ହାଇଦ୍ରାବାଦ: ବଢ଼ୁଥିବା ରେଳ ଦୁର୍ଘଟଣାକୁ ନିୟନ୍ତ୍ରଣ କରିବା ପାଇଁ ଭରତୀୟ ରେଳବାଇ (Indian Railways) ତତ୍ପର ରହିଛି । ରେଳ ବିଭାଗ ଦ୍ବାରା ନିଆଯାଉଥିବା ବିଭିନ୍ନ ସୁରକ୍ଷା ବ୍ୟବସ୍ଥା ଦୁର୍ଘଟଣା ସଂଖ୍ୟାକୁ ହ୍ରାସ କରିବାରେ ସାହାଯ୍ୟ କରୁଛି । ୨୦୧୪-୧୫ ତୁଳନାରେ ୨୦୨୩-୨୪ରେ କମିଛି ରେଳ ଦୁର୍ଘଟଣା । ୨୦୧୪ରୁ ୨୦୨୪ ମଧ୍ୟରେ ରେଳ ଦୁର୍ଘଟଣା ହ୍ରାସ ପାଇଥିବା ସୂଚନା ଦିଆଯାଇଛି ।
କମୁଛି ଦୁର୍ଘଟଣା:
ରେଳ ପରିଚାଳନାରେ ଉନ୍ନତ ସୁରକ୍ଷା ପ୍ରଦାନ କରୁଥିବା ଅନ୍ୟ ଏକ ତଥ୍ୟ ଅନୁସାରେ, ପ୍ରତି ମିଲିୟନ କିଲୋମିଟରରେ ଟ୍ରେନ ଦୁର୍ଘଟଣା (APMTKM) ବର୍ଷ ୨୦୧୪-୧୫ରେ ୦.୧୧ ଥିବା ବେଳେ ୨୦୨୩-୨୪ରେ ଏହା ହ୍ରାସ ପାଇଁ ୦.୦୩ ରହିଛି । ଏହି ଅବଧି ମଧ୍ୟରେ ପାଖାପାଖି ୭୩ ପ୍ରତିଶତ ସୁଧାର ଆସିଥିବା ନେଇ କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ସୂଚନା ଦେଇଛନ୍ତି । ଲୋକସଭାରେ ପ୍ରକାଶ ହୋଇଥିବା ତଥ୍ୟ ଅନୁସାରେ, ୨୦୦୪-୧୪ ମଧ୍ୟରେ ୧୭୧୧ ଟ୍ରେନ ଦୁର୍ଘଟଣାରେ ୯୦୪ ଜଣଙ୍କର ମୃତ୍ୟୁ ହୋଇଥିବା ବେଳେ ୩୧୫୫ ଲୋକ ଆହତ ହେଇଥିଲେ । କିନ୍ତୁ ବର୍ଷ ୨୦୧୪-୨୪ ମଧ୍ୟରେ ଘଟିଥିବା ୬୭୮ ଦୁର୍ଘଟଣାରେ ୭୪୮ ଜଣ ପ୍ରାଣ ହରାଇଥିବା ବେଳେ ୨୦୮୭ ଲୋକ ଆହତ ହୋଇଥିଲେ ।
ରେଳବାଇ ତଥ୍ୟ ଅନୁସାରେ, ୨୦୧୪-୧୫ରେ ୧୩୫ଟି ରେଳ ଦୁର୍ଘଟଣା ଘଟିଥିବା ବେଳେ ୨୦୨୩-୨୪ରେ ଏହା ହ୍ରାସ ପାଇ ୪୦କୁ ଖସିଛି । ସେହିପରି ୨୦୦୪-୧୪ ମଧ୍ୟରେ ୧୭୧୧ଟି ଟ୍ରେନ ଦୁର୍ଘଟଣା ଘଟିଥିବା ବେଳେ ଏହା ବାର୍ଷିକ ହାରାହାରି ୧୭୧ ଥିଲା । ଏହା ୨୦୧୪-୨୪ ଅବଧି ମଧ୍ୟରେ ୬୭୮କୁ ହ୍ରାସ ପାଇଛି । ଯାହା ବାର୍ଷିକ ହାରାହାରି ୬୮ ।
କେଉଁ ମସିହାରେ କେତେ ରେଳ ଦୁର୍ଘଟଣା ?
- ୨୦୧୪-୨୦୧୫ରେ ୧୩୫ ରେଳ ଦୁର୍ଘଟଣା
- ୨୦୨୩-୨୦୨୪ରେ ୪୦ ରେଳ ଦୁର୍ଘଟଣା
- ୨୦୦୪-୨୦୧୪ ମଧ୍ୟରେ ୧୭୧୧ ଟ୍ରେନ ଦୁର୍ଘଟଣା, ବାର୍ଷିକ ହାରାହାରି ୧୭୧
- ୨୦୧୪-୨୦୨୪ରେ ୬୭୮କୁ ହ୍ରାସ ପାଇଛି, ବାର୍ଷିକ ହାରାହାରି ୬୮
| ଏହା ମଧ୍ୟ ପଢ଼ନ୍ତୁ- IRCTC: ଲୋୟର ବର୍ଥ ପାଇଁ ନୂଆ ନିୟମ, ଟ୍ରେନ ଟିକେଟ ବୁକିଂ ବେଳେ ଏମିତି କରନ୍ତୁ...ବଦଳିଛି ଟ୍ରେନ ଟିକେଟ ବୁକିଂ ନିୟମ; ଅନଲାଇନରେ କେମିତି ଟିକେଟ କରିବେ ଜାଣିନିଅନ୍ତୁ |
ଟ୍ରେନ୍ ଚଳାଚଳ ସମୟରେ ସୁରକ୍ଷାକୁ ଦୃଷ୍ଟିରେ ରଖି ଭାରତୀୟ ରେଳର ବିଭିନ୍ନ ସୁରକ୍ଷା ପଦକ୍ଷେପ:
- ଇଲେକ୍ଟ୍ରିକାଲ ଓ ଇଲୋକ୍ଟ୍ରୋନିକ ଇଣ୍ଟର ଲକ୍: