MSME ପାଇଁ ବଜେଟରେ ବଡ ଘୋଷଣା, ବଢ଼ିବ କ୍ରେଡିଟ ଗ୍ୟାରେଣ୍ଟି

ଏମଏସଏମଇ କ୍ଷେତ୍ରରେ କେନ୍ଦ୍ର ବଜେଟରେ ବଡ ଘୋଷଣା । ଏମଏସଏମଇ(MSME) ପାଇଁ ନୂଆ ବର୍ଗୀକରଣ ମାନଦଣ୍ଡ ତିଆରି ହେବ । ନିବେଶ ସୀମା ଅଢ଼େଇ ଗୁଣ କରାଯିବ ।

ନୂଆଦିଲ୍ଲୀ: ମୋଦି ସରକାରଙ୍କ ତୃତୀୟ କାର୍ଯ୍ୟକାଳରେ ଏମଏସଏମଇ କ୍ଷେତ୍ରକୁ ଆଗକୁ ବଢାଇବା ପାଇଁ ବଜେଟରେ ବଡ ଘୋଷଣା କରାଯାଇଛି । ଏମଏସଏମଇ ସେକ୍ଟରରେ କ୍ରେଡିଟ କଭରକୁ ବୃଦ୍ଧି କରାଯିବ । ମିଡିଆ ରିପୋର୍ଟ ଅନୁସାରେ ଏହାଦ୍ବାରା 20 କୋଟି ଟଙ୍କା ଋଣର ପ୍ରାବଧାନ ରହିବ । ଏମଏସଏମଇ ବର୍ଗୀକରଣ ପାଇଁ ଟର୍ଣ୍ଣଓଭର ସୀମା ଦୁଇଗୁଣ ସୀମା ଦୁଇଗୁଣ କରାଯିବ ।

ରିପୋର୍ଟ ଅନୁସାରେ ଦେଶେ ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ଦ୍ୟୋଗୀଙ୍କ ସଂଖ୍ୟା ଏକ କୋଟି ରହିଛି । ଏହି କ୍ଷେତ୍ରେ 5 କୋଟିରୁ ଅଧିକ ଲୋକେ ଯୋଡି ହୋଇଛନ୍ତି । ଏହା ଭାରତକୁ ଦୁନିଆରେ ମ୍ୟାନୁଫ୍ୟାକ୍ଚରିଂ କ୍ଷେତ୍ରରେ ଅଗ୍ରଣୀ ଦେଶ ହେବାରେ ସହାୟକ ହେବ । ଏମଏସଏମଇ 45 ପ୍ରତିଶତ ଆମଦାନୀର ଭାଗିଦାରୀ ଅଟେ । ଏହା ଦ୍ବାରା କ୍ରେଡିଟ ଗ୍ୟାରେଣ୍ଟି କଭରକୁ ବୃଦ୍ଧି କରାଯାଇ ପାରିବ । ଏମଏସଏମଇ ମନ୍ତ୍ରାଳୟ ଦେଶକୁ ଆତ୍ମନିର୍ଭର ହେବା ଦିଗରେ ସାହାଯ୍ୟ କରିବ । ଏହା ଦ୍ବାରା ସୂକ୍ଷ୍ମ ବିନିର୍ମାଣ ଓ ସେବା ଉପକରଣକୁ ବି ଗୁରୁତ୍ବ ଦେବାର ପ୍ରାବଧାନ ରହିଛି ।

କେମିତି କରିବେ ଆବେଦନ

• ପ୍ରଥମେ ଆପଣ ନିଜ ବ୍ୟାଙ୍କର ବ୍ରାଞ୍ଚ ଅଫିସକୁ ଯାଆନ୍ତୁ
• ସେଠାରେ ଥିବା ଅଧିକାରୀ ଆପଣ ଯୋଗ୍ୟ ନା ନାହିଁ ଚେକ୍‌ କରିବେ
• ଏହାପରେ ଆପଣଙ୍କ କାଗଜ ପତ୍ର ଯାଞ୍ଚ ହେବ
• ସବୁକିଛି ଠିକ୍‌ ଥିଲେ MSME କାର୍ଡ ପାଇଁ ଆପଣଙ୍କର ଆବେଦନ କରାଯିବ

• MSME କାର୍ଡ କଣ ?

ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗୀଙ୍କ ପାଇଁ ଏମଏସଏମଇ କ୍ରେଡିଟ କାର୍ଡ ଜାରି କରାଯାଇଥାଏ । ଏହି କ୍ରେଡିଟ କାର୍ଡ ଜରିଆରେ ଏମଏସଏମଇରେ କାରବାର ପାଇଁ ଅର୍ଥ ଯୋଗାଇ ଦିଆଯାଇଥାଏ । ଏହି କ୍ରେଡିଟ କାର୍ଡ ୟୁନିୟନ ବ୍ୟାଙ୍କ ଅଫ ଇଣ୍ଡିଆ ଦ୍ବାରା NPCI (ନ୍ୟାଶନାଲ ପେମେଣ୍ଟ କର୍ପୋରେସନ ଇଣ୍ଡିଆ) ସହଯୋଗରେ ଉପସ୍ଥାପନା କରାଯାଇଛି। ଏବେକା ସମୟରେ ବହୁ ସଂଖ୍ୟାରେ ଲୋକେ ଏହି କ୍ରେଡିଟ କାର୍ଡର ବ୍ୟବହାର କରୁଛନ୍ତି ।