मुंबई - सर्वात लोकप्रिय रिआलिटी शो बिग बॉसच्या डिजिटल फॉर्म बिग बॉस ओटीटी3 चा पहिला प्रोमो आज 31 मे रोजी लॉन्च झाला आहे. बिग बॉस ओटीटी 3 च्या प्रोमोमध्ये सलमान खान होस्ट करणार नसल्याचं समोर आलं. आज 31 मे रोजी दुपारी जिओ सिनेमानं बिग बॉस ओटीटी3 चा प्रोमो शेअर करुन आपला नवा होस्ट कोण असेल याची स्पष्टता दिली आहे. बिग बॉस ओटीटी सीझन 1 करण जोहर आणि बिग बॉस ओटीटी 2 सलमान खान यांनी होस्ट केल्यानंतर आता बिग बॉस ओटीटी 3 अनिल कपूर होस्ट करणार आहे. बिग बॉस ओटीटी 3 जूनमध्ये सुरू होईल.
बिग बॉस ओटीटी3 मध्ये अनिल कपूरची एन्ट्री
बिग बॉस ओटीटी 3 च्या प्रोमोची सुरुवात स्पर्धकांच्या लढाईने होते आणि त्यानंतर, अनिल कपूर प्रोमोमध्ये सूट आणि बूटमध्ये 'झक्कास' एंट्री करतो, शिट्टी वाजवतो आणि म्हणतो, कुर्सी मंगाव रे... इतक्यात मागून आवाज येतो. 'सर झकास'. यावर अनिल कपूर म्हणतो, 'अरे, पुरे झाले झटके, अजून काही तरी खास करूया. याबरोबरच, अनिल कपूर होस्टच्या खुर्चीवर पाय ओलांडून बसताना त्याचा स्वॅग दाखवतो.
बिग बॉस ओटीटी3 कधी स्ट्रीम होईल?
बिग बॉस ओटीटी सीझन 3 या जूनपासून जिओ सिनेमावर स्ट्रीम होणार आहे. बिग बॉस ओटीटी हा शो 8 ऑगस्ट 2021 पासून सुरू झाला आणि त्याचे 102 भाग झाले होते. बिग बॉस ओटीटीचा ओपनिंग सीझन करण जोहरने होस्ट केला होता आणि त्याची विजेती टीव्ही अभिनेत्री दिव्या अग्रवाल होती. त्याच वेळी, सलमान खानने बिग बॉस ओटीटी 2 ताब्यात घेतला, ज्यामध्ये सोशल मीडिया स्टार आणि लोकप्रिय वादग्रस्त यूट्यूबर 'सिस्टम' उर्फ एल्विश यादव जिंकला होता. बिग बॉस ओटीटी2 गेल्या वर्षी 17 जून 2023 रोजी सुरू झाला आणि त्याचे 59 भाग प्रसारित झाले होते, हा शो 57 दिवस चालला होता.
हेही वाचा -
- जून महिन्यात रिलीज होणार 'कल्की 2898AD' ते 'चंदू चॅम्पियन' पर्यंत हे 10 चित्रपट - Movies releasing in June
- संत मुक्ताबाईंचं प्रेरणादायी चरित्र 'संत ज्ञानेश्वरांची मुक्ताई’ २ ऑगस्टला येणार प्रेक्षकांच्या भेटीला - Sant Dnyaneshwaranchi Muktai
- 'कोटा फॅक्टरी' सीझन 3 च्या रिलीजची तारीख क्रॅक करण्यासाठी जितेंद्र कुमारनं घातलं चाहत्यांना कोडं - Kota Factory
