मुंबई - Pulkit And Kriti Wedding Card : 'फुक्रे' फेम अभिनेता पुलकित सम्राट सध्या त्याच्या लग्नाच्या वृत्तामुळे चर्चेत आहे. तो अभिनेत्री क्रिती खरबंदाला डेट करत असून तिच्याशी लवकरच लग्न करणार आहे. आता या दोघांच्या लग्नाचे कार्ड लीक झाले आहे. हे लग्नाचे कार्ड सामान्य कार्डपेक्षा पूर्णपणे वेगळे आहेत. व्हायरल झालेलं कार्ड अ‍ॅनिमेशनवर आधारित आहे, ज्यात एक मुलगा बाल्कनीत गिटार घेऊन बसला आहे. याशिवाय तिथे एक मुलगीही बसलेली दिसत आहे. हे दोघेही समुद्राकडे बघताना दिसत आहेत. कार्डमध्ये दोन श्वानही आहेत. या कार्डच्या कॅप्शनमध्ये लिहिलं आहे की,''माझ्या मित्रांबरोबर सेलिब्रेट करण्यासाठी आता मी प्रतीक्षा करू शकत नाही. लव्ह पुलकित अ‍ॅन्ड क्रिती.''
पुलकित सम्राट आणि क्रिती खरबंदाचे फोटो व्हायरल : आता कार्डच्या पोस्टमध्ये चाहते या जोडप्याला शुभेच्छा देताना दिसत आहे. मिळालेल्या माहितीनुसार हे जोडपे 13 मार्चला लग्न करणार आहेत. पुलकित सम्राट बऱ्याच दिवसांपासून क्रिती खरबंदाला डेट करत आहे. अलीकडेच या जोडप्याची एंगेजमेंट झाली आहे. त्यामुळे दोघेही पुन्हा एकदा प्रसिद्धीझोतात आले होते. सोशल मीडियावर एक पोस्ट व्हायरल झाली होती. या पोस्टमध्ये क्रिती खरबंदा आणि पुलकितचे कुटुंब एकत्र दिसत होते. दुसऱ्या एका फोटोमध्ये क्रिती आणि पुलकितची अंगठी दिसत होती. पुलकित सम्राटच्या बहिणीनं ही पोस्ट शेअर करून या जोडप्याच्या चाहत्यांना एक सुखद धक्का दिला होता.