मुंबई - तेलुगू चित्रपटाचे लोकप्रिय नायक असलेले नंदामुरी बालकृष्णा यांचा एक टॉक शो सध्या खूप गाजत आहे. यात दिग्गज सेलेब्रिटींची हजेरी लागत असल्यामुळे शोला अफाट लोकप्रियता मिळत आहे. या शोमध्ये अलीकडेच तेलुगू स्टार अल्लू अर्जुन उपस्थित होता. यावेळी नंदामुरी बालकृष्णा यांनी विचारलेल्या एका प्रश्नावर अल्लू अर्जुननं रणवीर सिंगचं कौतुक केलं. त्याची ही क्लिप सोशल मीडियावर व्हायरल झाल्यानंतर, प्रत्येकजण असा अंदाज लावत आहे की अल्लू अर्जुन आणि रणवीर सिंग एकाच चित्रपटात झळकणार. काही जणांनी हा चित्रपट 'धूम 4' असावा असा अंदाज व्यक्त करायलाही सुरूवात केली आहे.
अल्लू अर्जुन-रणबीर कपूर एका मल्टीस्टारर चित्रपटात दिसणार?
टॉक शोमध्ये अल्लू अर्जुन म्हणतो की, "रणबीर कपूर हा बॉलिवूडचा सर्वोत्कृष्ट अभिनेता आहे आणि या पिढीचा तो माझा वैयक्तिक आवडता अभिनेता आहे." यावर बाळकृष्ण म्हणतात, "यावेळी माझं मन काय सांगतंय ते बोलू का?" यावर अल्लू अर्जुन म्हणतो, "प्लीज, मला सांगा सर." तेव्हा बालकृष्ण म्हणतात, "रणबीर कपूर आणि अल्लू अर्जुन यांना घेऊन एक मल्टीस्टारर चित्रपट बनवावा", असे मला वाटते. यावर सर्वांनी टाळ्या वाजवल्या. तेव्हा बालकृष्ण म्हणतात, " येत्या ६ महिन्यांत जर कोणी चित्रपटाचा विचार केला नाही तर मी स्वतः त्याची कथा लिहीन."