मुंबई - Randeep Hooda Transformation :अभिनेता रणदीप हुड्डा सध्या दिग्दर्शन क्षेत्रात पदार्पणासाठी चर्चेत आहे. त्याचा 'स्वातंत्र्य वीर सावरकर' चित्रपट रुपेरी पडद्यावर लवकरच रिलीज होणार आहे. या चित्रपटामध्ये रणदीप हा वीर सावरकरांची भूमिका साकारत आहे. मोठ्या पडद्यावर ही भूमिका चांगल्या पद्धतीनं आणण्यासाठी रणदीप खूप मेहनत घेतली आहे. या भूमिकेसाठी रणदीपनं शारीरिक परिवर्तन करून चाहत्यांना थक्क केलं आहे. आता सोशल मीडियावर एक फोटो व्हायरल होत आहे. या फोटोमध्ये रणदीपला ओळखणे कठीण होत आहे. सोशल मीडियावर हा फोटो शेअर करत रणदीपनं लिहिलं 'काला पानी'. रणदीपच्या या फोटोवरून असे दिसून येते की, काला पानीच्या शिक्षेदरम्यान सावरकर खूप बारीक झाले होते. हे दृश्य खऱ्यात आणण्यासाठी रणदीपनं आपले वजन खूप कमी केलं असल्याचं दिसत आहे.
रणदीप हुड्डाचं केलं चाहत्यांनी कौतुक : रणदीप हुड्डानं शेअर केलेल्या फोटोवर अनेकजण आता कमेंट्स करत आहेत. एका यूजरनं फोटोच्या पोस्टमध्ये लिहिलं, ''तुम्ही खूप या भूमिकेबद्दल खूप समर्पित आहात.'' दुसऱ्यानं लिहिलं, ''तुझा फोटो पाहून मला छान वाटलं.'' आणखी एकानं लिहिलं, ''रणदीप प्रत्येक भूमिकेमध्ये आपला जीव ओतत असतो.'' अशा अनेक कमेंट्स या पोस्टवर आल्या आहेत. याशिवाय काहीजण या पोस्टवर हार्ट आणि फायर इमोजी पोस्ट करत आहेत. सोशल मीडियावर चाहते त्याच्या समर्पणाचे खूप कौतुक करत आहेत. या चित्रपटामध्ये रणदीप व्यतिरिक्त अंकिता लोखंडे, अमित सियाल, अपिंदरदीप सिंग आणि इतर कलाकार दिसणार आहेत.