വിസി ചാണ്ടി മാസ്റ്റർ രാജിവെച്ചു
കോട്ടയം: കേരള കോൺഗ്രസ് (ജോസഫ്) വിഭാഗത്തിൽ വീണ്ടും രാജി. പാർട്ടി സംസ്ഥാന വൈസ് ചെയർമാൻ വിസി ചാണ്ടി രാജിവെച്ചു. പാർട്ടിയിൽ മോൻസ് ജോസഫിൻ്റെ ഏകാധിപത്യമാണുള്ളതെന്നും ഇതേ തുടർന്നാണ് രാജി വെച്ചതെന്നും വിസി ചാണ്ടി പറഞ്ഞു. കോട്ടയത്തെ സ്ഥാനാർഥി വിശ്വസ്‌തനല്ല. സ്ഥാനാർഥി നിർണയത്തില്‍
വിയോജിപ്പ് ഉണ്ടെന്ന്‌ പിജെ ജോസഫിനോട് പല തവണ പരാതിപ്പെട്ടിടും നടപടി ഉണ്ടായില്ലെന്നും ചാണ്ടി ആരോപിച്ചു.
കോട്ടയം പ്രസ്‌ ക്ലബ്ബിൽ വച്ചായിരുന്നു രാജി പ്രഖ്യാപനം. കർഷകർക്ക് വേണ്ടി പ്രവർത്തിക്കുമെന്ന തീരുമാനത്തോടെ ആരംഭിച്ച പാർട്ടി ഇന്ന് കർഷകരുടെ താൽപര്യം സംരക്ഷിക്കുന്ന കാര്യത്തിൽ നിഷ്ക്രിയമാണെന്നും അദ്ദേഹം ആരോപിച്ചു.