मुंबई- Kalki 2898 AD Hindi Advance Booking :प्रभास, अमिताभ बच्चन, दीपिका पदुकोण, कमल हासन, दिशा पटानी आणि दुलकर सलमान स्टारर चित्रपट 'कल्की 2898 एडी' रिलीजसाठी सज्ज आहे. आता या चित्रपटाचं ॲडव्हान्स बुकिंग सुरु झालं आहे. आज 24 जून रोजी कल्कि 2898 एडी'चं हिंदीमधील ॲडव्हान्स बुकिंग सुरु झालंय. हा चित्रपट हिंदी व्यतिरिक्त इतर भाषांमध्ये रिलीज होणार आहे. दरम्यान, रिलीज होण्याच्या आधी म्हणजेच बुकिंगच्या पहिल्या दिवशी आतापर्यंत या चित्रपटानं 6 कोटी रुपयांची कमाई केली आहे. तसेच 23 जून रोजी तेलंगणा, तामिळनाडू आणि कर्नाटकमध्ये 'कल्की 2898 एडी'ची आगाऊ बुकिंग सुरू झाली होती.
'कल्की 2898 एडी'ची ॲडव्हान्स बुकिंग : निर्मात्यांनी आज 'कल्की 2898 एडी' हिंदीसाठी तिकीट खिडक्या उघडल्या असून हा चित्रपट बॉक्स ऑफिसवर जोरदार कमाई करणार असा अंदाज अनेकजण लावत आहे. निर्मात्यांनी हिंदीमध्ये तिकीट बुक करण्याची लिंक देखील शेअर केली आहे. 27 जून रोजी हा चित्रपट रुपेरी पडद्यावर रिलीज होणार आहे. 'कल्की 2898 एडी'ची ॲडव्हान्स बुकिंग उघडल्याच्या एका तासात 36 हजार तिकिटे विकली गेली. तेलंगणात एकामागून एक तिकिटांची जोरदार विक्री सुरू आहे. दरम्यान 'कल्की 2898 एडी'नं यूएस मध्ये 9 दिवसात 2.7 दशलक्ष कमावले आहेत. 'कल्की 2898 एडी' हा भारतीय सिनेमाच्या इतिहासातील पहिला चित्रपट ठरला आहे, जो 210 आयमॅक्स स्क्रीनवर प्रदर्शित होईल. हा चित्रपट थ्रीडी स्क्रीनवरही प्रदर्शित होणार आहे.
सॅकनिल्क रिपोर्टनुसार पहिला दिवस
तेलुगू (2डी)- 580 शोज, 66571 टिकट सेल, कमाई 1,97,83,271.64
तमिळ 2डी - 38 शोज, 374 टिकट सेल, कमाई 90,790
तमिळ 3डी- 185 शोज, 1973 टिकट सेल, कमाई 3,18,065
हिंदी 2 डी- 144 शोज, 982 टिकट, कमाई 2,01,870