हैदराबाद: पंजाबी सुपरस्टार दिलजीत दोसांझ आज 13 नोव्हेंबरला त्याच्या दिल-लुमिनाटी कॉन्सर्टसाठी हैदराबादला पोहोचला आहे. उद्या म्हणजेच 15 नोव्हेंबर रोजी हैदराबादमध्ये दिलजीतचा कॉन्सर्ट होणार आहे. दरम्यान, कॉन्सर्टपूर्वी दिलजीतनं हैदराबादमधील काही विशेष स्थळी भेट दिली. आता सोशल मीडियावर एक व्हिडिओ व्हायरल झाला आहे. या व्हिडिओमध्ये दिलजीत दोसांझ चारमिनारसमोर उभा राहून ऑटो राईड करत आहे. प्रथम तो ऑटो चालकाला मिठी मारतो आणि नंतर फिरायला निघतो. यानंतर तो चारमिनारवर पोहोचतो आणि तिथेल सुंदर दृश्य पाहतो. यानंतर तो गुरुद्वारा आणि मंदिरात दर्शन घेताना दिसतो. याशिवाय तो हैदराबादमधील एका राजवाड्यातून आकर्षक दृश्य पाहताना दिसतो.
दिलजीत दोसांझचा हैदराबादमध्ये कॉन्सर्ट :आता दिलजीतनं देखील त्याच्या इंस्टाग्राम अकाउंटवर हैदराबादमध्ये फिरतानाचा एक व्हिडिओ शेअर केला आहेत. दिलजीतनं शेअर केलेल्या व्हिडिओत तो हैदराबादमधील काही विशेष दृश्यांचा आनंद घेताना दिसत आहे. सध्या दिलजीत दोसांझ त्याच्या कॉन्सर्ट टूरवर आहे. याआधी त्यानं जयपूर आणि दिल्ली येथे कॉन्सर्ट केला. याशिवाय यापूर्वी दिलजीतचा यूकेमध्ये देखील एक कॉन्सर्ट होता. दरम्यान हैदराबादमधील व्हिडिओत तो ऑल ब्लॅक लूकमध्ये आहे. या व्हिडिओमध्ये त्याचा स्वॅग देखील पाहायला मिळत आहे. हैदराबादमधील व्हिडिओ शेअर करताना दिलजीतनं लिहिलं, 'दिल-लुमिनाटी टूर 2024 इन हैदराबाद.' आता दिलजीतच्या पोस्टवर चाहत्यांकडून मोठ्या प्रमाणात कमेंट्स येत आहेत.