बुलावायो ZIM vs PAK 3rd T20I Live Streaming : झिम्बाब्वे राष्ट्रीय क्रिकेट संघ विरुद्ध पाकिस्तान राष्ट्रीय क्रिकेट संघ यांच्यातील तिसरा आणि शेवटचा T20 सामना आज, गुरुवार, 5 डिसेंबर रोजी खेळवला जाणार आहे. दोन्ही संघांमधील हा सामना बुलावायो येथील क्वीन्स स्पोर्ट्स क्लब इथं होणार आहे.
पाकिस्ताननं जिंकली मालिका : तीन सामन्यांच्या मालिकेत पाकिस्ताननं 2-0 अशी आघाडी घेतली आहे. दुसऱ्या T20 सामन्यात पाकिस्ताननं झिम्बाब्वेचा 10 गडी राखून पराभव केला. त्या सामन्यात पाकिस्तानच्या घातक गोलंदाजीसमोर झिम्बाब्वेचा संघ 12.4 षटकांत 57 धावांवरच मर्यादित राहिला. प्रत्युत्तरात पाहुण्या संघानं 5.3 षटकांतच लक्ष्य गाठलं. आता मालिकेतील तिसऱ्या सामन्यात क्लीन स्वीप टाळण्याकडं झिम्बाब्वेच्या नजरा असतील. तर पाकिस्तान संघ तिसरा सामना जिंकून मालिकेत स्वीप करु इच्छितो. परणामी दोन्ही संघांमध्ये चुरशीची स्पर्धा पाहायला मिळणार आहे.
दोन्ही संघाचा हेड-टू-हेड रेकॉर्ड काय : झिम्बाब्वे आणि पाकिस्तान यांच्यात आतापर्यंत 20 आंतरराष्ट्रीय T20 सामने खेळले गेले आहेत. या काळात पाकिस्तान संघाचं पारडं जड आहे. पाकिस्तान संघानं 18 सामने जिंकले आहेत. तर झिम्बाब्वेला केवळ दोनच सामने जिंकता आले आहेत.
T20 मालिकेचं वेळापत्रक :
- पहिला T20 सामना, 01 डिसेंबर, पाकिस्तान 57 धावांनी विजयी
- दुसरा T20 सामना, 03 डिसेंबर, पाकिस्तान 10 विकेटनं विजयी
- तिसरा T20 सामना, आज, दुपारी 5 वाजता क्वीन्स स्पोर्ट्स क्लब, बुलावायो
खेळपट्टी कशी असेल :झिम्बाब्वे आणि पाकिस्तान यांच्यातील तिसरा T20 सामना बुलावायो इथं होणार आहे. क्वीन्स स्पोर्ट्स क्लबच्या खेळपट्टीवर पहिल्या डावाची सरासरी 154 धावा आहे. या खेळपट्टीवर फलंदाजांना खूप मदत मिळते, परंतु वेगवान गोलंदाजांना नवीन चेंडूनं बाऊन्स आणि स्विंग मिळू शकते. या मैदानावर दुसऱ्या डावात खेळपट्टी संथ होते, ज्यामुळं फिरकीपटूंना मदत होते. या खेळपट्टीवर प्रथम फलंदाजी करताना 10 पैकी 9 सामने जिंकले आहेत. नाणेफेक जिंकणाऱ्या संघाने प्रथम फलंदाजी करावी जेणेकरून मोठी धावसंख्या फलकावर लावता येईल.
झिम्बाब्वे आणि पाकिस्तान यांच्यात तिसरा T20 सामना कधी आणि कुठं होणार?