सावधान! तुम्हाला 'ही' लक्षणं जाणवत असतील तर मुत्रपिंड होऊ शकतं निकामी - SYMPTOMS OF KIDNEY DISEASE
जीवनशैलीतील बदल आणि अस्वास्थ्यकर आहार यामुळे किडनीच्या समस्या उद्भवत आहेत. जर तुम्हाला खालील प्रकारची लक्षणे आढळली डॉक्टरांचा सल्ला घेणं गरजेचं आहे. वाचा सविस्तर..
Symptoms Of Kidney Disease: मधुमेह, उच्च रक्तदाब आणि हृदयरोग तसंच मूत्रपिंडाचे आजार अलिकडच्या काळात सामान्य झाले आहेत. दहापैकी एका व्यक्तीला या समस्येचा सामना करावा लागतो. एकदा मूत्रपिंड निकामी झाले की, डायलिसिस किंवा मूत्रपिंड प्रत्यारोपणाशिवाय दुसरा पर्याय उरत नाही. वैद्यकीय तज्ञांचं म्हणणे आहे की, खराब झालेले मूत्रपिंड सामान्य स्थितीत परत येणे जवळजवळ अशक्य आहे.
किडनी (Freepik)
मुत्रपिंड निकामी होण्याच्या सुरुवातीच्या टप्प्यात ओळखल्यास ही समस्या गंभीर होण्यापासून रोखता येवू शकते. बहुतेक लोकांना मूत्रपिंडाच्या नुकसानाची लक्षणं माहित नसतात. त्यामुळे मूत्रपिंड पूर्णपणे खराब होईपर्यंत त्यांना लक्षात येत नाही. परंतु खाली दिलेली लक्षणं दिसल्यास तुम्ही ताबडोब डॉक्टरांचा सल्ला घ्या. कारण ही लक्षणं मुत्रपिंड खराब होण्याची आहेत.
थकवा, आळस: बऱ्याच लोकांना थोडं काम केलं तरी थकवा येतो. तसंच अशक्तपणा जाणवतो. यामुळे त्यांना सकाळी उठण्यासही त्रास होतो. तुम्हालाही असंच वाटते काय? सकाळी उठल्या उठल्या अशक्तपणा आणि थकवा जावणवत असेल तर ही मूत्रपिंड निकामी होण्याची चिन्ह आहेत, असं हैदराबादमधील एका प्रसिद्ध रुग्णालयातील नेफ्रोलॉजिस्ट डॉ. श्रीभूषम राजू यांनी सांगितलं.
जर मूत्रपिंड योग्यरित्या कार्य करत नसेल तर त्यामुळे अशक्तपणा होऊ शकतो. तसंच शरीरातील लाल रक्तपेशींची संख्या देखील कमी होते. स्नायू आणि ऊतींना पुरेसं ऑक्सिजन मिळत नसल्यामुळे अशक्तपणा आणि आळस तसंच थकवा यासारखी लक्षणं दिसून येतात. नॅशनल किडनी फाउंडेशनच्या वेबसाइटवर प्रकाशित झालेल्या एका लेखात (अहवालासाठी येथे क्लिक करा) हे देखील स्पष्ट करण्यात आले आहे. केवळ थकवा आणि आळसच नाही तर इतर लक्षणे देखील मूत्रपिंड निकामी होण्याची लक्षणे असल्याचे म्हटले जाते.
भूक न लागणे: भूक न लागणे हे एक कारण देखील मूत्रपिंड निकामी होण्याच्या लक्षणांपैकी एक आहे. असं म्हटलं जाते की, रक्तातील विषारी पदार्थ वाढल्यानं भूक कमी होते. यामुळे मळमळ होते. तसंच काही खाण्याची इच्छा होत नाही. परिणामी वजन कमी होते.
कोरडी त्वचा, खाज सुटणे: जर मूत्रपिंडे योग्यरित्या कार्य करत नसेल तर आपल्या शरीरातील कॅल्शियम आणि फॉस्फेट सारख्या खनिजांचे संतुलन बिघडते. यामुळे कोरडी त्वचा, खाज सुटणे आणि चिडचिड यासारख्या समस्या उद्भवतात. असं एका अभ्यासात स्पष्ट झालं आहे.
पायांना सूज येणे: जर मूत्रपिंड निरोगी नसेल तर शरीरातील टाकाऊ पदार्थ बाहेर काढता येत नाहीत, ज्यामुळे आपल्या शरीरात, विशेषतः पाय, टाचा आणि डोळ्यांभोवती सूज येते.
वारंवार लघवी:जर मूत्रपिंड खराब झाले असेल तर लघवीमध्ये बदल होऊ शकतो, ज्यामुळे रात्री जास्त लघवी होणे, लघवीमध्ये रक्त येणे आणि फेसयुक्त लघवी अशी लक्षणे दिसू शकतात.
डोकेदुखी, लक्ष केंद्रित करण्यात अडचण:रक्तात कचरा साचल्याने मेंदूच्या कार्यावर नकारात्मक परिणाम होऊ शकतो. यामुळे लक्ष केंद्रित करण्यात अडचण, डोकेदुखी आणि हलकी डोकेदुखी यासारखी लक्षणे उद्भवू शकतात आणि जर ही समस्या गंभीर झाली तर त्यामुळे अनेक गंभीर आजार होवू शकतात.
झोपेचा त्रास:जेव्हा मूत्रपिंडे योग्यरित्या फिल्टर करत नाहीत. तेव्हा शरीरातून मूत्रमार्गे बाहेर पडण्याऐवजी विषारी पदार्थ रक्तात जमा होतात. यामुळे झोपेचा त्रास होतो. मूत्रपिंडाच्या समस्या असलेल्या लोकांमध्ये स्लीप एपनिया सारखी समस्या निर्माण होणे सामान्य असल्याचे म्हटले जाते.
(डिस्क्लेमर: ही सामान्य माहिती केवळ वाचनासाठी दिलेली आहे. ईटीव्ही भारत या माहितीच्या वैज्ञानिक मान्यतेबाबत कोणतीही पुष्टी करत नाही. अधिक माहितीसाठी डॉक्टरांकडून सल्ला घ्यावा.)
