मुंबई -Mr and Mrs Mahi First Song Release : निर्माता करण जोहरचा आगामी चित्रपट 'मिस्टर अ‍ॅन्ड मिसेस माही' सध्या खूप चर्चेत आहे. राजकुमार राव आणि जान्हवी कपूर स्टारर स्पोर्ट्स ड्रामा लवकरच चित्रपटागृहांमध्ये दाखल होणार आहे. या चित्रपटाच्या शानदार ट्रेलरने प्रेक्षकांची मनं जिंकली आहेत. 'मिस्टर अ‍ॅन्ड मिसेस माही' मधलं 'देखना तेनू' चित्रपटाचे पहिले गाणं आज 15 मे रोजी रिलीज करण्यात आलं. 'देखना तेनू' या गाण्यात राजकुमार राव आणि जान्हवी कपूर यांच्यातील सुंदर लव्ह केमिस्ट्री पाहायला मिळते. याआधी या गाण्याबद्दल सांगताना करण पोस्टमध्ये लिहिलं, 'हे गाणं प्रत्येकाच्या हृदयात गुंजेल, एका छोट्याशा स्माईल आणि शुद्ध प्रेमाने हे भरलेले गाणं आहे. हे गाणं माझ्या खूप हृदयाच्या जवळचं आहे. लवकरच तुमच्यासमोर असेल.'
'मिस्टर अँड मिसेस माही' चित्रपटामधील पहिलं गाणं रिलीज :आता हे गाणं आज प्रदर्शित झाल्यानंतर हा चित्रपट पाहण्यासाठी अनेकजण आतुर असल्याचं दिसत आहेत. शरण शर्मा दिग्दर्शित 'मिस्टर अँड मिसेस माही' या चित्रपटात एक सुंदर प्रेम कहाणी दाखवली जाणार आहे. हा चित्रपट 31 मे रोजी चित्रपटगृहात प्रदर्शित होत असून चित्रपटाची स्टारकास्ट त्याच्या प्रमोशनमध्ये व्यग्र आहे. या चित्रपटामध्ये राजकुमार राव आणि जान्हवी कपूर व्यतिरिक्त जरीना वहाब, राजेश शर्मा, कुमुद मिश्रा, पूर्णेंदू भट्टाचार्य, अभिलाष चौधरी, अभिषेक बॅनर्जी आणि इतर कलाकार दिसणार आहेत.