कॉमेडियन मुनव्वर फारुकीनं केलं गुपचूप दुसरं लग्न - Munawwar Farooqui

Munawwar Farooqui : लॉकअप आणि बिग बॉस फेम कॉमेडियन मुनव्वर फारुकीनं गुपचूप दुसरं लग्न केलं आहे. मुनव्वर आधीच विवाहित असून त्याला एक मुलगा आहे. मात्र याबाबत मुनव्वर फारुकीकडून या दुसऱ्या लग्नाबद्दल कोणतंही वक्तव्य केलेलं नाही.

मुंबई- Munawwar Farooqui : मुनव्वर फारुकीच्या चाहत्यांसाठी एक खास बातमी आली आहे. स्टँडअप कॉमेडियन आणि बिग बॉस 17 चा विजेता मुनव्वर फारुकी यानं दुसरं लग्न केलं आहे. मुनव्वर फारुकी याला नुकताच रुग्णालयातून डिस्चार्ज देण्यात आला असताना ही बातमी समोर आली आहे. मुनव्वर फारुकी याची प्रकृती ठीक आहे, मात्र त्यानं दुसरं लग्न केल्याची बातमी झळकली आहे. त्याची ही दुसरी पत्नी कोण आहे हे जाणून घ्यायला चाहते उतावीळ झाले आहेत.

मिळालेल्या माहितीनुसार मुनव्वर फारुकी त्याच्या दुसऱ्या लग्नाचा आनंद साजरा करत आहे. वृत्तानुसार, मुनव्वर फारुकीनं 10 दिवसांपूर्वी दुसरं लग्न केलं होतं. मुनव्वर फारुकीच्या कुटुंबातील एका सदस्याने या वृत्ताला अनुमोदन दिल्याचं बोललं जात आहे, मात्र मुनव्वर फारुकी याच्याकडून यावर कोणतीही प्रतिक्रिया आलेली नाही.

मीडिया रिपोर्ट्सनुसार, मुनव्वर फारुकी आणि त्यांच्या कुटुंबीयांनी या लग्नावर कोणतेही वक्तव्य करण्याचं टाळलं आहे. इतकंच नाही तर मुनव्वर फारुकीच्या दुसऱ्या लग्नाला टीव्ही स्टार हिना खाननेही हजेरी लावली होती.

मुनव्वर फारुकीची दुसरी पत्नी कोण आहे?

मिळालेल्या माहितीनुसार, मुनव्वर फारुकीची दुसरी पत्नी मेकअप आर्टिस्ट मेहजबीन कोतवाला आहे. हा विवाह मुंबई ITC मराठामध्ये पार पडला. त्याचवेळी, सोशल मीडियावर महजबीन कोतवाला नावाच्या एका इन्स्टाग्रामवर लग्नाचा एक फोटो शेअर करण्यात आला आहे, ज्यामध्ये या जोडप्याचे हात दिसत आहेत आणि महजबीन कोतवालाच्या हातावर मेहंदी लावलेली दिसत आहे. मात्र मेहजबीन कोतवालाचं हे खातं अधिकृत आहे अथवा नाही याची पुष्टी झालेली नाही. त्याच अकाऊंटवर एक इन्स्टास्टोरी देखील आहे, ज्यामध्ये शांत राहण्याचा एक इमोजी आहे, ज्यावरून असा अंदाज लावला जाऊ शकतो की मेहजबीन कोतवाला आणि मुनव्वर यांना त्यांचे लग्न गुप्त ठेवायचं आहे.

मुनव्वर फारुकीनं केलं गुपचूप दुसरं लग्न (Mehjabeen Kotwal Instagram)

मुनव्वर फारुकी जेव्हा कंगना रणौतच्या पहिल्या रिअ‍ॅलिटी शो 'लॉक अप'मध्ये स्पर्धक म्हणून गेला होता, तेव्हा मुनवर फारुकी त्यांच्या सह-स्पर्धकांना त्यांच्या मोबाईलवर एक चित्र दाखवत होते आणि कंगनाने त्यांना याबद्दल विचारले होते. हे . तेव्हा मुनव्वर फारुकीने सांगितले होते की तो विवाहित आहे आणि त्याला एक मुलगा आहे, त्याचे नाव मिखाईल आहे. मुनव्वर फारुकीचं पहिलं लग्न 2017 मध्ये झालं होतं आणि ते 2020 मध्ये विभक्त झाले होते.

मुनव्वर फारुकीनं केलं गुपचूप दुसरं लग्न (Mehjabeen Kotwal Instagram)

हेही वाचा -