मुंबई - R Madhavan Fighter : 25 जानेवारीला 'फायटर' हा चित्रपटगृहात रिलीज झाला. या चित्रपटाला प्रेक्षक आणि चाहत्यांकडून सकारात्मक प्रतिसाद मिळत आहेत. दरम्यान, बॉलिवूड अभिनेता आर. माधवननं हृतिक रोशन आणि दीपिका पदुकोण स्टारर 'फायटर' चित्रपटाचे कौतुक केले आहे. माधवननं या चित्रपटाला अप्रतिम म्हणत ॲक्शन थ्रिलर टीमवर प्रेमाचा वर्षाव केला आहे. त्यानं त्याच्या पोस्टमध्ये लिहिलं, ''सिद्धार्थ आनंद, तुमचा 'फायटर' हा खूप विलक्षण चित्रपट आहे. 'फायटर' टीमनं केलेल्या उत्कृष्ट कामाबद्दल अभिनंदन. तुम्ही भारतीय चित्रपटसृष्टीला एक सुंदर, 'सुपर मोटिवेटिंग मूव्हिंग' चित्रपट दिला आहे.''
'फायटर' चित्रपटाची स्टारकास्ट :सिद्धार्थ आनंद दिग्दर्शित फायटर या चित्रपटात अनिल कपूर, करण सिंग ग्रोव्हर आणि अक्षय ओबेरॉय यांच्या प्रमुख भूमिका आहेत. आतापर्यत या चित्रपटानं 100 कोटीहून बॉक्स ऑफिसवर अधिक व्यवसाय केला आहे. हा चित्रपट देशभक्तीवर आधारित आहे. चित्रपटात हृतिकला स्क्वॉड्रन लीडर शमशेर पठानिया उर्फ पॅटी, दीपिका स्क्वॉड्रन लीडर मीनल राठोड उर्फ मिन्नी आणि अनिल कपूर हा ग्रुप कॅप्टन राकेश जयसिंग उर्फ रॉकीच्या भूमिकेत देशासाठी लढताना दाखवण्यात आले आहे. रुपेरी पडद्यावर हृतिक आणि दीपिकानं पहिल्यांदाच एकत्र काम केलंय. हा चित्रपट 250 कोटीमध्ये निर्मित झाला आहे. या चित्रपटाला प्रेक्षक भरभरून प्रेम देताना दिसत आहे.