ദളപതി വിജയുടെ ഏറ്റവും പുതിയ ചിത്രം 'ദി ഗ്രേറ്റസ്റ്റ് ഓഫ് ഓൾ ടെെം' (ഗോട്ട്)' സെപ്‌റ്റംബർ 5 ന് ആഗോള റിലീസിനെത്തുന്നു. കേരളത്തിലും ചിത്രം റെക്കോർഡ് റിലീസായാണ് എത്തുന്നത്. കേരളത്തിലെ 700 -ലധികം സ്‌ക്രീനുകളിൽ ആദ്യ ദിനം 4000 - ലധികം ഷോകളാണ് ചിത്രത്തിനുണ്ടാവുക. ശ്രീ ഗോകുലം മൂവീസിന്‍റെ ബാനറിൽ ഗോകുലം ഗോപാലനാണ് കേരളത്തിൽ ചിത്രം വിതരണം ചെയ്യുന്നത്.
ഇപ്പോഴിതാ, കൊച്ചി മെട്രോയുമായി സഹകരിച്ചു കൊണ്ട്, മെട്രോ ട്രെയിനുകളിൽ ചിത്രം ബ്രാൻഡിംഗ് ചെയ്‌തിരിക്കുകയാണ്. കൊച്ചി മെട്രോയിൽ ബ്രാൻഡ് ചെയ്യുന്ന ആദ്യ തമിഴ് ചിത്രമെന്ന പ്രത്യേകതയും "ദി ഗോട്ട് " നുണ്ട്. ആക്ഷൻ മൂഡിൽ ഒരുക്കിയ ഗോട്ട്, എജിഎസ് എന്‍റര്‍ടെയിന്‍മെന്‍റിന്‍റെ ബാനറിൽ കൽപാത്തി എസ് അഘോരം, കൽപാത്തി എസ് ഗണേഷ്, കൽപാത്തി എസ് സുരേഷ് എന്നിവർ ചേർന്നാണ് നിർമ്മിച്ചിരിക്കുന്നത്. മീനാക്ഷി ചൗധരിയാണ് ചിത്രത്തിൽ നായികയായെത്തുന്നത്.
പ്രശാന്ത്, പ്രഭുദേവ, ജയറാം, അജ്‌മൽ അമീർ, മോഹൻ, യോഗി ബാബു, വിടിവി ഗണേഷ്, സ്നേഹ, ലൈല, വൈഭവ്, പ്രേംഗി അമരൻ, അരവിന്ദ്, അജയ് രാജ്, പാർവതി നായർ, കോമൾ ശർമ്മ, യുഗേന്ദ്രൻ, അഭ്യുക്ത മണികണ്ഠൻ, അഞ്ജന കിർത്തി, ഗഞ്ചാ കറുപ്പ് എന്നിവരും ചിത്രത്തിൽ മികച്ച് വേഷങ്ങളിൽ എത്തുന്നു.
യുവാൻ ശങ്കർ രാജയാണ് ചിത്രത്തിന് സംഗീതമൊരുക്കുന്നത്. ഛായാഗ്രഹണം-സിദ്ധാർത്ഥ നൂനി, ചിത്രസംയോജനം- വെങ്കട് രാജേൻ, ആക്ഷൻ- ദിലീപ് സുബ്ബരായൻ, കലാസംവിധാനം- ബി ശേഖർ, സൂര്യ രാജീവൻ, വസ്ത്രാലങ്കാരം- വാസുകി ഭാസ്‌കർ, പല്ലവി സിങ്, സൗണ്ട് ഡിസൈൻ- ടി ഉദയകുമാർ, രഞ്ജിത് വേണുഗോപാൽ, സരവകുമാർ, സൗണ്ട് മിക്‌സിങ്- ടി ഉദയകുമാർ, നൃത്ത സംവിധാനം- സതീഷ് കൃഷ്‌ണൻ, പ്രൊഡക്ഷൻ എക്‌സിക്യൂട്ടീവ്- എം.സെന്തികുമാർ, ഗോവിന്ദരാജ്, രാംകുമാർ ബാലസുബ്രഹ്മണ്യൻ, വിഎഫ്എക്‌സ് ഹെഡ്- ആർ. ഹരിഹര സുതൻ, പബ്ലിസിറ്റി ഡിസൈൻ- ഗോപി പ്രസന്ന. ഡിസ്ട്രിബ്യൂഷൻ പാർട്‌ണർ- ഡ്രീം ബിഗ് ഫിലിംസ്
Also Read : ഇനി 'ഗോട്ടി'ന്‍റെ വിളയാട്ടം; തിയേറ്ററുകൾ കീഴടക്കാൻ വിജയ്‌യുടെ 'ദി ഗ്രേറ്റസ്റ്റ് ഓഫ് ഓൾ ടൈം' വരുന്നു - THE GREATEST OF ALL TIME RELEASE
