मुंबई Avika Gor Birthday :'बालिका वधू' फेम अविका गोर आज 30 जून रोजी आपला 27वा वाढदिवस साजरा करत आहे. तिनं टेलिव्हिजन जगतात खूप कमी वयात नाव कमावलं आहे. 'बालिका वधू'मध्ये आनंदीची भूमिका साकारल्यानंतर ती प्रकाशझोतात आली. तिला 2009 मध्ये सर्वोत्कृष्ट बाल कलाकार श्रेणीमध्ये राजीव गांधी पुरस्कार मिळाला होता. 'ससुराल सिमर का'मध्ये रोलीची भूमिका साकारल्यानंतर तिला एक नवीन ओळख मिळाली. 2013 मध्ये रिलीज झालेल्या 'उय्याला जंपला' या चित्रपटाद्वारे तिनं तेलुगू चित्रपटसृष्टीत पदार्पण केलं. यासाठी तिला पदार्पणासाठी सर्वोत्कृष्ट अभिनेत्रीचा एसआयआयएमए (SIIMA ) पुरस्कार मिळाला.
अविका गोरनं सांगितलं वाढत्या वजनाबद्दल : तिनं '1920 हॉरर्स ऑफ द हार्ट' आणि 'राजू गारदी 3'मध्ये भुताची भूमिका केली. तिनं अनेक रोमँटिक चित्रपट आणि वेब सीरीजही केल्या आहेत. आता ती बी-टाऊनमध्येही तिच्या अभिनयामुळे चर्चेत आहे. काही दिवसापूर्वी ती तिच्या वाढत्या वजनाबद्दल उघडपणे बोलली. आता ती पूर्णपणे फिट दिसू लागली आहे. आजकाल अविका तिच्या अप्रतिम फॅशन सेन्ससाठी सोशल मीडियावर लोकप्रिय आहे. दरम्यान वाढदिवसाच्या खास प्रसंगी अनेकजण तिला शुभेच्छा देत आहेत. ती सोशल मीडियावर खूप सक्रिय आहे. अनेकदा ती आपल्या चाहत्याबरोबर सुंदर फोटो शेअर करत असते. याशिवाय ती अनेकदा पार्ट्यांमध्ये आपल्या मित्र -मैत्रिणीबरोबर देखील दिसते.