିତାଙ୍କ ମାଆ ଏବଂ ତାଙ୍କର ଦୁଇ ଭାଇ ନିଜ ଗାଁକୁ ଚାଲିଯାଇଥିଲେ । କିନ୍ତୁ କିଛି ଦିନ ପରେ ପୁଣି ସମସ୍ତେ ଗାଜିଆବାଦକୁ ଫେରିଆସିଥିଲେ । ତା’ପରେ ଘରେ ପାଖରେ ରହୁଥିବା ଜଣେ ପଡୋଶୀଙ୍କୁ ପୀଡିତାଙ୍କ ମାଆ ଦ୍ବିତୀୟ ବିବାହ କରିଥିଲା । ବ୍ୟକ୍ତି ଜଣଙ୍କ ପୁରା ପରିବାର ସହ ଏକାଠି ରହୁଥିଲା । ଅନେକ ସମୟରେ ସେ ତାଙ୍କ ସ୍ତ୍ରୀଙ୍କୁ ବେଶ୍ୟାବୃତ୍ତି କରିବାକୁ ବାଧ୍ୟ କରୁଥିଲା ଓ ନିଜ ନାବାଳିକାକୁ ଝିଅକୁ ଦୁଷ୍କର୍ମ ମଧ୍ୟ କରୁଥିଲା । ପୀଡିତାଙ୍କ ବଡ ଭାଇ ଏନେଇ ଆପତ୍ତି କରିବାକୁ ସାବତ ବାପା ତାଙ୍କୁ ମାଡ ମାରିବା ସହ ଗାଳି ଗୁଲଜ କରୁଥିଲେ ।