1993च्या बॉम्बस्फोटातील आरोपीचा कोल्हापुरातील कळंबा कारागृहात विरोधी गटाकडून खून - Kalamba Jail Murder Case

Kalamba Jail Murder Case : कोल्हापूरच्या कळंबा मध्यवर्ती कारागृहात शिक्षा भोगत असलेल्या कैद्यांच्या दोन गटामध्ये झालेल्या मारहाणीत एकाचा खून केल्याची धक्कादायक घटना समोर आली आहे. मुन्ना उर्फ मोहम्मद अली खान उर्फ मनोज कुमार भवरलाल गुप्ता (वय वर्ष 70) असं खून झालेल्या कैद्याचं नाव असून तो 1993 च्या साखळी बॉम्बस्फोटातील आरोपी होता.

कोल्हापूर Kalamba Jail Murder Case :कोल्हापूरच्या कळंबा मध्यवर्ती कारागृहात गेल्या काही दिवसांपासून मोबाईल तसेच अंमली पदार्थ मिळण्याच्या घटना मोठ्या प्रमाणात वाढल्या होत्या. यामुळे कळंबा कारागृहातील कारभारावर अनेक प्रश्नचिन्ह उपस्थित केले जात होते. अशातच आता आणखी एक धक्कादायक घटना घडली असून कोल्हापूरच्या कळंबा मध्यवर्ती कारागृहात 1993 च्या साखळी बॉम्बस्फोटातील आरोपी म्हणून गेल्या बारा ते तेरा वर्षांपासून शिक्षा भोगत असलेला मुन्ना उर्फ मोहम्मद अली खान उर्फ मनोज कुमार भवरलाल गुप्ता आणि दुसऱ्या गटातील अन्य पाच जणांमध्ये झालेल्या मारहाणीत मुन्ना उर्फ मोहम्मद अली खान या कैद्याच्या डोक्यात ड्रेनेजवरील लोखंडी झाकण घालत खून केल्याची घटना घडली आहे.

कारागृहाचा कारभार चव्हाट्यावर :मिळालेल्या प्राथमिक माहितीनुसार, मुन्ना उर्फ मोहम्मद अली खान उर्फ मनोज कुमार भवरलाल गुप्ता हा मुंबईतील 1993 च्या साखळी बॉम्बस्फोटामधील आरोपी असल्याने तो कळंबा कारागृहात जन्मठेपेची शिक्षा भोगत होता. आज सकाळी साडेसात वाजण्याच्या सुमारास कारागृहातील हौदावर आंघोळ करण्यासाठी गेला होता. यावेळी येथील न्यायालयीन बंदी आरोपी असलेले प्रतीक उर्फ पिल्या सुरेश पाटील, दीपक नेताजी खोत, संदीप शंकर चव्हाण, ऋतुराज विनायक इनामदार, सौरभ विकास सिद्ध या पाच आरोपींनी मुन्ना उर्फ मोहम्मद अली खान उर्फ मनोज कुमार भवरलाल गुप्ता याला जबर मारहाण केली. यावेळी यातील एका आरोपीने ड्रेनेजवरील लोखंडी झाकण डोक्यात घालून त्याचा खून केला. या घटनेनंतर कळंबा कारागृहात एकच खळबळ उडाली असून या घटनेची माहिती मिळताच जुना राजवाडा पोलीस ठाण्याचे पोलीस कळंबा कारागृहात दाखल होत खुनाच्या घटनेचा पंचनामा सुरू केला आहे. मात्र या घटनेमुळे कळंबा कारागृहातील कारभार पुन्हा एकदा चव्हाट्यावर आला आहे.

हेही वाचा :