मुंबई - बॉलिवूड स्टार किड्ससाठी ग्लॅमरच्या जगात आपले स्थान निर्माण करणे, हे फार कठिण नाही. स्टार किड त्याच्या कुटुंबामुळे नेहमीच प्रसिद्धीझोतात असतात. आता एक अशाचं एका व्यक्तीबद्दल आम्ही तुम्हाला सांगणार आहोत, जी आपल्या कुटुंबामुळे नेहमीच चर्चेत असते. या स्टार किड्सनी त्यांच्या कुटुंबाचा मार्ग सोडून चित्रपट जगताऐवजी व्यवसायात आपले करिअर केले आहे. अमिताभ बच्चनची नात आणि श्वेता बच्चनची मुलगी नव्या नवेली नंदा ही चांगली एक उद्योजक आहे. दरम्यान ती तिच्या फोटोमुळे चर्चेत आली आहे. तिनं शेअर केले फोटो सोशल मीडियावर सध्या खूप व्हायरल झाले आहेत.
नव्या नवेली नंदानं शेअर केले सुंदर फोटो :नव्या नवेली गुजरातमधील कच्छमध्ये दौरा करत असून ती तिच्या आजी जया बच्चन आणि आई श्वेता बच्चनबरोबर आहे. नव्यानं तिच्या फोटोमध्ये कच्छच्या रणाचे दृश्य तिच्या चाहत्यांना दाखवले आहे. नव्यानं सोशल मीडियावर शेअर केले फोटो खूप आकर्षक आहेत. नव्या नवेली नंदाचे वडील निखिल नंदा हे देखील एक मोठे उद्योगपती आहेत. त्यांची संपत्ती देखील हजारो कोटीमध्ये आहे. आता नव्या देखील आपल्या वडिलांप्रमाणे व्यवसायत करिअर करत आहे. नव्याचे शालेय शिक्षण लंडनमधील सेव्हनॉक्स स्काऊस येथून झाले आहे. यानंतर तिनं फोर्डहॅम विद्यापीठातून डिजिटल तंत्रज्ञानात पदवी प्राप्त केली. नव्यानं स्वत:चे स्टार्टअप सुरू केले आहे.