भारत एनसीएपी क्यूआर कोड लाँच : कारच्या सुरक्षेबद्दल मिळणार सर्व माहिती - Bharat NCAP QR Code Launched

Bharat NCAP QR Code Launched : भारत एनसीएपी म्हणजेच भारत न्यू कार असेसमेंट प्रोग्राम गेल्या वर्षी देशातील कारची सुरक्षा रेटिंग निश्चित करण्यासाठी सुरू करण्यात आला होता. आता भारत NCAP नं कारच्या सुरक्षा रेटिंगचे QR कोड स्टिकर लाँच केलं आहेत. हे स्टिकर स्कॅन करून ग्राहकाला कारच्या सुरक्षा वैशिष्ट्यांची संपूर्ण माहिती मिळू शकते.

हैदराबाद Bharat NCAP QR Code Launched :भारत न्यू कार असेसमेंट प्रोग्राम (भारत एनसीएपी), गेल्या वर्षी देशात सुरू करण्यात आला होता. ज्यानं आतापर्यंत देशात विकल्या गेलेल्या कारच्या चाचण्या करून त्यांना सुरक्षा रेटिंग प्रदान केली आहे. आता भारत NCAP नं कारसाठी सुरक्षा-रेट केलेले QR कोड स्टिकर्स लॉन्च करण्याची घोषणा केली आहे. या उपक्रमाचा उद्देश वाहनांच्या सुरक्षेबाबत लोकांमध्ये जागरूकता वाढवणं हा आहे. स्टिकरवरील क्यूआर कोड स्कॅन करून ग्राहक वाहनाच्या सुरक्षिततेच्या वैशिष्ट्यांबद्दल जाणून घेऊ शकतात.

काय आहे भारत एनसीएपी क्यूआर कोड? : भारत एनसीएपी ऑटोमोबाईल उत्पादकांना क्यूआर कोड स्टिकर्स प्रदान करणार आहे. ज्या वाहनांची सुरक्षा चाचणी झालीय अशाना हा कोड देण्यात येणार आहे. या स्टिकर्समध्ये कंपनीचं नाव, वाहन, मॉडेलचं नाव, चाचणीची तारीख, प्रौढ तसंच लहान मुलांसाठी सुरक्षा स्टार रेटिंग समाविष्ट असेल.

सुरक्षेसाठी 5-स्टार रेटिंग :स्टिकर स्कॅन केल्यावर वाहनाचा तपशीलवार तपशील ग्राहकांना कळेल. सध्या ज्या वाहनांची क्रॅश चाचणी पूर्ण झाली आहे, त्यात टाटा सफारी, हॅरियर, नेक्सॉन ईव्ही आणि टाटा मोटर्सच्या पंच ईव्ही मॉडेल्सचा समावेश आहे. या मॉडेल्सना भारत NCAP द्वारे प्रौढ आणि बालकांच्या सुरक्षेसाठी 5-स्टार रेटिंग दिलं आहे.

काय आहे भारत NCAP?: गेल्या वर्षी, रस्ते वाहतूक आणि महामार्ग मंत्रालयानं ग्लोबल NCAP च्या सहकार्यानं भारत NCAP सुरक्षा रेटिंग लाँच केलं होतं. या क्रॅश-चाचणी धोरणामुळं, अशी सुरक्षा प्रणाली स्वीकारणारा भारत हा जागतिक स्तरावर पाचवा देश बनला आहे. भारत NCAP च्या घोषणेदरम्यान, केंद्रीय रस्ते वाहतूक मंत्री नितीन गडकरी यांनी नमूद केलं, की त्यांना या स्वयंसेवी सुरक्षा योजनेअंतर्गत क्रॅश चाचण्यांसाठी 30 पेक्षा जास्त विनंत्या प्राप्त झाल्या आहेत. 'अधिक स्टार, सुरक्षित कार' हे घोषवाक्य सर्व नवीन वाहनांच्या सुरक्षिततेबद्दल जागरुकता वाढवणं, अपघाताचं प्रमाण कमी करणं, हे भारत NCAP चं ध्येय आहे. या उपक्रमामुळं कार खरेदीदारांना वाहनांची सुरक्षितता वैशिष्ट्ये समजून घेऊन अधिक माहिती करेल, असा विश्वासही संस्थेला आहे.

'हे' वाचलंत का :