വയനാട് ഉരുൾപൊട്ടൽ: സംസ്ഥാനത്ത് ഇന്നും നാളെയും ഔദ്യോഗിക ദുഃഖാചരണം - KERALA GOVT DECLARED MOURNING

അനേകം പേരുടെ മരണത്തിനിടയാക്കിയ വയനാട്ടിലെ ഉരുൾപൊട്ടലിൽ സംസ്‌ഥാനത്ത് ഇന്നും നാളെയും ഔദ്യോഗിക ദുഃഖാചരണം. പൊതുപരിപാടികൾ മാറ്റി വയ്‌ക്കും.

തിരുവനന്തപുരം: വയനാട് ജില്ലയിലുണ്ടായ ഉരുൾപൊട്ടലിന്‍റെ പശ്ചാത്തലത്തിൽ ഇന്നും നാളെയും (ജൂലൈ 30, 31) സംസ്ഥാനത്ത് ഔദ്യോഗിക ദുഃഖാചരണം പ്രഖ്യാപിച്ചു. സംസ്ഥാനത്ത് ഇന്നും നാളെയുമായി നടത്താനിരുന്ന പൊതുപരിപാടികൾ മാറ്റി വയ്‌ക്കുമെന്ന് ചീഫ് സെക്രട്ടറി ഡോ. വേണു വി അറിയിച്ചു.

അനേകം പേരുടെ മരണത്തിനും മറ്റ് നാശനഷ്‌ടങ്ങൾക്കും ഇടയാക്കിയ ദുരന്തത്തിൽ അതീവ ദുഃഖം രേഖപ്പെടുത്തുന്നതായാണ് സർക്കാർ അറിയിച്ചത്. ദുഃഖാചരണത്തിന്‍റെ ഭാഗമായി ദേശീയപതാക പകുതി താഴ്ത്തിക്കെട്ടേണ്ടതും പൊതുചടങ്ങുകളും ആഘോഷ പരിപാടികളും മാറ്റിവയ്ക്കേണ്ടതുമാണെന്ന് സർക്കാർ അറിയിച്ചു.