मुंबई - महाराष्ट्र विधानसभा निवडणुकीची 2024 ची मतमोजणीतून महाराष्ट्रात महायुतीचं सरकार स्थापन होणार हे स्पष्ट झालंय. मुंबईतील वसोर्वा विधानसभा मतदारसंघ हा महाराष्ट्रात चर्चेचा विषय राहिला आहे. बिग बॉसचा माजी स्पर्धक, अभिनेता आणि स्वत:ला मुंबईचा भाईजान म्हणवणाऱ्या अजान खाननेही या जागेवर निवडणूक लढवली होती. एजाज यांनी खासदार चंद्रशेखर आझाद यांच्या आझाद समाज पक्षातर्फे निवडणूक लढवली होती. मात्र, एजाज खान यांना इतकी कमी मतं मिळाली आहेत की त्याच्यावर आता चोहीबाजूंनी टीका होत आहे. एजाजचे सोशल मीडियावर लाखो फॉलोअर्स आहेत, तरीही त्याला त्याचा कोणताही फायदा झाला नाही.
एजाजचे सोशल मीडियावर 5 दशलक्षाहून अधिक फॉलोअर्स
एजाज खानला फेसबुकवर ४.१ दशलक्ष आणि इंस्टाग्रामवर ५.६ दशलक्ष चाहते फॉलो करतात. असे असूनही मतमोजणीच्या 18 फेऱ्यांनंतर त्याला केवळ 146 मतं मिळाली. त्याला मिळालेल्या या मतदार संघातील हा मतांचा हा आकडा NOTA पेक्षा खूपच कमी आहे. याठिकाणी तर 1216 लोकांनी NOTA वर बटण दाबले आहे. NOTA ला पडलेल्या मतांएवढीही मत त्याला मिळू न शकल्यानं नेटिझन्सनी त्याची खिल्ली उडवली आहे.