मनू भाकरसह चार खेळाडूंना ध्यानचंद खेलरत्न पुरस्कार, अर्जुन पुरस्कारांचीही घोषणा; वाचा यादी - KHEL RATNA AWARD

ऑलिम्पिक पदक विजेता मनू भाकर आणि बुद्धिबळ विश्वविजेता डी गुकेश यांच्यासह चार खेळाडूंना ध्यानचंद खेलरत्न पुरस्कार जाहीर करण्यात आला आहे.

मनू भाकर आणि डी गुकेश (ANI Photo)

Published : Jan 2, 2025, 3:16 PM IST

नवी दिल्ली Khel Ratna Award :पॅरिस ऑलिम्पिकमध्ये देशासाठी दोन कांस्यपदक जिंकणारी नेमबाज मनू भाकर हिला खेलरत्न पुरस्कार देण्यात येणार आहे. त्याच्यासोबत विश्वविजेता बुद्धिबळपटू डी गुकेशलाही खेलरत्न पुरस्कारानं सन्मानित करण्यात येणार आहे. मनू भाकरच्या नावाची खेलरत्नसाठी निवड झाली नसल्याच्या बातम्या आधी येत होत्या, पण आता या दिग्गज खेळाडूला देशातील सर्वात मोठा क्रीडा पुरस्कार मिळणार आहे. मनू भाकरनं पॅरिस ऑलिम्पिकमध्ये 10 मीटर एअर पिस्तूल आणि 25 मीटर एअर पिस्तूलमध्ये कांस्यपदक जिंकलं होतं. एकाच ऑलिम्पिकमध्ये दोन पदकं जिंकणारी ती पहिली भारतीय आहे.

डी गुकेशलाही मिळणार खेलरत्न पुरस्कार : बुद्धिबळपटू डी गुकेशलाही खेलरत्न पुरस्कारानं सन्मानित करण्यात येणार आहे. गुकेशनं गेल्या महिन्यात 12 डिसेंबर रोजी बुद्धिबळाचा विश्वविजेता होण्याचा मान मिळवला होता. सिंगापूर इथं झालेल्या जागतिक अजिंक्यपद स्पर्धेत गुकेशनं चीनच्या डिंग लिरेनचा पराभव करुन विजेतेपद पटकावलं होतं. वयाच्या अवघ्या 18 व्या वर्षी तो विश्वविजेता बनला, हा एक विश्वविक्रम आहे.

हरमनप्रीत सिंग आणि प्रवीण कुमार यांनाही खेलरत्न : हॉकी संघाचा कर्णधार हरमनप्रीत सिंग आणि पॅरालिम्पिक सुवर्णपदक विजेता प्रवीण कुमार यांनाही खेलरत्न पुरस्कार प्रदान करण्यात येणार आहे. हरमनप्रीत सिंगच्या नेतृत्वाखाली भारतीय संघानं सलग दुसऱ्यांदा ऑलिम्पिकमध्ये कांस्यपदक जिंकलं. तर प्रवीण कुमारनं उंच उडी T64 स्पर्धेत देशासाठी सुवर्णपदक जिंकलं होतं. प्रवीण कुमारनं आशियाई विक्रम मोडीत काढत ही कामगिरी केली होती. यासह क्रीडा मंत्रालय 32 खेळाडूंना अर्जुन पुरस्कारानं सन्मानित करणार आहे, विशेष म्हणजे त्यापैकी 17 खेळाडू पॅरा ॲथलीट आहेत.

अर्जुन पुरस्कार विजेत्या खेळाडूंची यादी :