പള്ളാത്തുരുത്തി പാലത്തില്‍ നിന്നും ആറ്റിലേക്ക് ചാടിയ യുവതിയ്‌ക്കും യുവാവിനുമായുള്ള തെരച്ചില്‍
ആലപ്പുഴ: ആലപ്പുഴ പള്ളാത്തുരുത്തി പാലത്തില്‍ നിന്ന് യുവതിയും യുവാവും ആറ്റിലേക്ക് ചാടി. ഇന്ന് പുലര്‍ച്ചെ മൂന്ന് മണിയോടെയാണ് സംഭവം നടക്കുന്നത്. അതുവഴി പോയ ലോറിയിലെ ഡ്രൈവറാണ് ഇരുവരും ചാടുന്നത് കണ്ടതായി പൊലീസില്‍ അറിയിച്ചത്.
നെടുമുടി പൊലിസും അഗ്‌നിശമന സേനയും എത്തി പരിശോധിച്ചെങ്കിലും അവരെ കണ്ടെത്താന്‍ കഴിഞ്ഞിട്ടില്ല. ഇവർക്കായി കൂടുതല്‍ തിരച്ചില്‍ നടക്കുകയാണ്. ഇരുവരും ചാടുന്ന സമയം നല്ല അടിയൊഴുക്ക് ഉണ്ടായിരുന്നതായി അധികൃതർ പറഞ്ഞു. ആറ്റിലേക്ക് ചാടിയവരെ കുറിച്ച് കൂടുതൽ വിവരങ്ങൾ ലഭ്യമായിട്ടില്ല.