ചോറ്റു പാത്രം കാലിയാകാന്‍ ഈയൊരറ്റ വിഭവം മതി; കാന്താരി കൊണ്ട് ഇതൊന്ന് പരീക്ഷിച്ച് നോക്കൂ

കാന്താരി മുളക് കൊണ്ടൊരു കിടിലന്‍ വിഭവം. ചോറിനൊപ്പം കഴിക്കാന്‍ ഇതുമാത്രം മതിയാകും. തയ്യാറാക്കേണ്ടത് ഇങ്ങനെ.

മലയാളികള്‍ക്ക് ചോറിനും കഞ്ഞിക്കുമൊപ്പം ഏറ്റവും ഇഷ്‌ടപ്പെട്ട ഒരു വിഭവമാണ് ചമ്മന്തി. കാന്താരി മുളക് ചേര്‍ത്തതാണെങ്കില്‍ പിന്നെ അതിന്‍റെയൊരു ടേസ്റ്റ് വേറെ ലെവലായിരിക്കും. നല്ല എരിവുള്ള ഈ മുളക് പാകത്തിന് ചേര്‍ത്ത് ചമ്മന്തി അരച്ചെടുത്താല്‍ നല്ല ടേസ്റ്റായിരിക്കും. അത്തരത്തിലൊരു അടിപൊളി ചമ്മന്തി തയ്യാറാക്കി നോക്കാം.

ആവശ്യമുള്ള ചേരുവകള്‍:

• തേങ്ങ
• കാന്താരി
• ചെറിയ ഉള്ളി
• ഇഞ്ചി
• പുളി
• ഉപ്പ്
• കറിവേപ്പില

തയ്യാറാക്കേണ്ട വിധം: തേങ്ങ, കാന്താരി മുളക്, ചെറിയ ഉള്ളി, ഇഞ്ചി, പുളി, ആവശ്യത്തിന് ഉപ്പ് എന്നിവ ചേര്‍ത്ത് വെള്ളം ചേര്‍ക്കാതെ അരച്ചെടുക്കാം. ശേഷം അല്‍പം കറിവേപ്പിലയും ചേര്‍ത്ത് ഒന്നുകൂടി അരയ്‌ക്കാം. ഇതോടെ നല്ല എരിവും പുളിയുമുള്ള കാന്താരി തേങ്ങ ചമ്മന്തി റെഡി.