मृणाल ठाकूरनं कंगना राणौत स्टारर 'इमर्जन्सी' चित्रपट पाहिला, केली पोस्ट शेअर...

मृणाल ठाकूरनं कंगना राणौत स्टारर 'इमर्जन्सी' चित्रपट पाहिला आहे. याशिवाय तिनं आता कंगनाचं कौतुक करत एक पोस्ट शेअर केली आहे.

मुंबई -अभिनेता कंगना राणौतची गणना बॉलिवूडमधील सर्वोत्तम अभिनेत्रींमध्ये केली जाते. अलीकडेच ती तिच्या 'इमर्जन्सी' चित्रपटामुळे चर्चेत होती. हा चित्रपट 17 जानेवारी रोजी थिएटरमध्ये प्रदर्शित झाला होता. मात्र बॉक्स ऑफिसवर हा चित्रपट काही खास कामगिरी करू शकला नाही. तसेच चित्रपट पाहणारे प्रेक्षक कंगनाचे कौतुक करण्यापासून स्वतःला रोखू शकले नाहीत. दरम्यान, बॉलिवूड अभिनेत्री मृणाल ठाकूरनं तिच्या वडिलांबरोबर कंगनाचा 'इमर्जन्सी' पाहिला. आता तिनं या चित्रपटाबद्दल आपली प्रतिक्रिया दिली आहे.

कंगना राणौतचा 'इमर्जन्सी' आवडला मृणाल ठाकूरला : 'इमर्जन्सी' पाहिल्यानंतर मृणाल ठाकूरनं सोशल मीडियावर एक पोस्ट शेअर केली. तिनं कंगनाच्या चित्रपटाबद्दल तिचे मत मांडले. याशिवाय तिनं कंगनाच्या अभिनय आणि दिग्दर्शनाबद्दलही लिहिलं आहे. आता मृणाल ठाकूरच्या पोस्टची सर्वत्र चर्चा होत आहे. मृणालच्या पोस्टवर अनेक यूजर्सही प्रतिक्रिया देत आहेत.

मृणाल ठाकूर कंगना राणौतची चाहती : 'इमर्जन्सी'मधील काही फोटो शेअर करताना कंगना राणौतचं कौतुक करताना तिनं लिहिलं, 'मी नुकताच माझ्या वडिलांबरोबर 'इमर्जन्सी' पाहिला. मी अजूनही त्या अनुभवातून बाहेर पडू शकली नाही! मी कंगना राणौतची खूप मोठी चाहती असल्यानं हा चित्रपट मोठ्या पडद्यावर पाहण्याची आतुरतेनं वाट पाहत होते. 'इमर्जन्सी' एक उत्कृष्ट चित्रपट आहे. 'गँगस्टर', 'क्वीन', 'तनु वेड्स मनू' 'मणिकर्णिका' ते 'थलायवी' आणि आता 'इमर्जन्सी' या चित्रपटातून कंगनानं सतत मर्यादा ओलांडल्या आहेत. तिच्या अविश्वसनीय प्रतिभेनं मला प्रेरित केलंय. हा चित्रपटही त्याला अपवाद नाही. तपशीलांकडे लक्ष, कॅमेरा वर्क, पोशाख आणि अभिनय हे सर्वच उच्च दर्जाचे आहेत! कंगना, तुम्ही दिग्दर्शक म्हणून स्वतःला मागे टाकले आहेस! पटकथा, संगीत, संवाद आणि संपादन हे सर्व आकर्षक आहे. श्रेयसजी, महिमाजी, अनुपम सर आणि सतीशजी, मिलिंद सर यांना त्यांच्या भूमिकांमध्ये चमकताना पाहणे मला खूप आवडले. प्रत्येक कलाकारानं एक उत्तम कामगिरी केली!'

मृणाल ठाकूर पोस्ट : मृणालनं पुढं म्हटलं, 'कंगना, तुम्ही फक्त एक अभिनेत्री नाहीस, तुम्ही एक खरे कलाकार आणि प्रेरणा आहात. आव्हानात्मक भूमिका साकारण्याचे तुमचे धाडस कौतुकास्पद आहे. कलेप्रती असलेले तुमचे समर्पण प्रत्येक फ्रेममध्ये दिसून येते. जर तुम्ही अजून 'इमर्जन्सी' पाहिला नसेल, तर कृपया स्वतःवर एक उपकार करा आणि तो लवकरच थिएटरमध्ये पाहा! हा चित्रपट प्रत्येक भारतीयांनी अवश्य पाहावे. मी हमी देतो की, तुम्हाला हा चित्रपट प्रेरित करेल. 'इमर्जन्सी' अद्भुत चित्रपट बनवल्याबद्दल कंगना आणि 'इमर्जन्सी'च्या संपूर्ण टीमचे आभार. श्रीमती इंदिरा गांधी भारतीय इतिहासातील सर्वात शक्तिशाली महिलांपैकी एक होत्या आणि अजूनही आहेत. कंगना राणौत ही भारतीय चित्रपटसृष्टीतील सर्वात हुशार, प्रतिभावान आणि धाडसी अभिनेत्रींपैकी एक आहे!' आता मृणाल ठाकूरच्या पोस्टवर अनेकजण आपल्या प्रतिक्रिया देत आहेत.

हेही वाचा :